Зарда марда джокъ.
Къаллай салам берсенг, аллай джууаб алырса.
Орундукъ тюбюнде атылсам да, орта джиликме, де да айлан.
Шекер бла туз – бир болмаз, ушамагъан – юй болмаз.
Ариу джол аджал келтирмез.
Бир онгсуз адам адет чыгъарды, деб эштирик тюлсе.
Тил бла келеди джыр да.
Окъугъан озар, окъумагъан тозар.
Артына баргъанны, къатына барма.
Экиндини кеч къылсанг, чабыб джетер ашхам.
Тойгъанлыкъ къойгъа джарашады.
Ариу сёз – къылычдан джити.
Джыгъылгъанны сырты джерден тоймаз.
Чомарт джарлы болмаз.
Айтылгъан сёз ызына къайтмаз.
Аллахдан тилесенг, кёб тиле.
Тыш элде солтан болгъандан эсе, кесинги элде олтан болгъан игиди!
Ётюрюкчюню шагъаты – къатында.
Баш – акъыл ючюн, акъылман – халкъ ючюн.
Нарт сёз къарт болмаз.
Ана – юйню кюн джарыгъы.
Билмегенинги, билгеннге сор.
Джашынгы кесинг юретмесенг, джашау юретир.
Бети бедерден, намыс сакълама.
Айырылгъанланы айю ашар, бёлюннгенлени бёрю ашар.
Алим болгъандан эсе, адам болгъан къыйынды.
Джиби бир къат джетмей эди да, эки къат тарта эди.
Ана кёлю – балада, бала кёлю – талада.
Рысхысына кёре, джаш ёсер, къышлыгъына кёре, мал ёсер.
Аш иеси бла татлыды.
Джаным-тиним – окъуу, билим.
Эртде тургъан бла эртде юйленнген сокъуранмаз.
Сакъ юйюне сау барыр.
Джырчы ёлсе, джыры къалыр.
Ёнгкюч къууана барыр, джылай келир.
Таш бла ургъанны, аш бла ур.
Таукел тауну аудурур.
Баш болса, бёрк табылыр.
Тас болгъан бычакъны сабы – алтын.
Асхат ашлыкъ сата, юйдегиси ачдан къата.
Арбаз къынгырды да, ийнек сауалмайма.
Ётюрюкню къуйругъу – бир тутум.
Бир абыннган – минг сюрюнюр.
Тюзню ётмеги тюзде къалса да, тас болмаз.
Юйлю уругъа ит чабмаз.
Ат да турмайды бир териде.
Тюзлюк тас болмайды.
Ашда уялгъан – мухар, ишде уялгъан – хомух.
Чабакъгъа акъыл, табагъа тюшсе келеди.
Ёлмесенг да, къарт дамы болмазса?
