Шекер бла туз – бир болмаз, ушамагъан – юй болмаз.
Джырчы джырчыгъа – къарнаш.
Аз сёлешген, къайгъысыз турур.
Тёгюлген тюгел джыйылмайды.
Сакъ юйюне сау барыр.
Иги сеники эсе да, сюйген кесимикин этеме.
Тас болгъан бычакъны сабы – алтын.
Соргъан айыб тюлдю, билмеген айыбды.
Эркишини аманы тиширыуну джылатыр.
Чомартха Тейри да борчлуду.
Шапа кёб болса, аш татымсыз болур.
Кирсизни – саны таза, халалны – къаны таза.
Сабий кёргенин унутмаз.
Ат да турмайды бир териде.
Тойгъа барсанг, тоюб бар, эски тонунгу къоюб бар.
Уллу къашыкъ эрин джыртар.
Эл ауузу – элия.
Ашхы адам – халкъ байлыгъы, ашхы джер – джашау байлыгъы.
Джюрекден джюрекге джол барды.
Юй ишлеген балта эшикде къалыр.
Аууздан келген, къолдан келсе, ким да патчах болур эди.
Билимли ёлмез, билимсиз кёрмез.
Илму – джашауну джолу.
Халкъгъа джарагъан, джарлы къалмаз.
Акъыл къартда, джашда тюйюлдю – башдады.
Эл бла кёргенинг эрелей.
Элни кючю – эмеген.
Мен да «сен», дейме, сен да «кесим», дейсе.
Адамгъа аман кюн соруб келмейди.
Мени джылытмагъан кюн, меннге тиймесин!
Азыкълы ат арымаз, къатыны аман джарымаз.
Намыс сатылыб алынмайды.
Таш бла ургъанны, аш бла ур.
Бет бетге къараса, бет да джерге къарар.
Ач уят къоймаз.
Къыз чыгъаргъан – къызыл къымжа.
Махтаннган къыз, тойда джукълар.
Уллу сёлешме да, уллу къаб.
Къарны аманнга къазан такъдырма, къолу аманнга от джакъдырма.
Иги джашны ышаны – аз сёлешиб, кёб тынгылар.
Джарашыу сюйген – джалынчакъ.
Ойнай-ойнай кёз чыгъар.
Аджалсыз ёлюм болмаз.
Айран тёгюлсе, джугъусу къалыр.
Биреу ашаб къутулур, биреу джалаб тутулур.
Дуния мал дунияда къалады.
Кёз – сюйген джерде, къол – ауругъан джерде.
Окъуусуз билим – джокъ, билимсиз кюнюнг – джокъ.
Ат басханны джер билед.
Къызбайны юйюне дери сюрсенг, батыр болур.
