Чомартны къолун джокълукъ байлар.
Окъуу – билимни ачхычы, окъуу – дунияны бачхычы.
Айырылгъанланы айю ашар, бёлюннгенлени бёрю ашар.
Джолда аягъынга сакъ бол, ушакъда тилинге сакъ бол.
Алтыннга тот къонмаз.
Эки къатын алгъан – эки ташны ортасына башын салгъан.
Шапа кёб болса, аш татымсыз болур.
Мал кёб болса, джууукъ кёб болур.
Аджашхан тёгерек айланыр.
Ишни аллы бла къууанма да, арты бла къууан.
Адам туугъан джеринде, ит тойгъан джеринде.
Эл ауузу – элия.
Биреуню тёрюнден, кесинги эшик артынг игиди.
Тёрдеги кюлсе, эшикдеги ышарыр.
Эллинг бла джау болсанг да, юйюнг бла джау болма.
Ашлыкъны арба юйге келтирир, чана базаргъа элтир.
Аманнга игилик этсенг, юйюнге сау бармазса.
Окъугъанны бети джарыкъ.
Акъдан къара болмаз.
Ёлюк кебинсиз къалмаз.
Эр сокъур болсун, къатын тилсиз болсун.
Гугурук къычырмаса да, тангны атары къалмаз.
Кёрмегеннге кебек – танг, битмегеннге сакъал – танг.
Таякъ этден ётер, тил сюекден ётер.
Киштикге къанат битсе, чыпчыкъ къалмаз эди.
Къатын байлыкъны сюер, эр саулукъну сюер.
Ёзденликни джайгъан – джокълукъ.
Намыс болмагъан джерде, насыб болмаз.
Сормай – алма, чакъырылмай – барма.
Дуния аламаты сен эсенг да, игиме деб айтма.
Иги сеники эсе да, сюйген кесимикин этеме.
Кёз – сюйген джерде, къол – ауругъан джерде.
Ариу сёз – джаннга азыкъ, аман сёз – башха къазыкъ.
Бичгенде ашыкъма, тикгенде ашыкъ.
Джумушакъ терекни къурт ашар.
Ач да бол, токъ да бол – намысынга бек бол.
Къайгъы тюбю – тенгиз.
Ашхы тенг джолгъа салыр, аман тенг джолдан тайдырыр.
Ургъан суудан башынгы сакъла.
Ёпкелегенни ашы татлы болады.
Къарны аманнга къазан такъдырма, къолу аманнга от джакъдырма.
Тойгъан антын унутур.
Таукел къуру къалмаз.
Къулакъдан эсе, кёзге ышан.
Къатыны харакетли болса, эри къымсыз болур.
Джетген къыз джерли эшекни танымаз.
Чабакъсыз кёлге къармакъ салгъанлыкъгъа, чабакъ тутмазса.
Къолунгдан къуймакъ ашатсанг да, атаны борчундан къутулмазса.
Кирсизни – саны таза, халалны – къаны таза.
Ёксюзню тилеги къабыл болур.
