Аллахха ийнаннган кишини, Аллах онгдурур ишин.
Билеги кючлю, бирни джыгъар, билими кючлю, мингни джыгъар.
Айныгъанлы алты кюн, тогъайгъанлы тогъуз кюн.
Сабий болмагъан джерде, мёлек болмаз.
Сакъалы текени да бар, мыйыгъы киштикни да бар.
Хунаны тюбюн къазсанг, юсюнге ауар.
Биреу къой излей, биреу той излей.
Ёлмесенг да, къарт дамы болмазса?
Мухарны эси – ашарыкъда.
Къалгъан ишге къар джауар.
Эшекге миннген – биринчи айыб, андан джыгъылгъан – экинчи айыб.
Къарнынг ауруса, ауузунгу тый
Билгенни къолу къарны джандырыр.
Чакъырылмагъан къонакъ къачан кетерин сормаз.
Кёб джашагъан – кёб билир.
Иги – алгъыш этер, аман – къаргъыш этер.
Азыкъ аз болса, эртде орун сал.
Акъыл сабырлыкъ берир.
Сакъ юйюне сау барыр.
Кесинг сынамагъан затны, адамгъа буюрма.
Кёбден умут этиб, аздан къуру къалма.
Уруну арты – къуру.
Келлик заман – къартлыкъ келтирир, кетген заман – джашлыкъ ёлтюрюр.
Тай асырагъан, атха минер.
Ёмюрлюк шохлукъну джел элтмез.
Босагъа таш юйге кирмей эди, тыбыр таш эшикге чыкъмай эди.
Кёб ант этген, кёб ётюрюк айтыр.
Къатын байлыкъны сюер, эр саулукъну сюер.
Уллу атлама – абынырса, уллу къабма – къарылырса.
Ат басханны джер билед.
Ёгюзню мюйюзюнден тутадыла, адамны сёзюнден тутадыла.
Ана къолу ачытмаз.
Иши джокъну, сыйы джокъ.
Кийиминг бла танылма, адамлыкъ бла таныл.
Тюзлюк шохлукъну бегитир.
Шайтан алдады, тюзлюк къаргъады.
Джырына кёре эжиую.
Таукел къуру къалмаз.
Абынмазлыкъ аякъ джокъ, джангылмазлыкъ джаякъ джокъ.
Ачлыкъда тары гырджын халыуадан татлы.
Айтылгъан сёз ызына къайтмаз.
Джумушакъ терекни къурт ашар.
Эки ойлашыб, бир сёлешген.
Эм уллу байлыкъ – джан саулукъ.
«Ёгюз, джаргъа джууукъ барма, меннге джюк боллукъса», - дегенди эшек.
Эм ашхы къайын ана мамукъ бла башынгы тешер.
Аш хазыр болса, иш харам болур.
Кёл – къызбай, къол – батыр.
Ишлемеген – тишлемез.
Хар зат кесини орнуна иги.
