Байлыкъ адамны сокъур этер.
Ат да турмайды бир териде.
Юйлю уругъа ит чабмаз.
Эллинг бла джау болсанг да, юйюнг бла джау болма.
Тынгылагъан тынгы бузар.
Накъырданы арты керти болур.
Аууз сакълагъан – джан сакълар.
Кимни – тили, тиши онглу, кимни – къолу, иши онглу.
Аякъларынгы джууургъанынга кёре узат.
Бал чибинни ургъаны – ачы, балы – татлы.
Иги – алгъыш этер, аман – къаргъыш этер.
Джети тилни билген джети кишиди.
Джангыз терек къынгыр ёсер.
Джашынгы кесинг юретмесенг, джашау юретир.
Борчунг бар эсе, хурджунунга ойлаб узал.
Чомарт джарлы болмаз.
Эки ойлашыб, бир сёлешген.
Алтыннга тот къонмаз.
Халкъны юйю – туугъан джери.
Игини сыйлагъан адетди.
Ичимден чыкъды хата, къайры барайым сата?
Ариу джол аджал келтирмез.
Таукел тауну аудурур.
Къоркъакъны кёзю экили кёрюр.
Ата Джуртун танымагъан, атасын да танымаз.
Орундукъ тюбюнде атылсам да, орта джиликме, де да айлан.
Биреу къой излей, биреу той излей.
Бал ашаргъа сюе эсенг, чибин ургъаннга тёз.
Тойгъандан сора, ашны сёкме.
Къолунгдан къуймакъ ашатсанг да, атаны борчундан къутулмазса.
Тюзлюк шохлукъну бегитир.
Сабийликде юретмесенг, уллу болса – тюзелмез.
Бир абыннган – минг сюрюнюр.
Аманны эки битли тону болур, бирин сеннге кийдирир, бирин кеси киер.
Акъыл сабырлыкъ берир.
Эртде тургъан джылкъычыны эркек аты тай табар.
Акъылсызны джууукъгъа алма, акъыллыны кенгнге салма.
Эм ашхы къайын ана мамукъ бла башынгы тешер.
Ашха уста, юйюнде болсун
Кёз – сюйген джерде, къол – ауругъан джерде.
Адам туугъан джеринде, ит тойгъан джеринде.
Чакъырылмай келген къонакъ сыйланмай кетер.
Чомарт къолда мал къалмаз.
Къайтырыкъ эшигинги, къаты уруб чыкъма.
Гырджын – тепсини тамадасы.
Чабакъсыз кёлге къармакъ салгъанлыкъгъа, чабакъ тутмазса.
Чабакъ башындан чирийди.
Ариу – кёзге, акъыл – джюрекге.
Ёлмесенг да, къарт дамы болмазса?
Тил бла келеди джыр да.
