Чакъырылмагъан къонакъ – орунсуз.
Чабакъ башындан чирийди.
Агъач халкъгъа алтынды, иссиликге салкъынды.
Айранны сюйген, ийнек тутар.
Ёлюр джаннга, ёкюл джокъ.
Ашхы болсанг, атынг чыгъар, аман болсанг, джанынг чыгъар.
Нарт сёз къарт болмаз.
Уллу къашыкъ эрин джыртар.
Накъырда – кертини келечиси.
Баргъанынга кёре болур келгенинг.
Терслик кетер, тюзлюк джетер.
Джаханимни кёрмей, джандетге кёл салмазса.
Туз, гырджын аша, тюзлюк бла джаша.
Тил бла келеди джыр да.
Билеги кючлю, бирни джыгъар, билими кючлю, мингни джыгъар.
Экеу тутушса, биреу джыгъылыр.
Дууулдаса – бал чибин, къонса – къара чибин.
Къуру гыбыт бек дыгъырдар.
От этилмеген джерден тютюн чыкъмайды.
Атынг аманнга чыкъгъандан эсе, джанынг тамагъынгдан чыкъсын.
Аманны эки битли тону болур, бирин сеннге кийдирир, бирин кеси киер.
Къарнынг бла ёч алма.
Ауурну тюбю бла, дженгилни башы бла джюрюген.
Адам боллукъ, атламындан белгили болур.
Акъыл неден да кючлюдю.
Суу кетер, таш къалыр.
Джети тилни билген джети кишиди.
Адеб джокъда, намыс джокъ.
Къыйынлы джети элге оноу этер.
Ач къарным, тынч къулагъым.
Эл ауузу – элия.
Джашда акъыл джокъ, къартда къарыу джокъ.
Джол бла сёзню къыйыры джокъ.
Тюзню ётмеги тюзде къалса да, тас болмаз.
Чакъырылмагъан джерге барма, чакъырылгъан джерден къалма.
Мен да «сен», дейме, сен да «кесим», дейсе.
Ауругъаннга – кийик саулукъ, джетген къызгъа – чилле джаулукъ.
Уллу суу бла уллу ауруудан башынгы сакъла.
Тюзлюк тас болмайды.
Мал кёб болса, джууукъ кёб болур.
Миллетни бойну – базыкъ, аны бла кюрешген – джазыкъ.
Гырджын – тепсини тамадасы.
Биреуге кёлтюрген таягъынг, кесинги башынга урур.
Къыз тиширыу кеси юйюнде да къонакъды.
Оюмсуз атлагъан, аджалсыз ёлюр.
Бал – татлы, балдан да бала – татлы.
Сабийликде юретмесенг, уллу болса – тюзелмез.
Чабакъсыз кёлге къармакъ салгъанлыкъгъа, чабакъ тутмазса.
Ариу сёз аурууунгу алыр.
Байлыкъ адамны сокъур этер.
