Кютгени беш эчки, сызгъыргъаны уа, джерни джарады.
Термилгенинги табмазса, кюлгенинге тюберсе.
Къайгъыны сюйген, къайгъы табар.
Къартны бурнун сюрт да, оноугъа тут.
Аман хансны – урлугъу кёб.
Акъдан къара болмаз.
Таукел къуру къалмаз.
Джогъун бар этген, барын бал этген.
Иги джашны ышаны – аз сёлешиб, кёб тынгылар.
Сескекли кесин билдирир.
Керилген да, ургъан кибикди.
Ашхы болсанг, атынг чыгъар, аман болсанг, джанынг чыгъар.
Акъыл аздырмаз, билим тоздурмаз.
Кёл – къызбай, къол – батыр.
Тилсиз миллет джокъ болур.
Адамны сыфатына къарама, сёзюне къара.
Миллетни бойну – базыкъ, аны бла кюрешген – джазыкъ.
Кёзден кетген, кёлден да кетеди.
Биреуню тёрюнден, кесинги эшик артынг игиди.
Таула не мийик болсала да, аууш табылыр.
Байны оноуу, джарлыгъа джарамаз.
Къыйынлы джети элни къайгъысын этер.
Иги болса, тамадама – махтау, аман болса, меннге – айыб.
Кирсизни – саны таза, халалны – къаны таза.
Бек анасы джыламаз.
Накъырданы арты керти болур.
Къонагъынгы артмагъын алма да, алгъышын ал.
Кёбню кёрген – кёб билир.
Джеринден айырылгъан – джети джылар, джуртундан айырылгъан – ёлгюнчю джылар.
Аджашханны ызындагъы кёреди, джангылгъанны джанындагъы биледи.
Байлыкъдан саулукъ ашхыды.
Ёпкелегенни ашы татлы болады.
Джюрекге ариу – кёзге да ариу.
Сёз садакъдан кючлюдю.
Таукелге нюр джауар.
Ётюрюкню къуйругъу – бир тутум.
Юре билмеген ит, къонакъ келтирир.
Биреуге кёлтюрген таягъынг, кесинги башынга урур.
Битмегеннге сакъал – танг.
Акъыл бла адеб эгизледиле.
Окъуусуз билим – джокъ, билимсиз кюнюнг – джокъ.
Тил бла келеди джыр да.
Адам сёзюнден белгили.
Къоркъакъны кёзю экили кёрюр.
Гугурук къычырмаса да, тангны атары къалмаз.
Ышармагъан – кюлмез, кюлмеген – къууанчны билмез.
Ичимден чыкъды хата, къайры барайым сата?
Ушамагъан – джукъмаз.
Арба аугъандан сора, джол кёргюзтюучю кёб болур.
Садакъачыны джаны – къапчыгъында.
