Ашхылыкъ джерде джатмайды, аманлыкъ суугъа батмайды.
Ач бёрюге мекям джокъ.
Оюмсуз атлагъан, аджалсыз ёлюр.
Джумушакъ терекни къурт ашар.
Ашарыкъда сайлагъаннга – чий гырджын.
Билимли ёлмез, билимсиз кёрмез.
Дууулдаса – бал чибин, къонса – къара чибин.
Адамны аты башхача, акъылы да башхады.
Джашлыкъ этмеген, башлыкъ этмез.
Биреуню эскиси биреуге джангы болмайды.
Келлик заман – къартлыкъ келтирир, кетген заман – джашлыкъ ёлтюрюр.
Эм уллу байлыкъ – джан саулукъ.
Къатыны харакетли болса, эри къымсыз болур.
Атадан ёксюз – бир ёксюз, анадан ёксюз – эки ёксюз.
Сабийни джумушха джибер да, ызындан бар.
Тойгъандан сора, ашны сёкме.
Сууда джау джокъ, кёб сёзде магъана джокъ.
Кёкдеги болмаса, джердегин кёрмейди.
Кёб джат да, бек чаб.
Ишни аллы бла къууанма да, арты бла къууан.
Айран ичген – къутулду, джугъусун джалагъан – тутулду.
Къая джолда джортма, ачыкъ сёзден къоркъма.
Адебсиз адам – джюгенсиз ат.
Сабийликде юретмесенг, уллу болса – тюзелмез.
Окъ къызбайны джокълайды.
Ёпкелегенни ашы татлы болады.
Ач уят къоймаз.
Ашаса, ашамаса да, бёрюню ауузу – къан.
Ат басханны джер билед.
Къартха ушагъан джаш – акъыллы, джашха ушагъан къарт – тели.
Атынг аманнга чыкъгъандан эсе, джанынг тамагъынгдан чыкъсын.
Танг атмайма десе да, кюн къоярыкъ тюйюлдю.
Тюкюрюк баш джармаз, налат кёз чыгъармаз!
Арбаз къынгырды да, ийнек сауалмайма.
Билим насыб берир, билим джолну керир.
Къолунгдан къуймакъ ашатсанг да, атаны борчундан къутулмазса.
Гыдай эчки суугъа къараб, мюйюзле кёрмесе, джашма алкъын, дегенди.
Эринчекге кюн узун.
Арпа, будай – ащды, алтын, кюмюш а – ташды.
Тау башында, тау болмаз, джангыз терек, бау болмаз.
Кийимни бичсенг, кенг бич, тар этген къыйын тюлдю.
Ач отунчуну ачыуу – бурнунда.
Атлыны кёрсе, джаяуну буту талыр.
Мал кёб болса, джууукъ кёб болур.
Бермеген къол, алмайды.
Ауругъан – джашаудан умутчу.
Элде адам къалмаса, ит тахтагъа минер.
Джол бла сёзню къыйыры джокъ.
Тенгни тенглиги джашай барсанг билинир.
Огъурлуну сёзю – суу, огъурсузну сёзю – уу.
