Войти на сайт
15 Мая 2026 года

 

  • Эркиши – от, тиширыу – суу.
  • Ёпкелегенни ашы татлы болады.
  • Кийимни бичсенг, кенг бич, тар этген къыйын тюлдю.
  • Кесине гебен этелмеген, биреуге черен эте эди.
  • Мухар, кеси тойса да, кёзю тоймаз.
  • Суу ичген шауданынга тюкюрме.
  • Кечеси – аяз, кюню – къыш, джарлы къаргъагъа бир аш тюш!
  • Джылыгъа джылан илешир.
  • Акъыллы айтыр эди, акъылсыз къоймайды.
  • Арбаз сайлама да, хоншу сайла.
  • Татлы тилде – сёз ариу, чемер къолда – иш ариу.
  • Акъыл сабырлыкъ берир.
  • Айранны сюйген, ийнек тутар.
  • Эр сокъур болсун, къатын тилсиз болсун.
  • Иги адам абынса да, джангылмаз.
  • Ашлыкъны арба юйге келтирир, чана базаргъа элтир.
  • Тюзню ётмеги тюзде къалса да, тас болмаз.
  • Эл ауузу – элия.
  • Адеб базарда сатылмаз.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Айыбны суу бла джууалмазса.
  • Къыз чыгъаргъан – къызыл къымжа.
  • Уллу къашыкъ эрин джыртар.
  • Баш болса, бёрк табылыр.
  • Акъыллы эркиши атын махтар, акъылсыз эркиши къатынын махтар.
  • Башда акъыл болмаса, эки аякъгъа кюч джетер.
  • Сабий кёргенин унутмаз.
  • Ач къарынны, токъ билмез
  • Кийимни бир кюнню аясанг, минг кюннге джарар.
  • Айырылмаз джууугъунга, унутмаз сёзню айтма.
  • Джарлы джети элни сёзюн этер.
  • Адамгъа аман кюн соруб келмейди.
  • Билим ат болуб да чабар, къуш болуб да учар.
  • Тойгъан антын унутур.
  • Аджашханны ызындагъы кёреди, джангылгъанны джанындагъы биледи.
  • Нарт сёз – тилни бети.
  • Тёзгеннге, джабылгъан эшик ачылыр.
  • Джашынгы кесинг юретмесенг, джашау юретир.
  • Адамны сыфатына къарама, сёзюне къара.
  • Къыйынлы джети элни къайгъысын этер.
  • Аманнга алтын чыдамаз.
  • Ёлген ийнек сютлю болур.
  • Кёб къычыргъандан – къоркъма, тынч олтургъандан – къоркъ.
  • Игини сыйлагъан адетди.
  • Миллетни бойну – базыкъ, аны бла кюрешген – джазыкъ.
  • Сабийликде юретмесенг, уллу болса – тюзелмез.
  • Ауузу аманнга «иги», деме.
  • Туз, гырджын аша, тюзлюк бла джаша.
  • Экиндини кеч къылсанг, чабыб джетер ашхам.
  • Кийиминг бла танылма, адамлыкъ бла таныл.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 48 49 50 51 52 ... 62 След.
RSS
Келигиз, тил байлыгъыбызны сакълайыкъ!
 
#1226
Джаратама0
13.11.2008 18:59:58
Багъалы ана тилибизни сюйген аланла!!!
Иги хапар, кёб болмайын басмадан Къарачай тилге энчилеб кёчюрюлген орус, украин халкъ джырла чыкъгъандыла. Джыйымдыкъны аты- "Кетме" (Не уходи). Джырланы къарачай тилге Къарачай - Черкесс республиканы халкъ поэти Кечерукланы Байдымат кёчюргенди.
Керти ариу кёчюргенди.
 
 
 
#1227
Джаратама0
16.11.2008 02:50:03
Къаллай джырлары барды ичинде?
 
 
 
#1228
Джаратама0
16.11.2008 13:00:42
Девушка Гор


Тюкенледе бармыды?
 
 
 
#1229
Джаратама0
17.11.2008 18:32:22
О, къой, къой. Менда окъудум ол китабдан бир кесек. Тюнене Жириновскийге къарадым да, сукъландым. Адам къалай бек сюеди сакъларгъа кеси миллетини джорукъларын! Хар адамда, хар тепсеуде, хар сезде излейди ол кеси миллетини ышанларын. Ма болгъан алай болсун. Биз да алабызда орус халкъ джырланы кечюребиз... Аюнге, кесинги культурангы тебер не къадарда алгъа. Оруслула бла украинчыла бизсизда кебдюле, джарлы къарачай агитациясын къойса да, ала бир да джарсырыкъ тюлдюле.
 
