Джыланны къуйругъундан басарынг келсе, аны башы болгъанын унутма.
Тилчи тилден къаныкъмаз.
Сютню башын джалагъан къутулур, тюбюн ичген тутулур.
Бетинги сатма, малынгы сат.
Аджашхан тёгерек айланыр.
Эм ашхы къайын ана мамукъ бла башынгы тешер.
Борчунг бар эсе, хурджунунга ойлаб узал.
Ашхы адам – халкъ байлыгъы, ашхы джер – джашау байлыгъы.
Тилчи бир сагъатха айлыкъ хата этер.
Атадан ёксюз – бир ёксюз, анадан ёксюз – эки ёксюз.
Тура эдим джата, къайдан чыкъды хата?
Тилсиз миллет джокъ болур.
Къонакъ кёб келюучю юйню, къазаны отдан тюшмез.
Бал – татлы, балдан да бала – татлы.
Ушамагъан – джукъмаз.
Биреу ашаб къутулур, биреу джалаб тутулур.
Тили узунну, намысы – къысха.
Сёз – кюмюш, джыр – алтын.
Джети тилни билген джети кишиди.
Ойнай-ойнай кёз чыгъар.
Билимден уллу байлыкъ джокъду.
Билгенни къолу къарны джандырыр.
Тилде сюек болмаса да, сюек сындырыр.
Келинни – келгинчи, бёркню кийгинчи кёр.
Окъуу – билимни ачхычы, окъуу – дунияны бачхычы.
Ана къойну – балагъа джандет.
Акъылсызны джууукъгъа алма, акъыллыны кенгнге салма.
Эки ойлашыб, бир сёлешген.
Адамны аманы адамны бети бла ойнар.
Эринчекге кюн узун.
Джарлыны эшигин махтагъан джабар.
Ашатыргъа иш – ашхы, ишлетирге аш – ашхы.
Алтыда кюлмеген, алтмышда кюлмез.
Къарын къуру болса, джюрек уру болур.
Хансыз джомакъ болмаз.
Тил джюрекге джол ишлейди.
Аджал соруб келмез, келсе, къайтыб кетмез.
Сормай – алма, чакъырылмай – барма.
Ат да турмайды бир териде.
Урама да – ёледи, сатама да – келеди.
Окъугъанны бети джарыкъ.
Тёрени джагъы джокъ.
Таукел тауну аудурур.
Тюзлюк тас болмайды.
Аз сёлеш, кёб ишле.
Ёпкелегенни ашы татлы болады.
Сангырау къулакъ эл бузар.
Тил бла келеди джыр да.
Кёзюнде тереги болгъан, чёбю болгъаннга кюле эди.
Билим насыб берир, билим джолну керир.
