Акъыл неден да кючлюдю.
Окъумагъан сокъурду, сокъур ташха абыныр!
Тили узунну, намысы – къысха.
Мадар болса, къадар болур.
Джарлыны эшигин махтагъан джабар.
Ёгюзню мюйюзюнден тутадыла, адамны сёзюнден тутадыла.
Адеб этмеген, адеб кёрмез.
Тау башында, тау болмаз, джангыз терек, бау болмаз.
Аман адам этегингден тутса, кес да къач.
Аякъларынгы джууургъанынга кёре узат.
Борчунг бар эсе, хурджунунга ойлаб узал.
Ётюрюкню къуйругъу – бир тутум.
Ёнгкюч къууана барыр, джылай келир.
Айырылмаз джууугъунга, унутмаз сёзню айтма.
Окъдан джара эртде-кеч болса да бителир, сёз джара, ёмюрге къалыр.
Таугъа чыгъаллыкъ эсенг, тюзде къалма.
Алгъанда – джууукъ, бергенде – джау.
Гитче джилтин уллу элни джандырыр.
Джюрек кёзден алгъа кёрюр.
Къазанда болса, чолпугъа чыгъар.
Бети къызарыучу адамны, джюреги харам болмаз.
Соргъан айыб тюлдю, билмеген айыбды.
Хаухну атма, ёнгкючню сатма.
Тенгинг джокъ эсе – изле, бар эсе – сакъла!
Зар адам ашынгы ашар, кесинги сатар.
Алма терегинден кери кетмез.
Миллетни бойну – базыкъ, аны бла кюрешген – джазыкъ.
Къонагъы джокъну – шоху джокъ.
Эркиши – от, тиширыу – суу.
Кеси юйюмде мен да ханма.
Ач – эснер, ат – кишнер.
Бетинги сатма, малынгы сат.
Аджашханны ызындагъы кёреди, джангылгъанны джанындагъы биледи.
Бюгюн дуния кибик, тамбла ахыратды.
Кимни – тили, тиши онглу, кимни – къолу, иши онглу.
Урама да – ёледи, сатама да – келеди.
Къазанчы аман болса, къазаны къайнамаз.
Айыбны суу бла джууалмазса.
Къонакъ аман болса, къонакъбай джунчур
Тюз сёз баргъан сууну тыяр.
Бёрю да ач къалмасын, эчки да ашалмасын.
Таукел адам тау тешер.
Керилген да, ургъан кибикди.
Ашхылыкъ джерде джатмайды, аманлыкъ суугъа батмайды.
Баланы адам этген анады.
Намыс болмагъан джерде, насыб болмаз.
Сёз садакъдан кючлюдю.
Ёлмесенг да, къарт дамы болмазса?
Билмейме деген – бир сёз
Байлыкъдан саулукъ ашхыды.
