Къарны аманнга къазан такъдырма, къолу аманнга от джакъдырма.
Адамны аманы адамны бети бла ойнар.
Къууут – джелге, берне – бошха.
Кёзден кетген, кёлден да кетеди.
Тёзген – тёш ашар!
Дженгил джетерикме деб, узун джолну къоюб, къысхасын барма.
Эллинг бла джау болсанг да, юйюнг бла джау болма.
Адамны сыфатына къарама, сёзюне къара.
Нёгерсизни джолу узун.
Окъумагъан сокъурду, сокъур ташха абыныр!
Билген билмегенни юретген адетди.
Джауумдан сора, кюн кюйдюрюр, ётюрюкден сора, айыб кюйдюрюр.
Тил джюрекге джол ишлейди.
Къан бла кирген, джан бла чыгъар.
Магъанасыз сёз – тауушсуз сыбызгъы.
Накъырда – кертини келечиси.
Таякъ этден ётер, тил сюекден ётер.
Мал кёб болса, джууукъ кёб болур.
Дуния мал дунияда къалады.
Бетинги сатма, малынгы сат.
Хунаны тюбюн къазсанг, юсюнге ауар.
Юреннген ауруу къалмаз.
Чёбню кёлтюрсенг, тюбюнден сёз чыгъар.
Ариу сёз – джаннга азыкъ, аман сёз – башха къазыкъ.
Къызгъанчдан ычхыныр, мухардан ычхынмаз.
Абынмазлыкъ аякъ джокъ, джангылмазлыкъ джаякъ джокъ.
Атадан ёксюз – бир ёксюз, анадан ёксюз – эки ёксюз.
Айтылгъан сёз ызына къайтмаз.
Къая джолда джортма, ачыкъ сёзден къоркъма.
Тик ёргени, тик энгишгеси да болады.
Акъыл сабырлыкъ берир.
Ёгюзню мюйюзюнден тутадыла, адамны сёзюнден тутадыла.
Ашхы тенг джолгъа салыр, аман тенг джолдан тайдырыр.
Мураты болгъанны джюрек тебюую башхады.
Хазыр ашха – терен къашыкъ.
Тёрени джагъы джокъ.
Бал – татлы, балдан да бала – татлы.
Къыйынлы джети элге оноу этер.
Аякъларынгы джууургъанынга кёре узат.
Эте билген, этген этеди, эте билмеген, юретген этеди!
Таула не мийик болсала да, аууш табылыр.
Кимни – тили, тиши онглу, кимни – къолу, иши онглу.
Чабар ат – джетген къыз.
Хаухну атма, ёнгкючню сатма.
Джети тилни билген джети кишиди.
Ётюрюкню къуйругъу – бир тутум.
Орну джокъну – сыйы джокъ.
Аманнга алтын чыдамаз.
Минг тенг да азды, бир джау да кёбдю.
Кёзюнде тереги болгъан, чёбю болгъаннга кюле эди.
