Аманнга игилик этсенг, юйюнге сау бармазса.
Чомарт къонакъ юй иесин сыйлар.
Адам сёзге тынгыла, акъыл сёзню ангыла.
Бир онгсуз адам адет чыгъарды, деб эштирик тюлсе.
Татлы сёз – балдан татлы.
Джылыгъа джылан илешир.
Башсыз урчукъ тюзюне айланмаз.
Эшекге миннген – биринчи айыб, андан джыгъылгъан – экинчи айыб.
Адам туугъан джеринде, ит тойгъан джеринде.
Билмегенинги, билгеннге сор.
Дуния малгъа сатылма, кесингден телиге къатылма.
Къарыусузгъа кюлме, онгсузгъа тийме.
Тёгюлген тюгел джыйылмайды.
Ёксюзню къалачы уллу кёрюнюр.
Керти сёзге тёре джокъ.
Джарлы джети элни сёзюн этер.
Эртде тургъан джылкъычыны эркек аты тай табар.
Биреуню эскиси биреуге джангы болмайды.
Ач бёрюге мекям джокъ.
Кёб ант этген, кёб ётюрюк айтыр.
Айтхан сёзюне табылгъан.
Кёбден умут этиб, аздан къуру къалма.
Ишленмеклик адамлыкъды.
Рысхы – сют юсюнде кёмюк кибикди.
Уллу къазанда бишген эт, чий къалмаз.
Эл бла кёргенинг эрелей.
Джангыз торгъай джырламаз.
Билим насыб берир, билим джолну керир.
Къазанчы аман болса, къазаны къайнамаз.
Къобан да къуру да къобханлай турмайды, адам да къуру да патчахлай турмайды.
Арба аугъандан сора, джол кёргюзтюучю кёб болур.
Хансыз джомакъ болмаз.
Терслик кетер, тюзлюк джетер.
Ачлыкъ отха секиртир.
Байны къызы баймакъ болса да, юйде къалмаз!
Термилгенинги табмазса, кюлгенинге тюберсе.
Окъугъан озар, окъумагъан тозар.
Сакъалы текени да бар, мыйыгъы киштикни да бар.
Чакъырылгъанны аты, чакъырылмагъанны багъасы болур.
Чомарт джарлы болмаз.
Къартха ушагъан джаш – акъыллы, джашха ушагъан къарт – тели.
Джюрекге ариу – кёзге да ариу.
Аджаллыгъа окъсуз шкок атылыр.
Таукел къуру къалмаз.
Ёлюк кебинсиз къалмаз.
Тели турса – той бузар.
Сагъыш – къартлыкъгъа сюйюмчю.
Телини эшигин, махтау джабар.
Къоркъакъны кёзю экили кёрюр.
Сёлеш деб шай берген, тохта деб, сом берген.
