Бети къызарыучу адамны, джюреги харам болмаз.
Къазанны башы ачыкъ болса, итге уят керекди.
Акъыл бла адеб эгизледиле.
Аз сёлеш, кёб ишле.
От кюйдюрген, сау болса да, тот кюйдюрген, сау болмаз.
Аууз сакълагъан – джан сакълар.
Сескекли кесин билдирир.
Мал кёб болса, джууукъ кёб болур.
Чарсда алчыны эл кёреди.
Ёлмесенг да, къарт дамы болмазса?
Кийиминг бла танылма, адамлыкъ бла таныл.
Гугук кесини атын айтыб къычыргъанча, мен, мен деб нек тураса?
Ач къалгъандан, кеч къалгъан къолай.
Джолунга кёре – джюрюшюнг, джагъанга кёре – юлюшюнг.
Адамны сабийин сюйген джюреги, бычакъча, джитиди.
Окъуу – билимни ачхычы, окъуу – дунияны бачхычы.
Джылар джаш, атасыны сакъалы бла ойнар.
Тил – миллетни джаны.
Айранын берсенг, челегин да къызгъанма.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ач – эснер, ат – кишнер.
Адеб джокъда, намыс джокъ.
Кёкдеги болмаса, джердегин кёрмейди.
Артына баргъанны, къатына барма.
Билимсиз иш бармаз.
Джаханимни кёрмей, джандетге кёл салмазса.
Эркишини аманы тиширыуну джылатыр.
Ач бёрюге мекям джокъ.
Босагъа таш юйге кирмей эди, тыбыр таш эшикге чыкъмай эди.
Аман киши кеси юйюнде – къонакъ.
Адам къыйынлыгъын кёлтюрюр, зауукълугъун кёлтюрмез.
Джиби бир къат джетмей эди да, эки къат тарта эди.
Чомартха хар кюн да байрамды.
Бети – къучакълар, джюреги – бычакълар.
Джарлы эскисин джамаса, къууаныр.
Билим къая тешер.
Айтылгъан сёз ызына къайтмаз.
Ашыкъгъан cуу, тенгизге джетмез.
Ашын ашагъанынгы, башын да сыйла.
Чомартха Тейри да борчлуду.
Къызын тута билмеген, тул этер, джашын тута билмеген, къул этер.
Иги сеники эсе да, сюйген кесимикин этеме.
Намыс сатылыб алынмайды.
Аджалсыз ёлюм болмаз.
Хунаны тюбюн къазсанг, юсюнге ауар.
Мал тутхан – май джалар.
Байны оноуу, джарлыгъа джарамаз.
Ариу сёзде ауруу джокъ.
Чоюнну башы ачыкъ болса, итге уят керекди.
Тойчу джашха къарама, къойчу джашха къара.
