- Чабакъсыз кёлге къармакъ салгъанлыкъгъа, чабакъ тутмазса.
- Юре билмеген ит, къонакъ келтирир.
- Ичимден чыкъды хата, къайры барайым сата?
- Aдам боллукъ, сыфатындан белгили.
- Сакъ юйюне сау барыр.
- Джылкъыдан – ат чыгъар, тукъумдан – джаш чыгъар.
- Джолунга кёре – джюрюшюнг, джагъанга кёре – юлюшюнг.
- Ана – юйню кюн джарыгъы.
- Бал ашаргъа сюе эсенг, чибин ургъаннга тёз.
- Уллу къашыкъ эрин джыртар.
- Азыкъ аз болса, эртде орун сал.
- Байны оноуу, джарлыгъа джарамаз.
- Къыз тиширыу кеси юйюнде да къонакъды.
- Окъдан джара эртде-кеч болса да бителир, сёз джара, ёмюрге къалыр.
- Иги болса, тамадама – махтау, аман болса, меннге – айыб.
- Къонакъ аз олтурур, кёб сынар.
- Эки элинги тыйсанг, джети элде махталырса.
- Ёгюзню мюйюзюнден тутадыла, адамны сёзюнден тутадыла.
- Ёзденликни кёбю ётюрюк.
- Джумушакъ сёз къаты таякъны сындырыр.
- Чарсда алчыны эл кёреди.
- Аман къатын сабий табса, бий болур…
- Ауругъаннга – кийик саулукъ, джетген къызгъа – чилле джаулукъ.
- Биреуге кёлтюрген таягъынг, кесинги башынга урур.
- Къозулугъунда тоймагъан, къойлугъунда тоймаз.
- Этни да ашады, бетни да ашады.
- Ауурну тюбю бла, дженгилни башы бла джюрюген.
- Байлыкъдан саулукъ ашхыды.
- Аджаллыгъа окъсуз шкок атылыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Хазыр ашха – терен къашыкъ.
- Адеб джокъда, намыс джокъ.
- Джаш болсун, къыз болсун, акъылы, саны тюз болсун.
- Рысхы – насыбха къор.
- Хар ишни да аллы къыйынды.
- Акъыллы эркиши атын махтар, акъылсыз эркиши къатынын махтар.
- Ашыкъгъанны этеги бутуна чырмалыр.
- Кёзню ачылгъаны – иги, ауузну джабылгъаны – иги.
- Сакъалы текени да бар, мыйыгъы киштикни да бар.
- Кёкдеги болмаса, джердегин кёрмейди.
- Кесинге джетмегенни, кёб сёлешме.
- Юйюнгден чыкъдынг – кюнюнгден чыкъдынг.
- Кесинг сынамагъан затны, адамгъа буюрма.
- Азыгъы аз, алгъа къабар, аты аман, алгъа чабар.
- Элге къуллукъ этмеген, элге ие болмаз.
- Тик ёргени, тик энгишгеси да болады.
- Аз айтсам, кёб ангылагъыз.
- Аманнга да, игиге да оноусуз къатышма.
- Эте билген, этген этеди, эте билмеген, юретген этеди!
- Айырылмаз джууугъунга, унутмаз сёзню айтма.
Келигиз, тил байлыгъыбызны сакълайыкъ!
|
Акъыллычыкъ
Шауракъ деген сёз неди? Шауракъ улакъчыкъ -дейдиле къарачаича ассоциациясы-боз, кесюлдюм, орусчатемно-серый. |
|
|
|
|
|
Кертда? Мен ёмюрюмде эшитмеген сёзлени къайдан табдыгъыз?
|
|
|
|
|
|
всезнайка
темно-серый.   ---масть животных.Акъыллычыкъ Аллаха шукур--биз къарачайлылабыз....... андан билебиз. Тохтамай соруб тур ,сен да билиб къалырса. |
|
|
|
|
|
Да сора энтда да соруб къояим
 джубран-деб неге айтадыла? Кюрюч деб а уа? |
|
|
|
|
|
Акъыллычыкъ
Да сора энтда да соруб къояим джубран-деб неге айтадыла? Кюрюч деб а уа? Тегеиим сора энтда бир акъыл  кюрюч-кюирюч-ясень джубран-суслик |
|
|
|
|
|
|
|
|
|
|
|
Аламатма
Кыз къызынмакълыкъ -деб, любовь девичья дей болур. Дословный перевод этеме десенг |
|
|
|
|
|
Девушка Гор
Кыз къызынмакълыкъ -деб, любовь девичья дей болур. Дословный перевод этеме десенг Сен да таб келтиресе. Къызынмакълыкъ---увлечение, прельщение. Увлечение девушки. |
|
|
|
|
|
Кергелен
Сен да таб келтиресе. Къызынмакълыкъ---увлечение, прельщение.  дословный перевод деб орус джыргъа кёре дегенлигим эди.  |
|
|
|
|
|
Да биз тилибизни сакъларгъа киргенбизда?
Сора бери джыяргъа керекбиз да, ары- бери аджашхан сезню.  |
|
|
|
|
|
Кергелен
|
|
|
|
|
|
Аламатма
Да джанынга да болаим, къарт эгечинги джазгъанын унутмай , кесинге шох этиб тура эсенг. |
|
|
|
|
|
Мен аллындан да билеме сиз акъыллы адам болгъаныгъызны. Сиз джазаедигиз сизни атагъыз мал бла кюрешиб тургъан эди деб. мен сизни андан бери да бек сыйлайма.
|
|
|
|
|
|
Аламатма
Къайда тасса шохум.? Сора бир зат сораим седен. Къарачайча --ни черта, черта с два--къалай боллукъду.? Атамдан болмаса емюрде кишиден эшитмегенме ол сезню. |
|
|
|
|
|
Кергелен
Кечериксиз ушагъыгъызгъа къошулгъаныма Къарачайча --ни черта, черта с два--къалай боллукъду.?  Аллай сёз да бармыды? Эшитмегенме, тоба...Аламатма не айтырын сакълайыкъ  |
|
|
|
|
|
Эгечден туугъан, тил байлыкъны сакълар ючюн,школладан, тиширыу болгъанны чалкъыгъа сюрюрге керекди.
, |
|
|
|
|
|
Ол дегенигиз?
|
|
|
|
|
|
Эсиме тюшгени бла.
Къарачайча---бабье лето.? Сакълайма. |
|
|
|
|
|
|
||||
|
|
|
|||
Читают тему (гостей: 7)