Ишин билген, аны сыйын чыгъарады.
Нафысынгы айтханын этме, намысынгы айтханын эт.
Чыбыкълыкъда бюгюлмеген, къазыкълыкъда бюгюлмей эди.
Акъыл сабырлыкъ берир.
Керти сёзге тёре джокъ.
Бек анасы джыламаз.
Ётюрюкню башын керти кесер.
Башда акъыл болмаса, эки аякъгъа кюч джетер.
Къолунгдан къуймакъ ашатсанг да, атаны борчундан къутулмазса.
Ауругъан – джашаудан умутчу.
Аманны къуугъан, аманлыкъ табар.
Мухардан ач ычхынмаз.
Кёб къычыргъандан – къоркъма, тынч олтургъандан – къоркъ.
Байлыкъ тауусулур, билим тауусулмаз.
Абынмазлыкъ аякъ джокъ, джангылмазлыкъ джаякъ джокъ.
Эки элинги тыйсанг, джети элде махталырса.
Ауузу бла къуш тута айланады.
Билеги кючлю, бирни джыгъар, билими кючлю, мингни джыгъар.
Биреуню тёрюнден, кесинги эшик артынг игиди.
Иши джокъну, сыйы джокъ.
Джаш къарыу бла кючлю, къарт акъыл бла кючлю.
Джылыгъа джылан илешир.
Ишленмеген джаш – джюгенсиз ат, ишленмеген къыз – тузсуз хант.
Кёб джашагъан – кёб билир.
Татлы сёз – балдан татлы.
Къартны сыйын кёрмеген, къартлыгъында сыйлы болмаз.
Кёрмегеннге кебек – танг, битмегеннге сакъал – танг.
Ишге юренсин къоллары, халкъ бла болсун джоллары.
Къошда джокъгъа – юлюш джокъ.
Келлик заман – къартлыкъ келтирир, кетген заман – джашлыкъ ёлтюрюр.
Оюмсуз атлагъан, аджалсыз ёлюр.
Кёз – сюйген джерде, къол – ауругъан джерде.
Атлыны ашхысы, ат тизгининден билинир
Джашлыкъ этмеген, башлыкъ этмез.
Танг атмайма десе да, кюн къоярыкъ тюйюлдю.
Къарнынг бла ёч алма.
Эр сокъур болсун, къатын тилсиз болсун.
Терек ауса, отунчу – кёб.
Къуллукъчума, деб махтанма, къуллукъ – хаух джамчыды!
Джауумдан сора, кюн кюйдюрюр, ётюрюкден сора, айыб кюйдюрюр.
Ач къарынны, токъ билмез
Ичимден чыкъды хата, къайры барайым сата?
Аманнга да, игиге да оноусуз къатышма.
Ашхы тенг джолгъа салыр, аман тенг джолдан тайдырыр.
Соргъан айыб тюлдю, билмеген айыбды.
Айырылмаз джууугъунга, унутмаз сёзню айтма.
Къобан да къуру да къобханлай турмайды, адам да къуру да патчахлай турмайды.
Кимни – тили, тиши онглу, кимни – къолу, иши онглу.
Юйюнгден чыкъдынг – кюнюнгден чыкъдынг.
Атынг аманнга чыкъгъандан эсе, джанынг тамагъынгдан чыкъсын.