Навигация

Elbrusoid.org

Словарь

Этни да ашады, бетни да ашады.
Джырына кёре эжиую.
Ышармагъан – кюлмез, кюлмеген – къууанчны билмез.
Эркишиге тары кебек танг кёрюнюр.
Кюлме джашха – келир башха.
Къазанда болса, чолпугъа чыгъар.
Билимли ёлмез, билимсиз кёрмез.
Ашхылыкъ джерде джатмайды, аманлыкъ суугъа батмайды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ач уят къоймаз.
Арбаз къынгырды да, ийнек сауалмайма.
Атлыны ашхысы, ат тизгининден билинир
Биреу къой излей, биреу той излей.
Къалгъан ишге къар джауар.
Къартха ушагъан джаш – акъыллы, джашха ушагъан къарт – тели.
Гугурук къычырмаса да, тангны атары къалмаз.
Тиширыусуз юй – отсуз от джагъа.
Окъдан джара эртде-кеч болса да бителир, сёз джара, ёмюрге къалыр.
Зар адам ашынгы ашар, кесинги сатар.
Акъылсызны джууукъгъа алма, акъыллыны кенгнге салма.
Тили узунну, намысы – къысха.
Тенги кёбню джау алмаз, акъылы кёбню дау алмаз.
Джырчы ёлсе, джыры къалыр.
Бастасын ашагъан, хантусун да ичер.
Азыкълы ат арымаз, къатыны аман джарымаз.
Кёзюнде тереги болгъан, чёбю болгъаннга кюле эди.
Къарны аманнга къазан такъдырма, къолу аманнга от джакъдырма.
Баланы адам этген анады.
Булут кёкге джарашыу, уят бетге джарашыу.
Ач бёрюге мекям джокъ.
Ана къойну – балагъа джандет.
Ишлерге уял да, ашаргъа табма.
Ариу сёзде ауруу джокъ.
Таукел тауну аудурур.
Джашны джигитлиги сорулур, къызны джигерлиги сорулур.
Ариу – кёзге, акъыл – джюрекге.
Тюз сёз баргъан сууну тыяр.
Джигер – джаннга къыйынлыкъ.
Айтылгъан сёз ызына къайтмаз.
Ёлген эшек бёрюден къоркъмайды.
Ариу джол аджал келтирмез.
Ауругъанны сау билмез, ач къарынны токъ билмез.
Къонагъынгы артмагъын алма да, алгъышын ал.
Адамны аты башхача, акъылы да башхады.
Адамны джюреги нени кёрюрге сюйсе, кёзю да аны кёрюрге ёч болады.
Чалманны аллы къалай башланса, арты да алай барады.
Эшекге миннген – биринчи айыб, андан джыгъылгъан – экинчи айыб.
Мал ёлсе, сюек къалыр, адам ёлсе, иши къалыр.
Шапа кёб болса, аш татымсыз болур.
Чомарт бергенин айтмаз.