Таула не мийик болсала да, аууш табылыр.
Этни да ашады, бетни да ашады.
Къобан да къуру да къобханлай турмайды, адам да къуру да патчахлай турмайды.
Тойгъа барсанг, тоюб бар, эски тонунгу къоюб бар.
Хар зат кесини орнуна иги.
Игиге айтсанг – билир, аманнга айтсанг – кюлюр.
Къарт айтханны этмеген, къартаймаз.
Адамны сабийин сюйген джюреги, бычакъча, джитиди.
Игини сыйлагъан адетди.
Сабий болмагъан джерде, мёлек болмаз.
Бал – татлы, балдан да бала – татлы.
Джылкъыдан – ат чыгъар, тукъумдан – джаш чыгъар.
Кёлю джокъну – джолу джокъ.
Адеби болмагъан къыз – тузсуз хант.
Ишленмеклик адамлыкъды.
Битмегеннге сакъал – танг.
Туз, гырджын аша, тюзлюк бла джаша.
Иги сёз – джаннга азыкъ, аман сёз башха – къазыкъ.
Чакъырылмагъан къонакъ – орунсуз.
Тилчиден кери бол.
Сабийни джумушха джибер да, ызындан бар.
Ана къолу ачытмаз.
Бети – къучакълар, джюреги – бычакълар.
Билим къая тешер.
Керек ташны ауурлугъу джокъ.
Дженгил джетерикме деб, узун джолну къоюб, къысхасын барма.
Джашны джигитлиги сорулур, къызны джигерлиги сорулур.
Кирсизни – саны таза, халалны – къаны таза.
Кёбню кёрген – кёб билир.
Тенгинг джокъ эсе – изле, бар эсе – сакъла!
Тай асырагъан, атха минер.
Чакъырылмагъан къонакъ къачан кетерин сормаз.
Асхат ашлыкъ сата, юйдегиси ачдан къата.
Ишленмеген джаш – джюгенсиз ат, ишленмеген къыз – тузсуз хант.
Эр сокъур болсун, къатын тилсиз болсун.
Биреуге аманлыкъны тилеме да, кесинге ашхылыкъны тиле.
Кийиминг бла танылма, адамлыкъ бла таныл.
Къошда джокъгъа – юлюш джокъ.
Кёз – сюйген джерде, къол – ауругъан джерде.
Соргъан айыб тюлдю, билмеген айыбды.
Босагъагъа джууукъ орун болса, ашыгъыб тёрге озма.
Байны къызы баймакъ болса да, юйде къалмаз!
Окъугъанны бети джарыкъ.
Керилген да, ургъан кибикди.
Шайтан алдады, тюзлюк къаргъады.
Ачыкъ джюрекге джол – ачыкъ.
Айыбны суу бла джууалмазса.
Иги – алгъыш этер, аман – къаргъыш этер.
Телиге от эт десенг, юйюнге от салыр.
Адамны джюреги нени кёрюрге сюйсе, кёзю да аны кёрюрге ёч болады.
