Войти на сайт
1 Июля 2026 года

 

  • Мал тутхан – май джалар.
  • Келинин тута билмеген, къул этер, къызын тута билмеген, тул этер.
  • Хазыр ашха – терен къашыкъ.
  • Уллу сёзде уят джокъ.
  • Уллу айтханны этмеген – уллаймаз.
  • Ёлген ийнек сютлю болур.
  • Ёлюр джаннга, ёкюл джокъ.
  • Ата – баланы уясы.
  • Таш ата билмеген, башына урур.
  • Ханы къызы буюгъа-буюгъа киштик болду.
  • Уллу атлама – абынырса, уллу къабма – къарылырса.
  • Джолунга кёре – джюрюшюнг, джагъанга кёре – юлюшюнг.
  • Бек ашыкъгъан меннге джетсин, дегенди аракъы.
  • Аш берме да, къаш бер.
  • Джарашыу сюйген – джалынчакъ.
  • Ауругъанны сау билмез, ач къарынны токъ билмез.
  • Магъанасыз сёз – тауушсуз сыбызгъы.
  • Джангыз терек къынгыр ёсер.
  • Джерни букъусу кёкге къонмаз.
  • Джаш болсун, къыз болсун, акъылы, саны тюз болсун.
  • Окъугъан озар, окъумагъан тозар.
  • Халкъны юйю – туугъан джери.
  • Тюзлюк шохлукъну бегитир.
  • Тилчи тилден къаныкъмаз.
  • Чыбыкълыкъда бюгюлмеген, къазыкълыкъда бюгюлмей эди.
  • Кийимни бичсенг, кенг бич, тар этген къыйын тюлдю.
  • Аджаллыгъа окъсуз шкок атылыр.
  • Джыланны къуйругъундан басарынг келсе, аны башы болгъанын унутма.
  • Айтылгъан буйрукъ, сёгюлмез
  • Къолунгдан къуймакъ ашатсанг да, атаны борчундан къутулмазса.
  • Эл ауузу – элия.
  • Азыгъы аз, алгъа къабар, аты аман, алгъа чабар.
  • Тойгъан джерден туугъан джер игиди.
  • Ишлегенде эринме, ишде чолакъ кёрюнме.
  • Тёзген – тёш ашар!
  • Насыблы элин сюер, насыбсыз кесин сюер.
  • Ашына кёре табагъы, балына кёре къалагъы.
  • Биреуге аманлыкъны тилеме да, кесинге ашхылыкъны тиле.
  • Къарнынг тойгъунчу аша да, белинг талгъынчы ишле.
  • Иги болса, тамадама – махтау, аман болса, меннге – айыб.
  • Кёлю джокъну – джолу джокъ.
  • Тёзгеннге, джабылгъан эшик ачылыр.
  • Этек чакъмакълары баш джаргъан, сёлешген сёзлери таш джаргъан.
  • Джиби бир къат джетмей эди да, эки къат тарта эди.
  • Байдан умут эте, джарлыдан ёгюз багъасы къорады.
  • Чомарт къолда мал къалмаз.
  • Хантына кёре тузу, юйюне кёре къызы.
  • Тин – байлыгъынг, терен саулугъунг.
  • Башынга джетмегенни сорма.
  • Джигер – джаннга къыйынлыкъ.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 48 49 50 51 52 ... 62 След.
RSS
Келигиз, тил байлыгъыбызны сакълайыкъ!
 
#1226
Джаратама0
13.11.2008 18:59:58
Багъалы ана тилибизни сюйген аланла!!!
Иги хапар, кёб болмайын басмадан Къарачай тилге энчилеб кёчюрюлген орус, украин халкъ джырла чыкъгъандыла. Джыйымдыкъны аты- "Кетме" (Не уходи). Джырланы къарачай тилге Къарачай - Черкесс республиканы халкъ поэти Кечерукланы Байдымат кёчюргенди.
Керти ариу кёчюргенди.
 
 
 
#1227
Джаратама0
16.11.2008 02:50:03
Къаллай джырлары барды ичинде?
 
 
 
#1228
Джаратама0
16.11.2008 13:00:42
Девушка Гор


Тюкенледе бармыды?
 
