Эринчекни эр алмаз, эр алса да, кёл салмаз, кёл салса да, кёб бармаз!
Булут кёкге джарашыу, уят бетге джарашыу.
Билим – акъылны чырагъы.
Къатыны харакетли болса, эри къымсыз болур.
Чакъырылмагъан джерге барма, чакъырылгъан джерден къалма.
Къозулугъунда тоймагъан, къойлугъунда тоймаз.
Кенгеш болса, уруш болмаз.
Иги адам абынса да, джангылмаз.
Чакъырылмай келген къонакъ сыйланмай кетер.
Танг атмайма десе да, кюн къоярыкъ тюйюлдю.
Окъуусуз билим – джокъ, билимсиз кюнюнг – джокъ.
Тойгъа барсанг, тоюб бар, эски тонунгу къоюб бар.
Малны кют, джерни тюрт.
Аууздан келген, къолдан келсе, ким да патчах болур эди.
Атлыны ашхысы, ат тизгининден билинир
Татлы сёз – балдан татлы.
Элде адам къалмаса, ит тахтагъа минер.
Келинин тута билмеген, къул этер, къызын тута билмеген, тул этер.
Ачыкъ джюрекге джол – ачыкъ.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Уллу сёлешме да, уллу къаб.
Айтылгъан сёз ызына къайтмаз.
Адеб этмеген, адеб кёрмез.
Тёрени джагъы джокъ.
Ургъан суудан башынгы сакъла.
Ариу сёз – джаннга азыкъ, аман сёз – башха къазыкъ.
Джолунга кёре – джюрюшюнг, джагъанга кёре – юлюшюнг.
Арыгъан къош чамчы болур.
Акъыллы эркиши атын махтар, акъылсыз эркиши къатынын махтар.
Къарын къуру болса, джюрек уру болур.
Джаным-тиним – окъуу, билим.
Намыс сатылыб алынмайды.
Ата Джуртуму башы болмасам да, босагъасында ташы болайым.
Къарыусузгъа кюлме, онгсузгъа тийме.
Суугъа – чабакъ, къаягъа – ыргъакъ.
Тели турса – той бузар.
Туз, гырджын аша, тюзлюк бла джаша.
Бал ашаргъа сюе эсенг, чибин ургъаннга тёз.
Къартны бурнун сюрт да, оноугъа тут.
Хар зат кесини орнуна иги.
Сакъ юйюне сау барыр.
Дженгил джетерикме деб, узун джолну къоюб, къысхасын барма.
Къуллукъчума, деб махтанма, къуллукъ – хаух джамчыды!
Уллу къашыкъ эрин джыртар.
Сыфатында болмагъаны, суратында болмаз.
Къонакъны къачан кетерин сорма, къачан келлигин сор.
Аманны тукъумуна къарама, игини тукъумун сорма.
Аджаллыгъа окъсуз шкок атылыр.
Ач къарынны, токъ билмез
Сёз садакъдан кючлюдю.
