Сыфатында болмагъаны, суратында болмаз.
Чабакъгъа акъыл, табагъа тюшсе келеди.
Ауузу бла къуш тута айланады.
Кёл – къызбай, къол – батыр.
Билимсиз иш бармаз.
Джарлы тюеге минсе да, ит къабар.
Эл элде бирер малынг болгъандан эсе, бирер тенгинг болсун.
Аманны тукъумуна къарама, игини тукъумун сорма.
Ашатыргъа иш – ашхы, ишлетирге аш – ашхы.
Акъыл аздырмаз, билим тоздурмаз.
Окъугъан озар, окъумагъан тозар.
Кесинг сынамагъан затны, адамгъа буюрма.
Кечеси – аяз, кюню – къыш, джарлы къаргъагъа бир аш тюш!
Ач уят къоймаз.
Эркишини аманы тиширыуну джылатыр.
Адам къыйынлыгъын кёлтюрюр, зауукълугъун кёлтюрмез.
Аман эсирсе, юйюн ояр.
Къарны аманнга къазан такъдырма, къолу аманнга от джакъдырма.
Намысы болмагъанны, сыйы болмаз.
Ишге юренсин къоллары, халкъ бла болсун джоллары.
Тилсиз миллет джокъ болур.
Джашны джигитлиги сорулур, къызны джигерлиги сорулур.
Айраннга суу къош, телиге джол бош.
Байлыкъ тауусулур, билим тауусулмаз.
Аман адам этегингден тутса, кес да къач.
Мал ёлсе, сюек къалыр, адам ёлсе, иши къалыр.
Эрине къаргъыш этген къатын, эрнин къабар.
Атлыны кёрсе, джаяуну буту талыр.
Ойнай билмеген, оюн бузар.
Джашда акъыл джокъ, къартда къарыу джокъ.
Термилгенинги табмазса, кюлгенинге тюберсе.
Акъыллы эркиши атын махтар, акъылсыз эркиши къатынын махтар.
Хар зат кесини орнуна иги.
Биреуге аманлыкъ этиб, кесинге игилик табмазса.
Башы ишлегенни, ауузу да ишлер.
Ёлюк кебинсиз къалмаз.
Кёбню кёрген – кёб билир.
Бозанг болмагъан джерге, къалагъынгы сукъма.
Этни да ашады, бетни да ашады.
Байны къызы баймакъ болса да, юйде къалмаз!
Гитче джилтин уллу элни джандырыр.
Тин – байлыгъынг, терен саулугъунг.
Арыгъан къош чамчы болур.
Харам къарнашдан, халал тенг ашхы.
Джарлы джети элни сёзюн этер.
Адамны аманы адамны бети бла ойнар.
Хантына кёре тузу, юйюне кёре къызы.
Адеб этмеген, адеб кёрмез.
Чомартха хар кюн да байрамды.
Билим – акъылны чырагъы.
