Нарт сёз къарт болмаз.
Джыланны къуйругъундан басарынг келсе, аны башы болгъанын унутма.
Эринчекни аурууу – кёб.
Къууут – джелге, берне – бошха.
Билимден уллу байлыкъ джокъду.
Узун джолну барсанг, бюгюн келирсе, къысха джолну барсанг, тамбла келирсе.
Кёбню кёрген – кёб билир.
Кирсизни – саны таза, халалны – къаны таза.
Телиге от эт десенг, юйюнге от салыр.
Киштикге къанат битсе, чыпчыкъ къалмаз эди.
Дууулдаса – бал чибин, къонса – къара чибин.
Чабакъгъа акъыл, табагъа тюшсе келеди.
Кимни – тили, тиши онглу, кимни – къолу, иши онглу.
Чоюнну башы ачыкъ болса, итге уят керекди.
Туз, гырджын аша, тюзлюк бла джаша.
Эл ауузу – элек, анга ийнаннган – халек.
Тойгъан джерге джети къайт.
Джеринден айырылгъан – джети джылар, джуртундан айырылгъан – ёлгюнчю джылар.
Бал чибинни ургъаны – ачы, балы – татлы.
Чыбыкълыкъда бюгюлмеген, къазыкълыкъда бюгюлмей эди.
Аджаллыгъа окъсуз шкок атылыр.
Келлик заман – къартлыкъ келтирир, кетген заман – джашлыкъ ёлтюрюр.
Кёзню ачылгъаны – иги, ауузну джабылгъаны – иги.
Этни бети бла шорпасы.
Бир онгсуз адам адет чыгъарды, деб эштирик тюлсе.
Кёбден умут этиб, аздан къуру къалма.
Иши джокъну, сыйы джокъ.
Эринчекни эр алмаз, эр алса да, кёл салмаз, кёл салса да, кёб бармаз!
Адамны адамлыгъы къыйынлыкъда айгъакъланады.
Адамгъа аман кюн соруб келмейди.
Баргъанынга кёре болур келгенинг.
Къуллукъчума, деб махтанма, къуллукъ – хаух джамчыды!
Адамны аты башхача, акъылы да башхады.
Кесине гебен этелмеген, биреуге черен эте эди.
Къазанда болса, чолпугъа чыгъар.
Сибиртки да сыйлы болду, кюрек да кюнлю болду.
Халкъгъа джарагъан, джарлы къалмаз.
Къозулугъунда тоймагъан, къойлугъунда тоймаз.
Келинин тута билмеген, къул этер, къызын тута билмеген, тул этер.
Окъугъанны бети джарыкъ.
Къая джолда джортма, ачыкъ сёзден къоркъма.
Тас болгъан бычакъны сабы – алтын.
Къонакъ аз олтурур, кёб сынар.
Сёз садакъдан кючлюдю.
Джылыгъа джылан илешир.
Кюн кёрмеген, кюн кёрсе, кюндюз чыракъ джандырыр.
Биреуге кёлтюрген таягъынг, кесинги башынга урур.
Джарлы эскисин джамаса, къууаныр.
Айырылгъанланы айю ашар, бёлюннгенлени бёрю ашар.
Адамны аманы адамны бети бла ойнар.
