Джарлы эскисин джамаса, къууаныр.
Босагъагъа джууукъ орун болса, ашыгъыб тёрге озма.
Тура эдим джата, къайдан чыкъды хата?
Ат да турмайды бир териде.
Ишин билген, аны сыйын чыгъарады.
Байлыкъ келсе, акъыл кетер.
Мал кёб болса, джууукъ кёб болур.
Билим – акъылны чырагъы.
Чарсда алчыны эл кёреди.
Тойну къарнашы – харс, джырны къарнашы – эжиу.
Биреуню тёрюнден, кесинги эшик артынг игиди.
Ачыу алгъа келсе, акъыл артха къалады.
Джашда акъыл джокъ, къартда къарыу джокъ.
Уллу сёлешме да, уллу къаб.
Хунаны тюбюн къазсанг, юсюнге ауар.
Миллетни бойну – базыкъ, аны бла кюрешген – джазыкъ.
Акъдан къара болмаз.
Тамырсыз терекге таянма – джыгъылырса.
Нарт сёз къарт болмаз.
Шекер бла туз – бир болмаз, ушамагъан – юй болмаз.
Таякъ этден ётер, тил сюекден ётер.
Ауругъан – джашаудан умутчу.
Тилчиден кери бол.
Ач къарным, тынч къулагъым.
Кюл тюбюндеги от кёрюнмейди.
Халкъгъа джарагъан, джарлы къалмаз.
Ашлыкъны арба юйге келтирир, чана базаргъа элтир.
Ариу – кёзге, акъыл – джюрекге.
Ишлегенде эринме, ишде чолакъ кёрюнме.
Ач бёрюге мекям джокъ.
Бичгенде ашыкъма, тикгенде ашыкъ.
Кютгени беш эчки, сызгъыргъаны уа, джерни джарады.
Джукъу тёшек сайламайды.
Тюкюрюк баш джармаз, налат кёз чыгъармаз!
Ата Джуртуму башы болмасам да, босагъасында ташы болайым.
Ышармагъан – кюлмез, кюлмеген – къууанчны билмез.
Кёл ашады да, кеси ашады.
Юйюнг бла джау болгъандан эсе, элинг бла джау бол.
Билмейме деген – бир сёз
Джюрекге ариу – кёзге да ариу.
Дууулдаса – бал чибин, къонса – къара чибин.
Арпа, будай – ащды, алтын, кюмюш а – ташды.
Чомартны къолун джокълукъ байлар.
Адамны аманы адамны бети бла ойнар.
Нёгер болсанг, тенг бол, тенг болмасанг, кенг бол.
Джан саулукъ бермей, сан саулукъ бермезсе.
Къатыны харакетли болса, эри къымсыз болур.
Кеси юйюмде мен да ханма.
Джумушакъ терекни къурт ашар.
Агъач халкъгъа алтынды, иссиликге салкъынды.
