Сабыр джетер муратха, сабырсыз къалыр уятха.
Ауузу бла къуш тута айланады.
Алгъанда – джууукъ, бергенде – джау.
Туз, гырджын аша, тюзлюк бла джаша.
Намысы болмагъанны, сыйы болмаз.
Ашда – бёрю, ишде – ёлю.
Адамны сыфатына къарама, сёзюне къара.
Тенгинг джокъ эсе – изле, бар эсе – сакъла!
Джангыз торгъай джырламаз.
Илму – джашауну джолу.
Дууулдаса – бал чибин, къонса – къара чибин.
Чакъырылмай келген къонакъ сыйланмай кетер.
Бал ашаргъа сюе эсенг, чибин ургъаннга тёз.
Ана кёлю – балада, бала кёлю – талада.
Халкъгъа джарагъан, джарлы къалмаз.
Ишлерге уял да, ашаргъа табма.
Таш ата билмеген, башына урур.
Ашыкъгъанны этеги бутуна чырмалыр.
Тойчу джашха къарама, къойчу джашха къара.
Къая джолда джортма, ачыкъ сёзден къоркъма.
Джукъу тёшек сайламайды.
Окъуу – билимни ачхычы, окъуу – дунияны бачхычы.
Адамны аты башхача, акъылы да башхады.
Эринчекни эр алмаз, эр алса да, кёл салмаз, кёл салса да, кёб бармаз!
Айтхан – тынч, этген – къыйын.
Ата – билек, ана – джюрек!
Таукелге нюр джауар.
Аш берме да, къаш бер.
Тойгъа алгъа да барма, тойда артха да къалма.
Эркиши – от, тиширыу – суу.
Биреу къой излей, биреу той излей.
Хантына кёре тузу, юйюне кёре къызы.
Ачлыкъ отха секиртир.
Адеб базарда сатылмаз.
Олтуруб кёрюнмей эди да, ёрге туруб кёрюне эди.
Атлыны ашхысы, ат тизгининден билинир
Джюз элде джюз ёгюзюм болгъандан эсе, джюз джууугъум болсун.
Джангыз терек къынгыр ёсер.
Къарнынг къанлынга кийирир.
Ач къарынны, токъ билмез
Къартха ушагъан джаш – акъыллы, джашха ушагъан къарт – тели.
Тил джюрекге джол ишлейди.
Ариу сёзде ауруу джокъ.
«Ёгюз, джаргъа джууукъ барма, меннге джюк боллукъса», - дегенди эшек.
Ёлген аслан – сау чычхан.
Бал – татлы, балдан да бала – татлы.
Иесиз малны бёрю ашар.
Термилгенинги табмазса, кюлгенинге тюберсе.
Ауругъан – джашаудан умутчу.
Бек ашыкъгъан меннге джетсин, дегенди аракъы.