 
 
#1230
Джаратама0
17.11.2008 18:38:29
Энди алыгъыз да бир къарагъыз. Къайры келишген затды бу?
- Ариукам мени, элтсенг а биргенге,
Ол узакъ джерде уа, бийченг болурма мен!

хай-хай-хай! Ол сериалладан къаллгъан бет, намыс муну бла джоюлуб бошады да!!!!!!
Бу чот таулу миллетге келишген зат тюлдю. Керти Уллу АЛЛАХ берген фахмунг бар эсе уа, миллетге джарагъан зат джаз. Мени келюме алай келеди.
Ким биледи, мен да терс болургъа боллукъма, адам сан джангъыллгъан да этеди. Алай болса да, бу китабны чыгъарама деб заманын ашыргъанны мен англаргъа унамайма(((((((((
 
 
 
#1231
Джаратама0
17.11.2008 22:33:16
Аламатма
Керти да аламатса!
+1
 
 
 
#1232
Джаратама0
17.11.2008 23:56:14
Аламатма, сёзюм джокъду джазгъанларынга. Алай а, кел бир сагъыш этейик, миллетибизни ичинде композиторларыда, поэтлерида аз тюлдю. Джангы джырла уа джокъ. Бар эселе да киши джырламайды. Кечерукъланы Байдымат а уа кёчюрюучюдю, сора алай-алай да бу джырланы джырлайдыла сора, кеслерини тиллеринде джырласынла деген болур, ким биледи.
 
 
 
#1233
Джаратама0
18.11.2008 05:00:29
Алай а, кел бир сагъыш этейик, миллетибизни ичинде композиторларыда, поэтлерида аз тюлдю. Джангы джырла уа джокъ.
Девушка Гор
А нек джокъду дейсе джангы джырла? Сора ол незат композиторду, незат поэтди, незат джырчы ды кесини энчи репертуары болмаса? Биреуню джырын джырларгъа школда юретиб башлайдыла, мен бильгенге кере. Сора бизни джырчыларыбыз сохта уровень де къалыб мы кетедиле?
Сен бу теманы бек ариу тинте башладынг!!!
Бизни кесибизни нек джокъду ариу джангы джырларыбыз???
Огъесе миллетибизни джаны таусула мы башлады????
 
 
 
#1234
Джаратама0
18.11.2008 05:14:55
Кечерукланы Байдымат, сез да джокъ иш этди. Ишлеген иш тюлдю. Ишлей билирге керекди. Сезюм джокду, ол джазыучуду, сезлени бир бирене ариу келишдиргенди, алай а, эндта келдик мен айтханга, джазсын кесича ариу джырла. Орус миллет джырла бизни менталитетибизге келишмейле, кёчириулерине къарасанг да, къулагъынгы ол келишмегенлик бек кеседи... Биз орус джыргъа тынгламайбыз, билмейбиз демейме мен... Айхай культура къой эсенг, энчи джашауда да бир бирибизге къатыша барабыз, алай а миллетге бу профанация керекмиди? Орус джыр къалсын орус тилде, сёзю макъамын тута. Бизни тилде, ол джырланы ангысызлыкълары, терен сагъышсызлыкълары бирта бир бек керюнюб къалады, лакмус къагъытдача. Мен Кечерукланы Байдыматны бек сюеме, алай а бу джол ол терс атлады.
 
 
 
#1235
Джаратама0
18.11.2008 12:11:17
Сени сёзлерингден сора сагъыш этгенме да, Байдыматдан соруу алыргъа керек болурму деб турама. Къонакъгъа чакъырайым да, сора форумда сорууларынгы берирсе сен да, башхалада болсунму?
 
 
 
#1236
Джаратама0
18.11.2008 13:12:46
Болсун. Бек сюеме Байдымат бла сёлеширге. Алай а, мен билеме, ол не айтырын. Интернационализм деген аланы тёлюлеринде фанатизмге ошаш эди. Ол аланы къанларындады.
 