 
 
#1229
Джаратама0
17.11.2008 18:32:22
О, къой, къой. Менда окъудум ол китабдан бир кесек. Тюнене Жириновскийге къарадым да, сукъландым. Адам къалай бек сюеди сакъларгъа кеси миллетини джорукъларын! Хар адамда, хар тепсеуде, хар сезде излейди ол кеси миллетини ышанларын. Ма болгъан алай болсун. Биз да алабызда орус халкъ джырланы кечюребиз... Аюнге, кесинги культурангы тебер не къадарда алгъа. Оруслула бла украинчыла бизсизда кебдюле, джарлы къарачай агитациясын къойса да, ала бир да джарсырыкъ тюлдюле.
 
 
 
#1230
Джаратама0
17.11.2008 18:38:29
Энди алыгъыз да бир къарагъыз. Къайры келишген затды бу?
- Ариукам мени, элтсенг а биргенге,
Ол узакъ джерде уа, бийченг болурма мен!

хай-хай-хай! Ол сериалладан къаллгъан бет, намыс муну бла джоюлуб бошады да!!!!!!
Бу чот таулу миллетге келишген зат тюлдю. Керти Уллу АЛЛАХ берген фахмунг бар эсе уа, миллетге джарагъан зат джаз. Мени келюме алай келеди.
Ким биледи, мен да терс болургъа боллукъма, адам сан джангъыллгъан да этеди. Алай болса да, бу китабны чыгъарама деб заманын ашыргъанны мен англаргъа унамайма(((((((((
 
 
 
#1231
Джаратама0
17.11.2008 22:33:16
Аламатма
Керти да аламатса!
+1
 
 
 
#1232
Джаратама0
17.11.2008 23:56:14
Аламатма, сёзюм джокъду джазгъанларынга. Алай а, кел бир сагъыш этейик, миллетибизни ичинде композиторларыда, поэтлерида аз тюлдю. Джангы джырла уа джокъ. Бар эселе да киши джырламайды. Кечерукъланы Байдымат а уа кёчюрюучюдю, сора алай-алай да бу джырланы джырлайдыла сора, кеслерини тиллеринде джырласынла деген болур, ким биледи.
 
 
 
#1233
Джаратама0
18.11.2008 05:00:29
Алай а, кел бир сагъыш этейик, миллетибизни ичинде композиторларыда, поэтлерида аз тюлдю. Джангы джырла уа джокъ.
Девушка Гор
А нек джокъду дейсе джангы джырла? Сора ол незат композиторду, незат поэтди, незат джырчы ды кесини энчи репертуары болмаса? Биреуню джырын джырларгъа школда юретиб башлайдыла, мен бильгенге кере. Сора бизни джырчыларыбыз сохта уровень де къалыб мы кетедиле?
Сен бу теманы бек ариу тинте башладынг!!!
Бизни кесибизни нек джокъду ариу джангы джырларыбыз???
Огъесе миллетибизни джаны таусула мы башлады????
 
 
 
#1234
Джаратама0
18.11.2008 05:14:55
Кечерукланы Байдымат, сез да джокъ иш этди. Ишлеген иш тюлдю. Ишлей билирге керекди. Сезюм джокду, ол джазыучуду, сезлени бир бирене ариу келишдиргенди, алай а, эндта келдик мен айтханга, джазсын кесича ариу джырла. Орус миллет джырла бизни менталитетибизге келишмейле, кёчириулерине къарасанг да, къулагъынгы ол келишмегенлик бек кеседи... Биз орус джыргъа тынгламайбыз, билмейбиз демейме мен... Айхай культура къой эсенг, энчи джашауда да бир бирибизге къатыша барабыз, алай а миллетге бу профанация керекмиди? Орус джыр къалсын орус тилде, сёзю макъамын тута. Бизни тилде, ол джырланы ангысызлыкълары, терен сагъышсызлыкълары бирта бир бек керюнюб къалады, лакмус къагъытдача. Мен Кечерукланы Байдыматны бек сюеме, алай а бу джол ол терс атлады.
 
 
 
#1235
Джаратама0
18.11.2008 12:11:17
Сени сёзлерингден сора сагъыш этгенме да, Байдыматдан соруу алыргъа керек болурму деб турама. Къонакъгъа чакъырайым да, сора форумда сорууларынгы берирсе сен да, башхалада болсунму?
 
 
 
#1236
Джаратама0
18.11.2008 13:12:46
Болсун. Бек сюеме Байдымат бла сёлеширге. Алай а, мен билеме, ол не айтырын. Интернационализм деген аланы тёлюлеринде фанатизмге ошаш эди. Ол аланы къанларындады.
 
