Сабий болмагъан джерде, мёлек болмаз.
Джогъун бар этген, барын бал этген.
Миллетни бойну – базыкъ, аны бла кюрешген – джазыкъ.
Эри аманны, къатыны – аман.
Джангыз торгъай джырламаз.
Тиширыусуз юй – отсуз от джагъа.
Ойнай билмеген, уруб къачар.
Алгъанда – джууукъ, бергенде – джау.
Кёзюнде тереги болгъан, чёбю болгъаннга кюле эди.
Ач бёрюге мекям джокъ.
Биреу ашаб къутулур, биреу джалаб тутулур.
Этни бети бла шорпасы.
Ишлегенде эринме, ишде чолакъ кёрюнме.
Иши джокъну, сыйы джокъ.
Мухардан ач ычхынмаз.
Тил – миллетни джаны.
Бал чибинни ургъаны – ачы, балы – татлы.
Бёрю да ач къалмасын, эчки да ашалмасын.
Башда акъыл болмаса, эки аякъгъа кюч джетер.
Кёб къычыргъандан – къоркъма, тынч олтургъандан – къоркъ.
Ашарыкъда сайлагъаннга – чий гырджын.
Мал кёб болса, джууукъ кёб болур.
Юйюнг бла джау болгъандан эсе, элинг бла джау бол.
Гырджын – тепсини тамадасы.
Ашда – бёрю, ишде – ёлю.
Чабакъсыз кёлге къармакъ салгъанлыкъгъа, чабакъ тутмазса.
Адам бла мюлк юлешмеген эсенг, ол адамны билиб бошагъанма, деб кесинги алдама.
Билимли ёлмез, билимсиз кёрмез.
Байны оноуу, джарлыгъа джарамаз.
Соргъан айыб тюлдю, билмеген айыбды.
Къыз тиширыу кеси юйюнде да къонакъды.
Ёпкелегенни ашы татлы болады.
Тойгъан антын унутур.
Айраннга суу къош, телиге джол бош.
Ёгюзню мюйюзюнден тутадыла, адамны сёзюнден тутадыла.
Арыгъан къош чамчы болур.
Тёзген – тёш ашар!
Иги сеники эсе да, сюйген кесимикин этеме.
Ёлюр джаннга, ёкюл джокъ.
Танг атмайма десе да, кюн къоярыкъ тюйюлдю.
Ата джурт – алтын бешик.
Бал ашаргъа сюе эсенг, чибин ургъаннга тёз.
Джаханимни кёрмей, джандетге кёл салмазса.
Кёпюр салгъан кеси ётер, уру къазгъан кеси кетер.
Байдан умут эте, джарлыдан ёгюз багъасы къорады.
Зарда марда джокъ.
Къонакъ кёб келюучю юйню, къазаны отдан тюшмез.
Джерни букъусу кёкге къонмаз.
Къонакъ болсанг, ийнакъ бол.
Айыбны суу бла джууалмазса.
