Навигация

Elbrusoid.org

Словарь

Акъдан къара болмаз.
Джол бла сёзню къыйыры джокъ.
Арпа, будай – ащды, алтын, кюмюш а – ташды.
Джылыгъа джылан илешир.
Сёлеш деб шай берген, тохта деб, сом берген.
Джукъу тёшек сайламайды.
Къызын тута билмеген, тул этер, джашын тута билмеген, къул этер.
Азыгъы аз, алгъа къабар, аты аман, алгъа чабар.
Адам сёзге тынгыла, акъыл сёзню ангыла.
Намыс болмагъан джерде, насыб болмаз.
Юйюнгден чыкъдынг – кюнюнгден чыкъдынг.
Джюз элде джюз ёгюзюм болгъандан эсе, джюз джууугъум болсун.
Къонакъ аман болса, къонакъбай джунчур
Къумурсхала джыйылсала, пилни да джыгъадыла.
Билимден уллу байлыкъ джокъду.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ишлемеген – тишлемез.
Ариуну – ауруу кёб.
Узун джолну барсанг, бюгюн келирсе, къысха джолну барсанг, тамбла келирсе.
Юре билмеген ит, къонакъ келтирир.
Ишленмеклик адамлыкъды.
Игини сыйлагъан адетди.
Ургъан суудан башынгы сакъла.
Аууздан келген, къолдан келсе, ким да патчах болур эди.
Айтхан – тынч, этген – къыйын.
Къолунгдан къуймакъ ашатсанг да, атаны борчундан къутулмазса.
Къыз келсе, джумуш эте келеди, къатын келсе, ушакъ эте келеди.
Адеб этмеген, адеб кёрмез.
Кесинг сынамагъан затны, адамгъа буюрма.
Хата – гитчеден.
Аджал соруб келмез, келсе, къайтыб кетмез.
Биреуге аманлыкъ этиб, кесинге игилик табмазса.
От этилмеген джерден тютюн чыкъмайды.
Чакъырылгъанны аты, чакъырылмагъанны багъасы болур.
Тилсиз миллет джокъ болур.
Эрине къаргъыш этген къатын, эрнин къабар.
Рысхы джалгъанды: келген да этер, кетген да этер.
Эл элде бирер малынг болгъандан эсе, бирер тенгинг болсун.
Джылкъыдан – ат чыгъар, тукъумдан – джаш чыгъар.
Элде адам къалмаса, ит тахтагъа минер.
Юреннген ауруу къалмаз.
Джашынгы кесинг юретмесенг, джашау юретир.
Къонакъ кёб келюучю юйню, къазаны отдан тюшмез.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Окъугъан озар, окъумагъан тозар.
Билмегенинги, билгеннге сор.
Джаш къарыу бла кючлю, къарт акъыл бла кючлю.
Ашхылыкъ джерде джатмайды, аманлыкъ суугъа батмайды.
Ойнай билмеген, уруб къачар.
Аз сёлеш, кёб ишле.