Уллу атлама – абынырса, уллу къабма – къарылырса.
Къая джолда джортма, ачыкъ сёзден къоркъма.
Керти сёзге тёре джокъ.
Айранын берсенг, челегин да къызгъанма.
Нёгерсизни джолу узун.
Кеси юйюмде мен да ханма.
Эртде тургъан бла эртде юйленнген сокъуранмаз.
Таукел тауну аудурур.
Хар зат кесини орнуна иги.
Къаллай салам берсенг, аллай джууаб алырса.
Джан саулукъ бермей, сан саулукъ бермезсе.
Намыс болмагъан джерде, насыб болмаз.
Кесинг сынамагъан затны, адамгъа буюрма.
Махтаннган къыз, тойда джукълар.
Намыс сатылыб алынмайды.
Айранны сюйген, ийнек тутар.
Элни кючю – эмеген.
Ургъан суудан башынгы сакъла.
Туз, гырджын аша, тюзлюк бла джаша.
Эшекни не къадар тюйсенг да, ат болмаз.
Ашда уялгъан – мухар, ишде уялгъан – хомух.
Чомарт къонакъ юй иесин сыйлар.
Адамгъа аман кюн соруб келмейди.
Эр сокъур болсун, къатын тилсиз болсун.
Джыгъылгъанны сырты джерден тоймаз.
Олтуруб кёрюнмей эди да, ёрге туруб кёрюне эди.
Ач къарынны, токъ билмез
Атлыны ашхысы, ат тизгининден билинир
Ёлген аслан – сау чычхан.
Тойгъан джерден туугъан джер игиди.
Игиге айтсанг – билир, аманнга айтсанг – кюлюр.
Къазанда болса, чолпугъа чыгъар.
Къоркъакъны кёзю экили кёрюр.
Эрни эр этерик да, къара джер этерик да, тиширыуду.
Тешигини къатында, чычхан да батыр болур.
Джиби бир къат джетмей эди да, эки къат тарта эди.
Эм ашхы къайын ана мамукъ бла башынгы тешер.
Аш иеси бла татлыды.
Гугурук къычырмаса да, тангны атары къалмаз.
Къыйынлы джети элге оноу этер.
Хата – гитчеден.
Адам къыйынлыгъын кёлтюрюр, зауукълугъун кёлтюрмез.
Тёрде – темир таякълы, къаяда – чыпчыкъ аякълы.
Эри аманны, къатыны – аман.
Иги адам абынса да, джангылмаз.
Ач, тоймам, дейди, тойгъан, ач болмам, дейди.
Аманнга да, игиге да оноусуз къатышма.
Айран ичген – къутулду, джугъусун джалагъан – тутулду.
Окъугъанны бети джарыкъ.
Билген билмегенни юретген адетди.