 
 
#1237
Джаратама0
18.11.2008 18:25:16
Интернационализм деген аланы тёлюлеринде фанатизмге ошаш эди. Ол аланы къанларындады.


Не трожь святое.!!!!!
 
 
 
#1238
Джаратама0
18.11.2008 21:45:28
Кергелен, джаныгъызгъа тийди болур дейме Аламатма?
 
 
 
#1239
Джаратама0
18.11.2008 22:50:40
Сорвиголова

Дак джашчыкъ, кезюге кергюзт кесинги ,бир 25 джылдан.
 
 
 
#1240
Джаратама0
18.11.2008 23:12:25
да ол китабдан бир джырла джазсала, биз да окъур эдик.
 
 
 
#1241
Джаратама0
19.11.2008 03:43:39
Тамбла бир бола кирсин, эм иги джырланы салырма былайгъа
 
 
 
#1242
Джаратама0
19.11.2008 10:49:30
Девушка Гор
Тамбла бир бола кирсин, эм иги джырланы салырма былайгъа
Сакълаибыз! Харифле да не болдула, ол бурунлагъа къарадыкъ, къобузда сокъдукъ, дауурбазны дюнгюрдетдик аны бла бошалыб къалды да
 
 
 
#1243
Джаратама0
19.11.2008 12:16:25
Айтырыгъыз къыйынды, мен сизге бюгюн аллай бир дерс берейим.
 
 
 
#1244
Джаратама0
19.11.2008 14:49:15
Кергелен
Всё хорошо в меру. Интернационализм нужен, но зачем же эта попытка интегрировать соседнюю культуру в неокрепшие мозги молодежи? Поговорочку помните "что русскому хорошо, то немцу смерть"?
Девушка Гор
Сенге мен бюгюн болушуб кёреим. Ол аламат джырладан бир къоесенг, эки джыр да джазаим:

Ой, муртху чагъады къобан бойнунда,
Бир джигит джашны мен сюйюб къойдум да.
Мен алай сюйгенме, - тиймегеед кёз,
Кёлюмю ачаргъа табалмайма сёз.

Ол а айланады джукъ да билмейин
Бир къызчыкъ аны ючюн джанын берлигин.
Муртхуну чагъымын джел учурады,
Къыз къызынмакълыгъа кетмей турады.

Ол сюймекликни уа азаймаз кючю,
Не этейим аны ачыкълар ючюн?
Таукелсизлигиме салгъанма мен бой,
Джанымы къыйыры, кесинг бил да къой!

Девушка Гор

Къыз къызынмакълыгъа кетмей турады.
 - муну мен англар сёзле бла бир джазыгъыз, ансы терен магъанасын англайалмайма.
 
 
 
#1245
Джаратама0
19.11.2008 17:36:59
Аламатма
Бу джырны, тюзюн айтсам, артыкъсыз да бек джаратханма
 
 
 
#1246
Джаратама0
19.11.2008 19:54:05
Аламатма
Да сен, тууурада Аламатса ....

Да аюге, ертрде да этсенга блай, критиканы уруб турмай.

Айыб этме , эгечмисе? къарнашмыса?
 
 
 
#1247
Джаратама0
19.11.2008 20:53:33
Девушка Гор
Айтырыгъыз къыйынды, мен сизге бюгюн аллай бир дерс берейим.
кюн бошалды, дерс а джокъ
 
 
 
#1248
Джаратама0
19.11.2008 21:32:22
Всезнайка, айыб этмегиз, компьюторума вирус киргемди да, къармалгъанды. Бу иги джырланы окъугъуз, къайсы джырны кёчюрюлгенин таныдыгъыз болур?
 
 
 
#1249
Джаратама0
19.11.2008 21:42:09
Девушка Гор
Всезнайка, айыб этмегиз, компьюторума вирус киргемди да, къармалгъанды. Бу иги джырланы окъугъуз, къайсы джырны кёчюрюлгенин таныдыгъыз болур?
Аллах аиыб этмесин.Биз дерссиз къалгъа эдик да, бу вирус-деген хапар аман хапар болду да
 
 
 
#1250
Джаратама0
19.11.2008 22:23:46
Джамагъат, болушугъуз. Шауракъ деген сёз неди? Шауракъ улакъчыкъ -дейдиле.
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
#
Джаратама0
 
 
 
Страницы: Пред. 1 ... 48 49 50 51 52 ... 62 След.
Читают тему (гостей: 6)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.