Аш иеси бла татлыды.
Тёрдеги кюлсе, эшикдеги ышарыр.
Ётюрюк хапар аякъ тюбю бла джюрюйдю.
Джеринден айырылгъан – джети джылар, джуртундан айырылгъан – ёлгюнчю джылар.
Ашхы атаны – джашы ашхы, ашхы ананы – къызы ашхы.
Арпа, будай – ащды, алтын, кюмюш а – ташды.
Атлыны кёрсе, джаяуну буту талыр.
Тели турса – той бузар.
Намыс болмагъан джерде, насыб болмаз.
Сакъалы текени да бар, мыйыгъы киштикни да бар.
Байма, деб да, къууанма, джарлыма, деб да, джылама.
Айтылгъан сёз ызына къайтмаз.
Зарда марда джокъ.
Аш хазыр болса, иш харам болур.
Миллетни бойну – базыкъ, аны бла кюрешген – джазыкъ.
Къоркъакъны кёзю экили кёрюр.
Тойгъан джерден туугъан джер игиди.
Игилик игилик бла сингдирилиучю затды.
Агъач халкъгъа алтынды, иссиликге салкъынды.
Тура эдим джата, къайдан чыкъды хата?
Ойнаб айтсанг да, эслеб айт.
Окъуусуз билим – джокъ, билимсиз кюнюнг – джокъ.
Ариу джол аджал келтирмез.
Ашхы адам – халкъ байлыгъы, ашхы джер – джашау байлыгъы.
Акъыллы айтыр эди, акъылсыз къоймайды.
Иесиз малны бёрю ашар.
Ётюрюкден тюбю джокъ, кёлтюрюрге джиби джокъ.
Къарнынг ауруса, ауузунгу тый
Суугъа – чабакъ, къаягъа – ыргъакъ.
Харам къарнашдан, халал тенг ашхы.
Кирсизни – саны таза, халалны – къаны таза.
Ишге юренсин къоллары, халкъ бла болсун джоллары.
Къызын тута билмеген, тул этер, джашын тута билмеген, къул этер.
Окъ къызбайны джокълайды.
Окъумагъан сокъурду, сокъур ташха абыныр!
Бичгенде ашыкъма, тикгенде ашыкъ.
Бет бетге къараса, бет да джерге къарар.
Джарлы тюеге минсе да, ит къабар.
Айырылгъанланы айю ашар, бёлюннгенлени бёрю ашар.
Тынгылагъан тынгы бузар.
Акъыллы – эл иеси, тели – эл баласы.
Насыблы элин сюер, насыбсыз кесин сюер.
Джан саулукъ бермей, сан саулукъ бермезсе.
Халкъны джырын джырласанг, халкъ санга эжиу этер.
Ата – баланы уясы.
Тюз сёз баргъан сууну тыяр.
Махтаннган къыз, тойда джукълар.
Эринчекни аурууу – кёб.
Таякъ этден ётер, тил сюекден ётер.
Ач – эснер, ат – кишнер.
