Хата – гитчеден.
Сёз – кюмюш, джыр – алтын.
Хунаны тюбюн къазсанг, юсюнге ауар.
Иги бла джюрюсенг, джетерсе муратынга, аман бла джюрюсенг, къалырса уятха.
Акъыллы эркиши атын махтар, акъылсыз эркиши къатынын махтар.
Къайгъы тюбю – тенгиз.
Къартха ушагъан джаш – акъыллы, джашха ушагъан къарт – тели.
Адам къаллай бир ишленмесе, аллай бир кесин уллу кёреди.
Къаллай салам берсенг, аллай джууаб алырса.
Арыгъан къош чамчы болур.
Аман къатын алгъан, арыр, иги къатын алгъан джарыр.
Шайтан алдады, тюзлюк къаргъады.
Джашлыкъ этмеген, башлыкъ этмез.
Къонакъ хазыр болгъанлыкъгъа, къонакъбай хазыр тюлдю.
Ач къарным, тынч къулагъым.
Адебсиз адам – джюгенсиз ат.
Сабий болмагъан джерде, мёлек болмаз.
Арба аугъандан сора, джол кёргюзтюучю кёб болур.
Къартны сыйын кёрмеген, къартлыгъында сыйлы болмаз.
Ат басханны джер билед.
Хазыр ашха – терен къашыкъ.
Эркишини аманы тиширыуну джылатыр.
Ач, тоймам, дейди, тойгъан, ач болмам, дейди.
Чыбыкълыкъда бюгюлмеген, къазыкълыкъда бюгюлмей эди.
Атлыны ашхысы, ат тизгининден билинир
Бети бедерден, намыс сакълама.
Тойгъан джерге джети къайт.
Джарлы джети элни сёзюн этер.
Чакъырылмагъан къонакъ къачан кетерин сормаз.
Къызгъанчдан ычхыныр, мухардан ычхынмаз.
Иги болса, тамадама – махтау, аман болса, меннге – айыб.
Джуртун къоругъан озар.
Таула не мийик болсала да, аууш табылыр.
Джетген къыз джерли эшекни танымаз.
Ётюрюкню къуйругъу – бир тутум.
Ишленмеген джаш – джюгенсиз ат, ишленмеген къыз – тузсуз хант.
Уллу сёлешме да, уллу къаб.
Эски джаугъа ышанма.
Кечеси – аяз, кюню – къыш, джарлы къаргъагъа бир аш тюш!
Халкъгъа джарагъан, джарлы къалмаз.
Джарлыны эшигин махтагъан джабар.
Къарт айтханны этмеген, къартаймаз.
Нафысынгы айтханын этме, намысынгы айтханын эт.
Ариу сёз аурууунгу алыр.
Билим насыб берир, билим джолну керир.
Билими азны – ауузунда кирит.
Ёксюзню къалачы уллу кёрюнюр.
Билгенни къолу къарны джандырыр.
Ханы къызы буюгъа-буюгъа киштик болду.
Ишлегенден, къарагъан уста.
