Ишлегенден, къарагъан уста.
Алгъанда – джууукъ, бергенде – джау.
Эрине къаргъыш этген къатын, эрнин къабар.
Тилчиден кери бол.
Атадан ёксюз – бир ёксюз, анадан ёксюз – эки ёксюз.
Аууз сакълагъан – джан сакълар.
Келгинчи, къонакъ уялыр, келгенден сора, къонакъбай уялыр.
Тамырсыз терекге таянма – джыгъылырса.
Таукел адам тау тешер.
Бермеген къол, алмайды.
Адамгъа аман кюн соруб келмейди.
Айраннга суу къош, телиге джол бош.
Нафысынгы айтханын этме, намысынгы айтханын эт.
Кёз – сюйген джерде, къол – ауругъан джерде.
Юйюнгден чыкъдынг – кюнюнгден чыкъдынг.
Къарт болгъан джерде, берекет болур, сабий болгъан джерде, оюн болур.
Нарт сёз къарт болмаз.
Сакъалы текени да бар, мыйыгъы киштикни да бар.
Акъыл къартда, джашда тюйюлдю – башдады.
Джарлы тюеге минсе да, ит къабар.
Азыкъ аз болса, эртде орун сал.
Байлыкъ адамны сокъур этер.
Чыкълы кюнде чыкъмагъан, чыкъса къуру кирмеген.
Ашлыкъны арба юйге келтирир, чана базаргъа элтир.
Кёзюнде тереги болгъан, чёбю болгъаннга кюле эди.
Тюкюрюк баш джармаз, налат кёз чыгъармаз!
Ишленмеклик адамлыкъды.
Джашынгы кесинг юретмесенг, джашау юретир.
Джыгъылгъанны сырты джерден тоймаз.
Бал ашаргъа сюе эсенг, чибин ургъаннга тёз.
Туз, гырджын аша, тюзлюк бла джаша.
Элде адам къалмаса, ит тахтагъа минер.
Уллу айтханны этмеген – уллаймаз.
Келинин тута билмеген, къул этер, къызын тута билмеген, тул этер.
Телиге от эт десенг, юйюнге от салыр.
Чомарт джарлы болмаз.
Тура эдим джата, къайдан чыкъды хата?
Сабыр джетер муратха, сабырсыз къалыр уятха.
Эр сокъур болсун, къатын тилсиз болсун.
Чомарт бергенин айтмаз.
Ханы къызы буюгъа-буюгъа киштик болду.
Джол бла сёзню къыйыры джокъ.
Къан бла кирген, джан бла чыгъар.
Аууздан келген, къолдан келсе, ким да патчах болур эди.
Хунаны тюбюн къазсанг, юсюнге ауар.
Бир онгсуз адам адет чыгъарды, деб эштирик тюлсе.
Арбаз къынгырды да, ийнек сауалмайма.
Чёбню кёлтюрсенг, тюбюнден сёз чыгъар.
Адамны джюреги нени кёрюрге сюйсе, кёзю да аны кёрюрге ёч болады.
Аджалсыз ёлюм болмаз.
