Эри аманны, къатыны – аман.
Башда акъыл болмаса, эки аякъгъа кюч джетер.
Бетинги сатма, малынгы сат.
Эркишини аманы тиширыуну джылатыр.
Тёгюлген тюгел джыйылмайды.
Билим ат болуб да чабар, къуш болуб да учар.
Ата джурт – алтын бешик.
Эринчекге кюн узун.
Къая джолда джортма, ачыкъ сёзден къоркъма.
Таш ата билмеген, башына урур.
Кийимни бичсенг, кенг бич, тар этген къыйын тюлдю.
Аман хансны – урлугъу кёб.
Тилчи бир сагъатха айлыкъ хата этер.
Терек ауса, отунчу – кёб.
Билим – акъылны чырагъы.
Биреуню къыйынлыгъы бла кесинге джол ишлеме.
Ач отунчуну ачыуу – бурнунда.
Джолда аягъынга сакъ бол, ушакъда тилинге сакъ бол.
Биреу ашаб къутулур, биреу джалаб тутулур.
Байны оноуу, джарлыгъа джарамаз.
Хазыр ашха – терен къашыкъ.
Иги – алгъыш этер, аман – къаргъыш этер.
Танг атмайма десе да, кюн къоярыкъ тюйюлдю.
Тойгъа барсанг, тоюб бар, эски тонунгу къоюб бар.
Бал – татлы, балдан да бала – татлы.
Босагъагъа джууукъ орун болса, ашыгъыб тёрге озма.
Дженгил джетерикме деб, узун джолну къоюб, къысхасын барма.
Аякъларынгы джууургъанынга кёре узат.
Тойну къарнашы – харс, джырны къарнашы – эжиу.
Ариу сёз джыланны орнундан чыгъарыр.
Ач да бол, токъ да бол – намысынга бек бол.
Тик ёргени, тик энгишгеси да болады.
Кёзню ачылгъаны – иги, ауузну джабылгъаны – иги.
Башсыз урчукъ тюзюне айланмаз.
Байны къызы баймакъ болса да, юйде къалмаз!
Джаным-тиним – окъуу, билим.
Тау башында, тау болмаз, джангыз терек, бау болмаз.
Ашыкъгъан cуу, тенгизге джетмез.
Къарны аманнга къазан такъдырма, къолу аманнга от джакъдырма.
Айтхан – тынч, этген – къыйын.
Биреуню тёрюнден, кесинги эшик артынг игиди.
Адам къаллай бир ишленмесе, аллай бир кесин уллу кёреди.
Чомартха хар кюн да байрамды.
Эшекге миннген – биринчи айыб, андан джыгъылгъан – экинчи айыб.
Къонакъ аман болса, къонакъбай джунчур
Ауругъаннга – кийик саулукъ, джетген къызгъа – чилле джаулукъ.
Азыкъ аз болса, эртде орун сал.
Тили узунну, намысы – къысха.
Тёрдеги кюлсе, эшикдеги ышарыр.
Юйюнг бла джау болгъандан эсе, элинг бла джау бол.
