Иги джашны ышаны – аз сёлешиб, кёб тынгылар.
Аллахха ийнаннган кишини, Аллах онгдурур ишин.
Чабар ат – джетген къыз.
Чёбню кёлтюрсенг, тюбюнден сёз чыгъар.
Ачлыкъ отха секиртир.
Джюрекден джюрекге джол барды.
Суугъа – таянма, джаугъа – ийнанма.
Кёб къычыргъандан – къоркъма, тынч олтургъандан – къоркъ.
Къонагъы джокъну – шоху джокъ.
Ашаса, ашамаса да, бёрюню ауузу – къан.
Чомартха хар кюн да байрамды.
Джумушакъ сёз къаты таякъны сындырыр.
Башсыз урчукъ тюзюне айланмаз.
Махтаннган къыз, тойда джукълар.
Къарны аманнга къазан такъдырма, къолу аманнга от джакъдырма.
Тешигини къатында, чычхан да батыр болур.
Ач бёрюге мекям джокъ.
Адамны сабийин сюйген джюреги, бычакъча, джитиди.
Татлы тилде – сёз ариу, чемер къолда – иш ариу.
Чомартны къолун джокълукъ байлар.
Кийимни бир кюнню аясанг, минг кюннге джарар.
Иги адам абынса да, джангылмаз.
Къыз тиширыу кеси юйюнде да къонакъды.
Хансыз джомакъ болмаз.
Эллинг бла джау болсанг да, юйюнг бла джау болма.
Джашда акъыл джокъ, къартда къарыу джокъ.
Ойнай билмеген, оюн бузар.
Акъыл неден да кючлюдю.
Ишин билген, аны сыйын чыгъарады.
Тойчу джашха къарама, къойчу джашха къара.
Джигер – джаннга къыйынлыкъ.
Гырджын – тепсини тамадасы.
Чабакъгъа акъыл, табагъа тюшсе келеди.
Ётюрюкню къуйругъу – бир тутум.
Тойгъан джерге джети къайт.
Эски джаугъа ышанма.
Ариу сёз аурууунгу алыр.
Кёбню кёрген – кёб билир.
Ёлюк кебинсиз къалмаз.
Аууздан келген, къолдан келсе, ким да патчах болур эди.
Кёзюнде тереги болгъан, чёбю болгъаннга кюле эди.
Уллу айтханны этмеген – уллаймаз.
Ашына кёре табагъы, балына кёре къалагъы.
Гитче джилтин уллу элни джандырыр.
Билим къая тешер.
Аман адам элни бир-бирине джау этер.
Сабийни джумушха джибер да, ызындан бар.
Аджашханны ызындагъы кёреди, джангылгъанны джанындагъы биледи.
Къонакъ хазыр болгъанлыкъгъа, къонакъбай хазыр тюлдю.
Ашлыкъны арба юйге келтирир, чана базаргъа элтир.
