Кёб къычыргъандан – къоркъма, тынч олтургъандан – къоркъ.
Ашхылыкъ джерде джатмайды, аманлыкъ суугъа батмайды.
Эки элинги тыйсанг, джети элде махталырса.
Нарт сёз – тилни бети.
Къууут – джелге, берне – бошха.
Къар – келтирди, суу – элтди.
Джети тилни билген джети кишиди.
Чакъырылмагъан къонакъ къачан кетерин сормаз.
Къан бла кирген, джан бла чыгъар.
Чабар ат – джетген къыз.
Азыкъ аз болса, эртде орун сал.
Юйюнг бла джау болгъандан эсе, элинг бла джау бол.
Чабакъгъа акъыл, табагъа тюшсе келеди.
Акъылсызны джууукъгъа алма, акъыллыны кенгнге салма.
Хантына кёре тузу, юйюне кёре къызы.
Таукелге нюр джауар.
Тынгылагъан тынгы бузар.
Эл элде бирер малынг болгъандан эсе, бирер тенгинг болсун.
Берекет берсин деген джерде, берекет болур.
Джангыз терек къынгыр ёсер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Къоркъакъны кёзю экили кёрюр.
Джаханимни кёрмей, джандетге кёл салмазса.
Эркиши – от, тиширыу – суу.
Къонакъ аз олтурур, кёб сынар.
Кюл тюбюндеги от кёрюнмейди.
Телиге акъыл салгъандан эсе, ёлгеннге джан салырса.
Телини эшигин, махтау джабар.
Ойнай-ойнай кёз чыгъар.
Ач къалгъандан, кеч къалгъан къолай.
Юйлю уругъа ит чабмаз.
Къартха ушагъан джаш – акъыллы, джашха ушагъан къарт – тели.
Джарашыу сюйген – джалынчакъ.
Кимни – тили, тиши онглу, кимни – къолу, иши онглу.
Джаш болсун, къыз болсун, акъылы, саны тюз болсун.
Къарыусузгъа кюлме, онгсузгъа тийме.
Аман киши кеси юйюнде – къонакъ.
Джаз бир кюнню джатсанг, къыш талай кюнню абынырса.
Къулакъдан эсе, кёзге ышан.
Джиби бир къат джетмей эди да, эки къат тарта эди.
Уллу сёлешме да, уллу къаб.
Халкъны джырын джырласанг, халкъ санга эжиу этер.
Чёбню кёлтюрсенг, тюбюнден сёз чыгъар.
Къазанчы аман болса, къазаны къайнамаз.
Юй кюйдю да, кюйюз чыкъды, ортасындан тюйюш чыкъды.
Ачны эсинде – аш.
Ёлген эшек бёрюден къоркъмайды.
Аллахдан тилесенг, кёб тиле.
Акъыллы эркиши атын махтар, акъылсыз эркиши къатынын махтар.
Эки къатын алгъан – эки ташны ортасына башын салгъан.
