Сёз къанатсыз учар.
Этек чакъмакълары баш джаргъан, сёлешген сёзлери таш джаргъан.
Тил джюрекге джол ишлейди.
Джюрекге ариу – кёзге да ариу.
Эрни эр этерик да, къара джер этерик да, тиширыуду.
Арба аугъандан сора, джол кёргюзтюучю кёб болур.
Ёгюзню мюйюзлери ауурлукъ этмейдиле.
Акъыл бла адеб эгизледиле.
Аманны къуугъан, аманлыкъ табар.
Адам къаллай бир ишленмесе, аллай бир кесин уллу кёреди.
Таш ата билмеген, башына урур.
Аман къатын алгъан, арыр, иги къатын алгъан джарыр.
Ашхы болсанг, атынг чыгъар, аман болсанг, джанынг чыгъар.
Къралынгы – душмандан, башынгы от бла суудан сакъла.
Билген билмегенни юретген адетди.
От этилмеген джерден тютюн чыкъмайды.
Махтаннган къыз, тойда джукълар.
Бичгенде ашыкъма, тикгенде ашыкъ.
Тойгъан джерге джети къайт.
Тюзлюк тас болмайды.
Кийиминг бла танылма, адамлыкъ бла таныл.
Керилген да, ургъан кибикди.
Таякъ этден ётер, тил сюекден ётер.
Билмезни кёзю кёрмез, этмезни къулагъы эшитмез.
Ханнга да келеди хариблик.
Юй ишлеген балта эшикде къалыр.
Баланы адам этген анады.
Ашыкъгъан cуу, тенгизге джетмез.
Уллу сёлешме да, уллу къаб.
Къонакъ болсанг, ийнакъ бол.
Экиндини кеч къылсанг, чабыб джетер ашхам.
Келлик заман – къартлыкъ келтирир, кетген заман – джашлыкъ ёлтюрюр.
Иги адамны бир сёзю эки болмаз.
Орну джокъну – сыйы джокъ.
Бюгюн дуния кибик, тамбла ахыратды.
Бетинги сатма, малынгы сат.
Алма терегинден кери кетмез.
Къарнынг тойгъунчу аша да, белинг талгъынчы ишле.
Джаш къарыу бла кючлю, къарт акъыл бла кючлю.
Арбаз сайлама да, хоншу сайла.
Кесинге джетмегенни, кёб сёлешме.
Тенгни тенглиги джашай барсанг билинир.
Арпа, будай – ащды, алтын, кюмюш а – ташды.
Сакъалы текени да бар, мыйыгъы киштикни да бар.
Ашхы атаны – джашы ашхы, ашхы ананы – къызы ашхы.
Джарлы джети элни сёзюн этер.
Суугъа – таянма, джаугъа – ийнанма.
Адамны бетине къарама, адетине къара.
Халкъгъа джарагъан, джарлы къалмаз.
Джогъун бар этген, барын бал этген.
