Адамны джюреги нени кёрюрге сюйсе, кёзю да аны кёрюрге ёч болады.
Ачыу алгъа келсе, акъыл артха къалады.
Юйлю уругъа ит чабмаз.
Къууут – джелге, берне – бошха.
Биреуню тёрюнден, кесинги эшик артынг игиди.
Садакъачыны джаны – къапчыгъында.
Тилсиз миллет джокъ болур.
Эрине къаргъыш этген къатын, эрнин къабар.
Къайгъыны сюйген, къайгъы табар.
Къызбайны юйюне дери сюрсенг, батыр болур.
Уллу суу бла уллу ауруудан башынгы сакъла.
Ачыкъ джюрекге джол – ачыкъ.
Ёмюрлюк шохлукъну джел элтмез.
Азыкълы ат арымаз, къатыны аман джарымаз.
Ата – билек, ана – джюрек!
Чакъырылмагъан къонакъ къачан кетерин сормаз.
Кёл ашады да, кеси ашады.
Тилчиден кери бол.
Башы джабылгъан челекге, кир тюшмез.
Кёб къычыргъандан – къоркъма, тынч олтургъандан – къоркъ.
Ач, тоймам, дейди, тойгъан, ач болмам, дейди.
Аманны къуугъан, аманлыкъ табар.
Эрни эр этерик да, къара джер этерик да, тиширыуду.
Ашлыкъ – бюртюкден, джюн – тюкден.
Айтхан – тынч, этген – къыйын.
Ашыкъгъан cуу, тенгизге джетмез.
Aдам боллукъ, сыфатындан белгили.
Ач уят къоймаз.
Окъ къызбайны джокълайды.
Игини сыйлагъан адетди.
Аз сёлешген, къайгъысыз турур.
Тойгъан джерден туугъан джер игиди.
Джерни букъусу кёкге къонмаз.
Акъыл аздырмаз, билим тоздурмаз.
Бал ашаргъа сюе эсенг, чибин ургъаннга тёз.
Тойгъа барсанг, тоюб бар, эски тонунгу къоюб бар.
Ауругъанны сау билмез, ач къарынны токъ билмез.
Этим кетсе да, сюегим къалыр.
Уллу къашыкъ эрин джыртар.
Бек ашыкъгъан меннге джетсин, дегенди аракъы.
Бет бетге къараса, бет да джерге къарар.
Джаным-тиним – окъуу, билим.
Кийим тукъум сордурур.
Уллу айтханны этмеген – уллаймаз.
Эл ауузу – элек, анга ийнаннган – халек.
Ёлген ийнек сютлю болур.
Шайтан алдады, тюзлюк къаргъады.
Эки къатын алгъанны къулагъы тынгнгаймаз.
Тюз сёз баргъан сууну тыяр.
Аман эсирсе, юйюн ояр.
