Тиширыусуз юй – отсуз от джагъа.
Айран ичген – къутулду, джугъусун джалагъан – тутулду.
Нёгер болсанг, тенг бол, тенг болмасанг, кенг бол.
Уллу къазанда бишген эт, чий къалмаз.
Ойнай билмеген, уруб къачар.
Чёбню кёлтюрсенг, тюбюнден сёз чыгъар.
Эшекни не къадар тюйсенг да, ат болмаз.
Aдам боллукъ, сыфатындан белгили.
Орундукъ тюбюнде атылсам да, орта джиликме, де да айлан.
Битмегеннге сакъал – танг.
Келинин тута билмеген, къул этер, къызын тута билмеген, тул этер.
Чабакъ башындан чирийди.
Айраннга суу къош, телиге джол бош.
Къанны къан бла джуума, аманны аман бла къуума.
Ауурну тюбю бла, дженгилни башы бла джюрюген.
Джашлыкъ этмеген, башлыкъ этмез.
Иги адамны бир сёзю эки болмаз.
Сакъалы текени да бар, мыйыгъы киштикни да бар.
Сёз садакъдан кючлюдю.
Бир онгсуз адам адет чыгъарды, деб эштирик тюлсе.
Артына баргъанны, къатына барма.
Минг тенг да азды, бир джау да кёбдю.
Бетинги сатма, малынгы сат.
Юреннген ауруу къалмаз.
Ач – эснер, ат – кишнер.
Насыб бютеу халкъны юлюшюдю.
Зарда марда джокъ.
Адамны бетине къарама, адетине къара.
Кёлсюзден сёзсюз тууар.
Намыс болмагъан джерде, насыб болмаз.
Азыгъы аз, алгъа къабар, аты аман, алгъа чабар.
Джыгъылгъанны сырты джерден тоймаз.
Къая джолда джортма, ачыкъ сёзден къоркъма.
Байлыкъ адамны сокъур этер.
Тойгъа алгъа да барма, тойда артха да къалма.
Адеби болмагъан къыз – тузсуз хант.
Рысхысына кёре, джаш ёсер, къышлыгъына кёре, мал ёсер.
Тыш элде солтан болгъандан эсе, кесинги элде олтан болгъан игиди!
Чабар ат – джетген къыз.
Ёгюзню мюйюзлери ауурлукъ этмейдиле.
Таула не мийик болсала да, аууш табылыр.
Баш – акъыл ючюн, акъылман – халкъ ючюн.
Ачлыкъда тары гырджын халыуадан татлы.
Джырчы джырчыгъа – къарнаш.
Эте билген, этген этеди, эте билмеген, юретген этеди!
Кёб къычыргъандан – къоркъма, тынч олтургъандан – къоркъ.
Къарны аманнга къазан такъдырма, къолу аманнга от джакъдырма.
Бир абыннган – минг сюрюнюр.
Тойгъан антын унутур.
Ётген ёмюр – акъгъан суу.
