Эрине къаргъыш этген къатын, эрнин къабар.
Билимли ёлмез, билимсиз кёрмез.
Кечеси – аяз, кюню – къыш, джарлы къаргъагъа бир аш тюш!
Акъыл бла адеб эгизледиле.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къазанны башы ачыкъ болса, итге уят керекди.
Тойчу джашха къарама, къойчу джашха къара.
Гыдай эчки суугъа къараб, мюйюзле кёрмесе, джашма алкъын, дегенди.
Адам туугъан джеринде, ит тойгъан джеринде.
Ёлмесенг да, къарт дамы болмазса?
Кюл тюбюндеги от кёрюнмейди.
Биреуге аманлыкъны тилеме да, кесинге ашхылыкъны тиле.
Таукел адам тау тешер.
Аш хазыр болса, иш харам болур.
Ач келгенни – тойдур, кеч келгенни – къондур.
Ёксюзню къалачы уллу кёрюнюр.
Ач уят къоймаз.
Рысхы джалгъанды: келген да этер, кетген да этер.
Намысы джокъну – дуниясы джокъ.
Къарны аманнга къазан такъдырма, къолу аманнга от джакъдырма.
Аманны тукъумуна къарама, игини тукъумун сорма.
Чомарт бергенин айтмаз.
Чыкълы кюнде чыкъмагъан, чыкъса къуру кирмеген.
Киштикге къанат битсе, чыпчыкъ къалмаз эди.
Юйлю уругъа ит чабмаз.
Таякъ этден ётер, тил сюекден ётер.
Аман адамны тепсинге олтуртсанг, къызынгы тилер.
Хантына кёре тузу, юйюне кёре къызы.
Бетинги сатма, малынгы сат.
Хар зат кесини орнуна иги.
Ашын ашагъанынгы, башын да сыйла.
Накъырда – кертини келечиси.
Окъдан джара эртде-кеч болса да бителир, сёз джара, ёмюрге къалыр.
Аман хансны – урлугъу кёб.
Узун джолну барсанг, бюгюн келирсе, къысха джолну барсанг, тамбла келирсе.
Махтаннган къыз, тойда джукълар.
Кёлю джокъну – джолу джокъ.
Къатыны харакетли болса, эри къымсыз болур.
Къызгъанчдан ычхыныр, мухардан ычхынмаз.
Адамны аманы адамны бети бла ойнар.
Бойнуму джети джерден кессенг да, мен ол ишни этеллик тюлме.
Акъдан къара болмаз.
Тёзгеннге, джабылгъан эшик ачылыр.
Ауругъаннга – кийик саулукъ, джетген къызгъа – чилле джаулукъ.
Дженгил джетерикме деб, узун джолну къоюб, къысхасын барма.
Тилде сюек болмаса да, сюек сындырыр.
Келинин тута билмеген, къул этер, къызын тута билмеген, тул этер.
Келгинчи, къонакъ уялыр, келгенден сора, къонакъбай уялыр.
Ёмюрлюк шохлукъну джел элтмез.
Джарашыу сюйген – джалынчакъ.
