Къарнынг къанлынга кийирир.
Окъ къызбайны джокълайды.
Ауругъаннга – кийик саулукъ, джетген къызгъа – чилле джаулукъ.
Башы ишлегенни, ауузу да ишлер.
Тил – кесген бычакъ, сёз – атылгъан окъ.
Ёксюзню къалачы уллу кёрюнюр.
Чомарт къолда мал къалмаз.
Ачны эсинде – аш.
Аманны тукъумуна къарама, игини тукъумун сорма.
Нарт сёз – тилни бети.
Кийим тукъум сордурур.
Тюзню ётмеги тюзде къалса да, тас болмаз.
Ишни аллы бла къууанма да, арты бла къууан.
Эл тойса, тоймагъан, эл къойса, къоймагъан.
Ана къойну – балагъа джандет.
Аджалсыз ёлюм болмаз.
Юре билмеген ит, къонакъ келтирир.
Таула не мийик болсала да, аууш табылыр.
Эрине къаргъыш этген къатын, эрнин къабар.
Юреннген ауруу къалмаз.
Этни бети бла шорпасы.
Экеулен сёлеше тура эселе, орталарына барыб кирме.
Кёб къычыргъандан – къоркъма, тынч олтургъандан – къоркъ.
Аууз сакълагъан – джан сакълар.
Кирсизни – саны таза, халалны – къаны таза.
Къыз тиширыу кеси юйюнде да къонакъды.
Джахил болса анасы, не билликди баласы?
Айырылмаз джууугъунга, унутмаз сёзню айтма.
Чоюнну башы ачыкъ болса, итге уят керекди.
Къарнынг ауруса, ауузунгу тый
Ат да турмайды бир териде.
Сескекли кесин билдирир.
Джауумдан сора, кюн кюйдюрюр, ётюрюкден сора, айыб кюйдюрюр.
Къарт бла баш аша, джаш бла аякъ аша.
Кёб ант этген, кёб ётюрюк айтыр.
Сакъ юйюне сау барыр.
Узун джолну барсанг, бюгюн келирсе, къысха джолну барсанг, тамбла келирсе.
Адам къаллай бир ишленмесе, аллай бир кесин уллу кёреди.
Эте билген, этген этеди, эте билмеген, юретген этеди!
Аман эсирсе, юйюн ояр.
Накъырданы арты керти болур.
Тик ёргени, тик энгишгеси да болады.
Иги сёз – джаннга азыкъ, аман сёз башха – къазыкъ.
Эр сокъур болсун, къатын тилсиз болсун.
Ёлген аслан – сау чычхан.
Аман адам этегингден тутса, кес да къач.
Окъугъан – асыу, окъумагъан – джарсыу.
Адам туугъан джеринде, ит тойгъан джеринде.
Тенгинг джокъ эсе – изле, бар эсе – сакъла!
Ёлген ийнек сютлю болур.
