Навигация

Elbrusoid.org

Словарь

Ач къалгъандан, кеч къалгъан къолай.
Хар адамгъа кеси миннген тау кибик.
Ичимден чыкъды хата, къайры барайым сата?
Акъыл аздырмаз, билим тоздурмаз.
Тойгъан джерге джети къайт.
Къазанны башы ачыкъ болса, итге уят керекди.
Ёнгкюч къууана барыр, джылай келир.
Сютню башын джалагъан къутулур, тюбюн ичген тутулур.
Гыдай эчки суугъа къараб, мюйюзле кёрмесе, джашма алкъын, дегенди.
Къызбайны юйюне дери сюрсенг, батыр болур.
Айран тёгюлсе, джугъусу къалыр.
Гугук кесини атын айтыб къычыргъанча, мен, мен деб нек тураса?
Ётген ёмюр – акъгъан суу.
Кёрмегеннге кебек – танг, битмегеннге сакъал – танг.
Къыз келсе, джумуш эте келеди, къатын келсе, ушакъ эте келеди.
Эринчекни эр алмаз, эр алса да, кёл салмаз, кёл салса да, кёб бармаз!
Биреуге аманлыкъны тилеме да, кесинге ашхылыкъны тиле.
Сютден ауузу кюйген, суугъа юфгюре эди.
Ёксюзню тилеги къабыл болур.
Аман къатын алгъан, арыр, иги къатын алгъан джарыр.
Ашарыкъда сайлагъаннга – чий гырджын.
Башынга джетмегенни сорма.
Азыкъ аз болса, эртде орун сал.
Ургъан суудан башынгы сакъла.
Арыгъан къош чамчы болур.
Биреу ашаб къутулур, биреу джалаб тутулур.
Къартны сыйын кёрмеген, къартлыгъында сыйлы болмаз.
Болджал ишни бёрю ашар.
Ойнай билмеген, оюн бузар.
Аууз сакълагъан – джан сакълар.
Сыфатында болмагъаны, суратында болмаз.
Ачыу алгъа келсе, акъыл артха къалады.
Адамны джюреги нени кёрюрге сюйсе, кёзю да аны кёрюрге ёч болады.
Аякъларынгы джууургъанынга кёре узат.
Иги болса, тамадама – махтау, аман болса, меннге – айыб.
Бети къызарыучу адамны, джюреги харам болмаз.
Джиби бир къат джетмей эди да, эки къат тарта эди.
Джашынгы кесинг юретмесенг, джашау юретир.
Кёлсюзден сёзсюз тууар.
Аджашхан тёгерек айланыр.
Адебсиз адам – джюгенсиз ат.
Сакъламагъан затынга джолукъсанг, не бек къууанаса, не бек ачыйса.
Къозулугъунда тоймагъан, къойлугъунда тоймаз.
Окъугъан озар, окъумагъан тозар.
Кёзю сокъурдан – къоркъма, кёлю сокъурдан – къоркъ.
Сагъыш – къартлыкъгъа сюйюмчю.
Окъуу – билимни ачхычы, окъуу – дунияны бачхычы.
Къулакъдан эсе, кёзге ышан.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сууда джау джокъ, кёб сёзде магъана джокъ.