Тенги кёбню джау алмаз, акъылы кёбню дау алмаз.
Чакъырылмагъан джерге барма, чакъырылгъан джерден къалма.
Ашыкъгъанны этеги бутуна чырмалыр.
Акъыллы башны – тили къысха.
Тешигини къатында, чычхан да батыр болур.
Тик ёргени, тик энгишгеси да болады.
Джарлы эскисин джамаса, къууаныр.
Сютню башын джалагъан къутулур, тюбюн ичген тутулур.
Чабакъ башындан чирийди.
Чабар ат – джетген къыз.
Джыйырма къойну юч джыйырма эбзе кюте эди.
Термилгенинги табмазса, кюлгенинге тюберсе.
Къыз тиширыу кеси юйюнде да къонакъды.
Къыз келсе, джумуш эте келеди, къатын келсе, ушакъ эте келеди.
Гитче джилтин уллу элни джандырыр.
Ашхы атаны – джашы ашхы, ашхы ананы – къызы ашхы.
Джаз бир кюнню джатсанг, къыш талай кюнню абынырса.
Тура эдим джата, къайдан чыкъды хата?
Халкъны джырын джырласанг, халкъ санга эжиу этер.
Хазыр ашха – терен къашыкъ.
Тенгни тенглиги джашай барсанг билинир.
Уллу суу бла уллу ауруудан башынгы сакъла.
Кёб джат да, бек чаб.
Кеси юйюмде мен да ханма.
Аман къатын сабий табса, бий болур…
Ёлген ийнек сютлю болур.
Кёл – къызбай, къол – батыр.
Билим ат болуб да чабар, къуш болуб да учар.
Ёксюзню тилеги къабыл болур.
Къыз чыгъаргъан – къызыл къымжа.
Адамны адамлыгъы къыйынлыкъда айгъакъланады.
Адеб джокъда, намыс джокъ.
Айранны сюйген, ийнек тутар.
Ойнаб айтсанг да, эслеб айт.
Джаш болсун, къыз болсун, акъылы, саны тюз болсун.
Ана къойну – балагъа джандет.
Таукел адам тау тешер.
Къайгъыны сюйген, къайгъы табар.
Зарда марда джокъ.
Джарлы тюеге минсе да, ит къабар.
Орундукъ тюбюнде атылсам да, орта джиликме, де да айлан.
Билмегенинги, билгеннге сор.
Намысы болмагъанны, сыйы болмаз.
Аманнга да, игиге да оноусуз къатышма.
Биреуню къыйынлыгъы бла кесинге джол ишлеме.
Минг тенг да азды, бир джау да кёбдю.
Телини эшигин, махтау джабар.
Чакъырылмай келген къонакъ сыйланмай кетер.
Сютден ауузу кюйген, суугъа юфгюре эди.
Баргъанынга кёре болур келгенинг.
