Юй ишлеген балта эшикде къалыр.
Кёб джат да, бек чаб.
Аманны тукъумуна къарама, игини тукъумун сорма.
Аджашханны ызындагъы кёреди, джангылгъанны джанындагъы биледи.
Дуния аламаты сен эсенг да, игиме деб айтма.
Ата Джуртун танымагъан, атасын да танымаз.
Ата Джуртуму башы болмасам да, босагъасында ташы болайым.
Ата Джуртча джер болмаз, туугъан элча эл болмаз.
Таукелге нюр джауар.
Мал кёб болса, джууукъ кёб болур.
Айран ичген – къутулду, джугъусун джалагъан – тутулду.
Бир онгсуз адам адет чыгъарды, деб эштирик тюлсе.
Кийимни бир кюнню аясанг, минг кюннге джарар.
Сангырау къулакъ эл бузар.
Зарда марда джокъ.
Ашхы сёз таш тешер.
Атадан ёксюз – бир ёксюз, анадан ёксюз – эки ёксюз.
Тау башында, тау болмаз, джангыз терек, бау болмаз.
Айраннга суу къош, телиге джол бош.
Джюрек кёзден алгъа кёрюр.
Хар адамгъа кеси миннген тау кибик.
Къумурсхала джыйылсала, пилни да джыгъадыла.
Кюн – узун, ёмюр – къысха.
Тойгъа барсанг, тоюб бар, эски тонунгу къоюб бар.
Бек ашыкъгъан меннге джетсин, дегенди аракъы.
Онгсузну – джакъла, тенгликни – сакъла.
Тыш элде солтан болгъандан эсе, кесинги элде олтан болгъан игиди!
Олтуруб кёрюнмей эди да, ёрге туруб кёрюне эди.
Таш ата билмеген, башына урур.
Ишге юренсин къоллары, халкъ бла болсун джоллары.
Суу кетер, таш къалыр.
Къыз чыгъаргъан – къызыл къымжа.
Тилчи бир сагъатха айлыкъ хата этер.
Рысхы – сют юсюнде кёмюк кибикди.
Огъурлуну сёзю – суу, огъурсузну сёзю – уу.
Башланнган иш битер, къымылдагъан тиш тюшер.
Малны кют, джерни тюрт.
Кечеси – аяз, кюню – къыш, джарлы къаргъагъа бир аш тюш!
Аман киши кеси юйюнде – къонакъ.
Адам туугъан джеринде, ит тойгъан джеринде.
Аууздан келген, къолдан келсе, ким да патчах болур эди.
Тили узунну, намысы – къысха.
Чомарт къолда мал къалмаз.
Кёб джашагъан – кёб билир.
Насыблы элин сюер, насыбсыз кесин сюер.
Кюн кёрмеген, кюн кёрсе, кюндюз чыракъ джандырыр.
Орну джокъну – сыйы джокъ.
Ариу сёз – джаннга азыкъ, аман сёз – башха къазыкъ.
Адам къаллай бир ишленмесе, аллай бир кесин уллу кёреди.
Халкъны юйю – туугъан джери.
