Эркишини аманы тиширыуну джылатыр.
Аджашханны ызындагъы кёреди, джангылгъанны джанындагъы биледи.
Джюрекге ариу – кёзге да ариу.
Эринчекни эр алмаз, эр алса да, кёл салмаз, кёл салса да, кёб бармаз!
Хатерли къул болур.
Ёлген ийнек сютлю болур.
Аман адамны тепсинге олтуртсанг, къызынгы тилер.
Къонагъы джокъну – шоху джокъ.
Игиге айтсанг – билир, аманнга айтсанг – кюлюр.
Байлыкъ адамны сокъур этер.
Эрине къаргъыш этген къатын, эрнин къабар.
Атлыны ашхысы, ат тизгининден билинир
Кирсизни – саны таза, халалны – къаны таза.
Ашатыргъа иш – ашхы, ишлетирге аш – ашхы.
Бюгюн дуния кибик, тамбла ахыратды.
Хазыр ашха – терен къашыкъ.
Билимсиз иш бармаз.
Окъугъан – асыу, окъумагъан – джарсыу.
Адамны сыфатына къарама, сёзюне къара.
Чабакъсыз кёлге къармакъ салгъанлыкъгъа, чабакъ тутмазса.
Аман адам элни бир-бирине джау этер.
Биреуге аманлыкъ этиб, кесинге игилик табмазса.
Эшекге миннген – биринчи айыб, андан джыгъылгъан – экинчи айыб.
Эртде тургъан джылкъычыны эркек аты тай табар.
Байлыкъ келсе, акъыл кетер.
Дженгил джетерикме деб, узун джолну къоюб, къысхасын барма.
Халкъгъа джарагъан, джарлы къалмаз.
Тилсиз миллет джокъ болур.
Къызны минг тилер, бир алыр.
Джарашыу сюйген – джалынчакъ.
Айранын берсенг, челегин да къызгъанма.
Кийимни бир кюнню аясанг, минг кюннге джарар.
Кёбден умут этиб, аздан къуру къалма.
Керек ташны ауурлугъу джокъ.
Аджашхан тёгерек айланыр.
Къуллукъчума, деб махтанма, къуллукъ – хаух джамчыды!
Булут кёкге джарашыу, уят бетге джарашыу.
Тойгъан антын унутур.
Къазанны башы ачыкъ болса, итге уят керекди.
Адамны адамлыгъы къыйынлыкъда айгъакъланады.
Ата джурт – алтын бешик.
Билим – акъылны чырагъы.
Олтуруб кёрюнмей эди да, ёрге туруб кёрюне эди.
Этек чакъмакълары баш джаргъан, сёлешген сёзлери таш джаргъан.
Джырына кёре эжиую.
Намыс болмагъан джерде, насыб болмаз.
Чакъырылгъанны аты, чакъырылмагъанны багъасы болур.
Джылыгъа джылан илешир.
Акъыл неден да кючлюдю.
Соргъан айыб тюлдю, билмеген айыбды.
