Тилчи бир сагъатха айлыкъ хата этер.
Джуртун къоругъан озар.
Чоюнну башы ачыкъ болса, итге уят керекди.
Сакъ юйюне сау барыр.
Кюлме джашха – келир башха.
Аман адам этегингден тутса, кес да къач.
Тёрдеги кюлсе, эшикдеги ышарыр.
Арба аугъандан сора, джол кёргюзтюучю кёб болур.
Джырына кёре эжиую.
Айыбны суу бла джууалмазса.
Ёлюк кебинсиз къалмаз.
Джашны джигитлиги сорулур, къызны джигерлиги сорулур.
Эшекге миннген – биринчи айыб, андан джыгъылгъан – экинчи айыб.
Арыгъан къош чамчы болур.
Аз сёлеш, кёб ишле.
Ётюрюкден тюбю джокъ, кёлтюрюрге джиби джокъ.
Гугук кесини атын айтыб къычыргъанча, мен, мен деб нек тураса?
Къарт болгъан джерде, берекет болур, сабий болгъан джерде, оюн болур.
Накъырда – кертини келечиси.
Мадар болса, къадар болур.
Окъуусуз билим – джокъ, билимсиз кюнюнг – джокъ.
Ата Джуртча джер болмаз, туугъан элча эл болмаз.
Ач отунчуну ачыуу – бурнунда.
Джюз элде джюз ёгюзюм болгъандан эсе, джюз джууугъум болсун.
Ашлыкъны арба юйге келтирир, чана базаргъа элтир.
Эли джокъну – кёлю джокъ.
Кёзден кетген, кёлден да кетеди.
Хазыр ашха – терен къашыкъ.
Акъыл бла адеб эгизледиле.
Уллу къашыкъ эрин джыртар.
Ат да турмайды бир териде.
Адам бла мюлк юлешмеген эсенг, ол адамны билиб бошагъанма, деб кесинги алдама.
Нарт сёз – тилни бети.
Къонагъы джокъну – шоху джокъ.
Ургъан суудан башынгы сакъла.
Чакъырылмагъан джерге барма, чакъырылгъан джерден къалма.
Гырджын – тепсини тамадасы.
Сормай – алма, чакъырылмай – барма.
Къобан да къуру да къобханлай турмайды, адам да къуру да патчахлай турмайды.
Къонакъ хазыр болгъанлыкъгъа, къонакъбай хазыр тюлдю.
Адамны аманы адамны бети бла ойнар.
Бал ашаргъа сюе эсенг, чибин ургъаннга тёз.
Керти сёзге тёре джокъ.
Кёзю сокъурдан – къоркъма, кёлю сокъурдан – къоркъ.
Къыз келсе, джумуш эте келеди, къатын келсе, ушакъ эте келеди.
Кёл – къызбай, къол – батыр.
Ачыкъ джюрекге джол – ачыкъ.
Ойнай билмеген, уруб къачар.
Тенгни тенглиги джашай барсанг билинир.
Дууулдаса – бал чибин, къонса – къара чибин.
