Адамны адамлыгъы къыйынлыкъда айгъакъланады.
Тёрдеги кюлсе, эшикдеги ышарыр.
Тойгъан джерден туугъан джер игиди.
Тойгъа барсанг, тоюб бар, эски тонунгу къоюб бар.
Келинни – келгинчи, бёркню кийгинчи кёр.
Мухардан ач ычхынмаз.
Кёл ашады да, кеси ашады.
Аджашханны ызындагъы кёреди, джангылгъанны джанындагъы биледи.
Башы джабылгъан челекге, кир тюшмез.
Адамны артындан къара сабан сюрме.
Чабар ат – джетген къыз.
Босагъа таш юйге кирмей эди, тыбыр таш эшикге чыкъмай эди.
Юй ишлеген балта эшикде къалыр.
Мал тутхан – май джалар.
Къонакъ аз олтурур, кёб сынар.
Иши джокъну, сыйы джокъ.
Киштикге къанат битсе, чыпчыкъ къалмаз эди.
Джумушакъ терекни къурт ашар.
Къыйынлы джети элни къайгъысын этер.
Ёлген аслан – сау чычхан.
Сыфатында болмагъаны, суратында болмаз.
Кеси юйюмде мен да ханма.
Мухар, кеси тойса да, кёзю тоймаз.
Байлыкъдан саулукъ ашхыды.
Иги бла джюрюсенг, джетерсе муратынга, аман бла джюрюсенг, къалырса уятха.
Къошда джокъгъа – юлюш джокъ.
Акъыллы эркиши атын махтар, акъылсыз эркиши къатынын махтар.
Ач да бол, токъ да бол – намысынга бек бол.
Битмегеннге сакъал – танг.
Окъуусуз билим – джокъ, билимсиз кюнюнг – джокъ.
Мураты болгъанны джюрек тебюую башхады.
Чомарт къолда мал къалмаз.
Бойнуму джети джерден кессенг да, мен ол ишни этеллик тюлме.
Уллу къашыкъ эрин джыртар.
Эр сокъур болсун, къатын тилсиз болсун.
Туз, гырджын аша, тюзлюк бла джаша.
Джашлыкъ этмеген, башлыкъ этмез.
Танг атмайма десе да, кюн къоярыкъ тюйюлдю.
Билеги кючлю, бирни джыгъар, билими кючлю, мингни джыгъар.
Сабыр джетер муратха, сабырсыз къалыр уятха.
Тау башында, тау болмаз, джангыз терек, бау болмаз.
Ушамагъан – джукъмаз.
Акъыл аздырмаз, билим тоздурмаз.
Эринчекни аурууу – кёб.
Телиге от эт десенг, юйюнге от салыр.
Эм уллу байлыкъ – джан саулукъ.
Орну джокъну – сыйы джокъ.
Айыбны суу бла джууалмазса.
Къатыны харакетли болса, эри къымсыз болур.
Ачылгъан эт джабылыр, кёрген кёз унутмаз.
