Таула не мийик болсала да, аууш табылыр.
Чалманны аллы къалай башланса, арты да алай барады.
Ёлмесенг да, къарт дамы болмазса?
Къыйынлы джети элни къайгъысын этер.
Шапа кёб болса, аш татымсыз болур.
Адам къыйынлыгъын кёлтюрюр, зауукълугъун кёлтюрмез.
Кёрмегеннге кебек – танг, битмегеннге сакъал – танг.
Ёмюрлюк шохлукъну джел элтмез.
Ач бёрюге мекям джокъ.
Джюрекден джюрекге джол барды.
Биреуню тёрюнден, кесинги эшик артынг игиди.
Джахил болса анасы, не билликди баласы?
Хата – гитчеден.
Адам боллукъ, атламындан белгили болур.
Айтхан – тынч, этген – къыйын.
Тамырсыз терекге таянма – джыгъылырса.
Эртде тургъан бла эртде юйленнген сокъуранмаз.
Намысы джокъну – дуниясы джокъ.
Душманны тышы – акъ, ичи – къара.
Рысхы – сют юсюнде кёмюк кибикди.
Ана кёлю – балада, бала кёлю – талада.
Ана къолу ачытмаз.
Кёзден кетген, кёлден да кетеди.
Келинни – келгинчи, бёркню кийгинчи кёр.
Оюмсуз атлагъан, аджалсыз ёлюр.
Агъач халкъгъа алтынды, иссиликге салкъынды.
Кийимни бичсенг, кенг бич, тар этген къыйын тюлдю.
Аджаллыгъа окъсуз шкок атылыр.
Акъыллы башны – тили къысха.
Чакъырылгъанны аты, чакъырылмагъанны багъасы болур.
Этек чакъмакълары баш джаргъан, сёлешген сёзлери таш джаргъан.
Аманны эки битли тону болур, бирин сеннге кийдирир, бирин кеси киер.
Ауузу бла къуш тута айланады.
Тёгюлген тюгел джыйылмайды.
Ёзденликни джайгъан – джокълукъ.
Эм ашхы къайын ана мамукъ бла башынгы тешер.
Ёгюзню мюйюзюнден тутадыла, адамны сёзюнден тутадыла.
Ётюрюкню башын керти кесер.
Кимни – тили, тиши онглу, кимни – къолу, иши онглу.
Билимли ёлмез, билимсиз кёрмез.
Къозулугъунда тоймагъан, къойлугъунда тоймаз.
Аман киши кеси юйюнде – къонакъ.
Къартха ушагъан джаш – акъыллы, джашха ушагъан къарт – тели.
Къарнынг тойгъунчу аша да, белинг талгъынчы ишле.
Таугъа чыгъаллыкъ эсенг, тюзде къалма.
Байма, деб да, къууанма, джарлыма, деб да, джылама.
Гугурук къычырмаса да, тангны атары къалмаз.
Бозаны арты дауур болур.
Ёгюзню мюйюзлери ауурлукъ этмейдиле.
Рысхы – насыбха къор.
