Элде адам къалмаса, ит тахтагъа минер.
Чарсда алчыны эл кёреди.
Бети – къучакълар, джюреги – бычакълар.
Акъыл аздырмаз, билим тоздурмаз.
Къайгъы тюбю – тенгиз.
Чалманны аллы къалай башланса, арты да алай барады.
Окъуусуз билим – джокъ, билимсиз кюнюнг – джокъ.
Тенгни тенглиги джашай барсанг билинир.
Ата Джуртуму башы болмасам да, босагъасында ташы болайым.
Эте билген, этген этеди, эте билмеген, юретген этеди!
Уллу къашыкъ эрин джыртар.
Татлы тилде – сёз ариу, чемер къолда – иш ариу.
Ашхы болсанг, атынг чыгъар, аман болсанг, джанынг чыгъар.
Игиге айтсанг – билир, аманнга айтсанг – кюлюр.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Сабий кёргенин унутмаз.
Кесине гебен этелмеген, биреуге черен эте эди.
Айтылгъан сёз ызына къайтмаз.
Джарлыны тону джаз битер.
Къуру гыбыт бек дыгъырдар.
Кирсизни – саны таза, халалны – къаны таза.
Къаллай салам берсенг, аллай джууаб алырса.
Ишленмеген джаш – джюгенсиз ат, ишленмеген къыз – тузсуз хант.
Аманнга да, игиге да оноусуз къатышма.
Ауурну тюбю бла, дженгилни башы бла джюрюген.
Азыкъ аз болса, эртде орун сал.
Эркишиге тары кебек танг кёрюнюр.
Онгсузну – джакъла, тенгликни – сакъла.
Атлыны кёрсе, джаяуну буту талыр.
Джылар джаш, атасыны сакъалы бла ойнар.
Тилсиз миллет джокъ болур.
Урама да – ёледи, сатама да – келеди.
Ана къойну – балагъа джандет.
Къралынгы – душмандан, башынгы от бла суудан сакъла.
Ышармагъан – кюлмез, кюлмеген – къууанчны билмез.
Джангыз торгъай джырламаз.
Тиширыусуз юй – отсуз от джагъа.
Хаухну атма, ёнгкючню сатма.
Келинни – келгинчи, бёркню кийгинчи кёр.
Адам къаллай бир ишленмесе, аллай бир кесин уллу кёреди.
Акъыл бла адеб эгизледиле.
Байлыкъ адамны сокъур этер.
Иесиз малны бёрю ашар.
Къозулугъунда тоймагъан, къойлугъунда тоймаз.
Сууда джау джокъ, кёб сёзде магъана джокъ.
Чакъырылмагъан къонакъ къачан кетерин сормаз.
Аман адамны тепсинге олтуртсанг, къызынгы тилер.
Къыз тиширыу кеси юйюнде да къонакъды.
Тау башында, тау болмаз, джангыз терек, бау болмаз.
Кёб къычыргъандан – къоркъма, тынч олтургъандан – къоркъ.
