Кенгеш болса, уруш болмаз.
Окъугъанны бети джарыкъ.
Ишлемеген – тишлемез.
Акъыл къартда, джашда тюйюлдю – башдады.
Игилик игилик бла сингдирилиучю затды.
Къууут – джелге, берне – бошха.
Бастасын ашагъан, хантусун да ичер.
Хар ишни да аллы къыйынды.
Аманны къуугъан, аманлыкъ табар.
Джарлыны тону джаз битер.
Ашхылыкъ джерде джатмайды, аманлыкъ суугъа батмайды.
Бет бетге къараса, бет да джерге къарар.
Байлыкъ адамны сокъур этер.
Кёл ашады да, кеси ашады.
Айтхан – тынч, этген – къыйын.
Джогъун бар этген, барын бал этген.
Чабакъсыз кёлге къармакъ салгъанлыкъгъа, чабакъ тутмазса.
Аджаллыгъа окъсуз шкок атылыр.
Аман хансны – урлугъу кёб.
Эли джокъну – кёлю джокъ.
Ёгюзню мюйюзлери ауурлукъ этмейдиле.
Атлыны кёрсе, джаяуну буту талыр.
Тюзлюк тас болмайды.
Айтылгъан буйрукъ, сёгюлмез
Адам къаллай бир ишленмесе, аллай бир кесин уллу кёреди.
Байны оноуу, джарлыгъа джарамаз.
Кёрмегеннге кебек – танг, битмегеннге сакъал – танг.
Агъач – джерни чырайы, кийим – эрни чырайы.
Дженгил джетерикме деб, узун джолну къоюб, къысхасын барма.
Ёксюзню тилеги къабыл болур.
Сууда джау джокъ, кёб сёзде магъана джокъ.
Ашын ашагъанынгы, башын да сыйла.
Къайгъыны сюйген, къайгъы табар.
Садакъачыны джаны – къапчыгъында.
Юйюнг бла джау болгъандан эсе, элинг бла джау бол.
Билген билмегенни юретген адетди.
Джигер – джаннга къыйынлыкъ.
Къызбайны юйюне дери сюрсенг, батыр болур.
Ашда уялгъан – мухар, ишде уялгъан – хомух.
Уллу атлама – абынырса, уллу къабма – къарылырса.
Ким бла джюрюсенг, аны кёзю бла кёрюнюрсе.
Тили узунну, намысы – къысха.
Намыс сатылыб алынмайды.
Кирсизни – саны таза, халалны – къаны таза.
Адамны джюреги нени кёрюрге сюйсе, кёзю да аны кёрюрге ёч болады.
Элни кючю – эмеген.
Чомартны къолун джокълукъ байлар.
Мадар болса, къадар болур.
Ата Джуртун танымагъан, атасын да танымаз.
Ач – эснер, ат – кишнер.
