Тамбла алтындан бюгюн багъыр ашхы.
Берекет берсин деген джерде, берекет болур.
Аман адам этегингден тутса, кес да къач.
Сакъламагъан затынга джолукъсанг, не бек къууанаса, не бек ачыйса.
Ачны эсинде – аш.
Къайгъыны сюйген, къайгъы табар.
Сибиртки да сыйлы болду, кюрек да кюнлю болду.
Билимден уллу байлыкъ джокъду.
Ишленмеклик адамлыкъды.
Кёрмегеннге кебек – танг, битмегеннге сакъал – танг.
Босагъа таш юйге кирмей эди, тыбыр таш эшикге чыкъмай эди.
Окъ къызбайны джокълайды.
Азыкълы ат арымаз, къатыны аман джарымаз.
Тилчи бир сагъатха айлыкъ хата этер.
Чомарт къолда мал къалмаз.
Халкъны джырын джырласанг, халкъ санга эжиу этер.
Юй кюйдю да, кюйюз чыкъды, ортасындан тюйюш чыкъды.
Таукелге нюр джауар.
Къарт болгъан джерде, берекет болур, сабий болгъан джерде, оюн болур.
Джырына кёре эжиую.
Джюрек кёзден алгъа кёрюр.
Аман адамны тепсинге олтуртсанг, къызынгы тилер.
Гитче джилтин уллу элни джандырыр.
Биреуню къыйынлыгъы бла кесинге джол ишлеме.
Эшекни не къадар тюйсенг да, ат болмаз.
Эр сокъур болсун, къатын тилсиз болсун.
Ауурну тюбю бла, дженгилни башы бла джюрюген.
Тынгылагъан тынгы бузар.
Къобан да къуру да къобханлай турмайды, адам да къуру да патчахлай турмайды.
Намыс сатылыб алынмайды.
Аллахдан тилесенг, кёб тиле.
Накъырданы арты керти болур.
Бек ашыкъгъан меннге джетсин, дегенди аракъы.
Хантына кёре тузу, юйюне кёре къызы.
Ёлген аслан – сау чычхан.
Уллу атлама – абынырса, уллу къабма – къарылырса.
Ашхы болсанг, атынг чыгъар, аман болсанг, джанынг чыгъар.
Шайтан алдады, тюзлюк къаргъады.
Экеу тутушса, биреу джыгъылыр.
Кёзден кетген, кёлден да кетеди.
Ариу сёз джыланны орнундан чыгъарыр.
Къозулугъунда тоймагъан, къойлугъунда тоймаз.
Душманны тышы – акъ, ичи – къара.
Телиге от эт десенг, юйюнге от салыр.
Къыйынлы джети элни къайгъысын этер.
Кийимни бир кюнню аясанг, минг кюннге джарар.
Аз сёлешген, къайгъысыз турур.
Ашхылыкъ джерде джатмайды, аманлыкъ суугъа батмайды.
Джангыз терек къынгыр ёсер.
Ётюрюкчюню шагъаты – къатында.
