- Джумушакъ терекни къурт ашар.
- Ашын ашагъанынгы, башын да сыйла.
- Аууз сакълагъан – джан сакълар.
- Ана – юйню кюн джарыгъы.
- Элге къуллукъ этмеген, элге ие болмаз.
- Къалгъан ишге къар джауар.
- Къралынгы – душмандан, башынгы от бла суудан сакъла.
- Ёлген эшек бёрюден къоркъмайды.
- Байма, деб да, къууанма, джарлыма, деб да, джылама.
- Эл ауузу – элек, анга ийнаннган – халек.
- Байлыкъ адамны сокъур этер.
- Игилик игилик бла сингдирилиучю затды.
- От этилмеген джерден тютюн чыкъмайды.
- Чомарт къонакъ юй иесин сыйлар.
- Aдам боллукъ, сыфатындан белгили.
- Бермеген къол, алмайды.
- Иши джокъну, сыйы джокъ.
- Эки къатын алгъанны къулагъы тынгнгаймаз.
- Башынга джетмегенни сорма.
- Иги сёз – джаннга азыкъ, аман сёз башха – къазыкъ.
- Джылкъыдан – ат чыгъар, тукъумдан – джаш чыгъар.
- Булут кёкге джарашыу, уят бетге джарашыу.
- Сормай – алма, чакъырылмай – барма.
- Къызны минг тилер, бир алыр.
- Адамны аманы адамны бети бла ойнар.
- Ачлыкъда тары гырджын халыуадан татлы.
- Къозулугъунда тоймагъан, къойлугъунда тоймаз.
- Сакъалы текени да бар, мыйыгъы киштикни да бар.
- Ишни ахырын ойламай, аллын башлама.
- Тил бла келеди джыр да.
- Танг атмайма десе да, кюн къоярыкъ тюйюлдю.
- Итли къонакъ джарашмаз.
- Сагъыш – къартлыкъгъа сюйюмчю.
- Джангыз терек къынгыр ёсер.
- Арпа, будай – ащды, алтын, кюмюш а – ташды.
- Эринчекге кюн узун.
- Акъыл аздырмаз, билим тоздурмаз.
- Тойгъанлыкъ къойгъа джарашады.
- Кийиминг бла танылма, адамлыкъ бла таныл.
- Аз сёлешген, къайгъысыз турур.
- Атынг аманнга чыкъгъандан эсе, джанынг тамагъынгдан чыкъсын.
- Ашына кёре табагъы, балына кёре къалагъы.
- Урунуу – насыбны анасы.
- Босагъагъа джууукъ орун болса, ашыгъыб тёрге озма.
- Аджашхан тёгерек айланыр.
- Этим кетсе да, сюегим къалыр.
- Экиндини кеч къылсанг, чабыб джетер ашхам.
- Ойнай билмеген, оюн бузар.
- Магъанасыз сёз – тауушсуз сыбызгъы.
- Ишге юренсин къоллары, халкъ бла болсун джоллары.
"Имена ушедших - в сердцах живых", Памяти бойцов и командиров 2-й гвардейской стрелковой дивизии 37-й армии, погибших в бою за пос. Кашхатау
Пусть для следующих книг будут только радостные поводы!
Я самая классная на форуме))))))))))))))
|
|||||
|
|
|
|
Особенно сильно свою доблесть 37 я армия показала на мирных жителях верхней балкарии.
|
|
|
|
|
Читают тему (гостей: 1)