 
 
#1237
Джаратама0
18.11.2008 18:25:16
Интернационализм деген аланы тёлюлеринде фанатизмге ошаш эди. Ол аланы къанларындады.


Не трожь святое.!!!!!
 
 
 
#1238
Джаратама0
18.11.2008 21:45:28
Кергелен, джаныгъызгъа тийди болур дейме Аламатма?
 
 
 
#1239
Джаратама0
18.11.2008 22:50:40
Сорвиголова

Дак джашчыкъ, кезюге кергюзт кесинги ,бир 25 джылдан.
 
 
 
#1240
Джаратама0
18.11.2008 23:12:25
да ол китабдан бир джырла джазсала, биз да окъур эдик.
 
 
 
#1241
Джаратама0
19.11.2008 03:43:39
Тамбла бир бола кирсин, эм иги джырланы салырма былайгъа
 
 
 
#1242
Джаратама0
19.11.2008 10:49:30
Девушка Гор
Тамбла бир бола кирсин, эм иги джырланы салырма былайгъа
Сакълаибыз! Харифле да не болдула, ол бурунлагъа къарадыкъ, къобузда сокъдукъ, дауурбазны дюнгюрдетдик аны бла бошалыб къалды да
 
 
 
#1243
Джаратама0
19.11.2008 12:16:25
Айтырыгъыз къыйынды, мен сизге бюгюн аллай бир дерс берейим.
 
 
 
#1244
Джаратама0
19.11.2008 14:49:15
Кергелен
Всё хорошо в меру. Интернационализм нужен, но зачем же эта попытка интегрировать соседнюю культуру в неокрепшие мозги молодежи? Поговорочку помните "что русскому хорошо, то немцу смерть"?
Девушка Гор
Сенге мен бюгюн болушуб кёреим. Ол аламат джырладан бир къоесенг, эки джыр да джазаим:

Ой, муртху чагъады къобан бойнунда,
Бир джигит джашны мен сюйюб къойдум да.
Мен алай сюйгенме, - тиймегеед кёз,
Кёлюмю ачаргъа табалмайма сёз.

Ол а айланады джукъ да билмейин
Бир къызчыкъ аны ючюн джанын берлигин.
Муртхуну чагъымын джел учурады,
Къыз къызынмакълыгъа кетмей турады.

Ол сюймекликни уа азаймаз кючю,
Не этейим аны ачыкълар ючюн?
Таукелсизлигиме салгъанма мен бой,
Джанымы къыйыры, кесинг бил да къой!

Девушка Гор

Къыз къызынмакълыгъа кетмей турады.
 - муну мен англар сёзле бла бир джазыгъыз, ансы терен магъанасын англайалмайма.
 
 
 
#1245
Джаратама0
19.11.2008 17:36:59
Аламатма
Бу джырны, тюзюн айтсам, артыкъсыз да бек джаратханма
 
 
 
#1246
Джаратама0
19.11.2008 19:54:05
Аламатма
Да сен, тууурада Аламатса ....

Да аюге, ертрде да этсенга блай, критиканы уруб турмай.

Айыб этме , эгечмисе? къарнашмыса?
 
 
 
#1247
Джаратама0
19.11.2008 20:53:33
Девушка Гор
Айтырыгъыз къыйынды, мен сизге бюгюн аллай бир дерс берейим.
кюн бошалды, дерс а джокъ
 
 
 
#1248
Джаратама0
19.11.2008 21:32:22
Всезнайка, айыб этмегиз, компьюторума вирус киргемди да, къармалгъанды. Бу иги джырланы окъугъуз, къайсы джырны кёчюрюлгенин таныдыгъыз болур?
 
 
 
#1249
Джаратама0
19.11.2008 21:42:09
Девушка Гор
Всезнайка, айыб этмегиз, компьюторума вирус киргемди да, къармалгъанды. Бу иги джырланы окъугъуз, къайсы джырны кёчюрюлгенин таныдыгъыз болур?
Аллах аиыб этмесин.Биз дерссиз къалгъа эдик да, бу вирус-деген хапар аман хапар болду да
 
 
 
#1250
Джаратама0
19.11.2008 22:23:46
Джамагъат, болушугъуз. Шауракъ деген сёз неди? Шауракъ улакъчыкъ -дейдиле.
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 48 49 50 51 52 ... 62 След.
Читают тему (гостей: 5)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.