Войти на сайт
1 Сентября 2026 года

 

  • Къыз чыгъаргъан – къызыл къымжа.
  • Къонакъ хазыр болгъанлыкъгъа, къонакъбай хазыр тюлдю.
  • Сабий болмагъан джерде, мёлек болмаз.
  • Сёз садакъдан кючлюдю.
  • Ашда – бёрю, ишде – ёлю.
  • Джети тилни билген джети кишиди.
  • Мал кёб болса, джууукъ кёб болур.
  • Ким бла джюрюсенг, аны кёзю бла кёрюнюрсе.
  • Биреу къой излей, биреу той излей.
  • Бир абыннган – минг сюрюнюр.
  • Ёлген эшек бёрюден къоркъмайды.
  • Итли къонакъ джарашмаз.
  • Эртде тургъан джылкъычыны эркек аты тай табар.
  • Биреуню къыйынлыгъы бла кесинге джол ишлеме.
  • Аллахдан тилесенг, кёб тиле.
  • Тилчи тилден къаныкъмаз.
  • Атадан ёксюз – бир ёксюз, анадан ёксюз – эки ёксюз.
  • Адамны аты башхача, акъылы да башхады.
  • Этим кетсе да, сюегим къалыр.
  • Экиндини кеч къылсанг, чабыб джетер ашхам.
  • Къанны къан бла джуума, аманны аман бла къуума.
  • Кирсизни – саны таза, халалны – къаны таза.
  • Къонакъны къачан кетерин сорма, къачан келлигин сор.
  • Уллу сёзде уят джокъ.
  • Тилчиден кери бол.
  • Ушамагъан – джукъмаз.
  • Эли джокъну – кёлю джокъ.
  • Чабакъсыз кёлге къармакъ салгъанлыкъгъа, чабакъ тутмазса.
  • Джылар джаш, атасыны сакъалы бла ойнар.
  • Бозанг болмагъан джерге, къалагъынгы сукъма.
  • Акъыллы айтыр эди, акъылсыз къоймайды.
  • Ичимден чыкъды хата, къайры барайым сата?
  • Биреу ашаб къутулур, биреу джалаб тутулур.
  • Ойнай билмеген, оюн бузар.
  • Арба аугъандан сора, джол кёргюзтюучю кёб болур.
  • Адеб джокъда, намыс джокъ.
  • Джюрекге ариу – кёзге да ариу.
  • Уруну арты – къуру.
  • Тойгъан джерден туугъан джер игиди.
  • Чакъырылмай келген къонакъ сыйланмай кетер.
  • Кёл ашады да, кеси ашады.
  • Адеб этмеген, адеб кёрмез.
  • Мал ёлсе, сюек къалыр, адам ёлсе, иши къалыр.
  • Окъ къызбайны джокълайды.
  • Джангыз терек къынгыр ёсер.
  • Къазанчы аман болса, къазаны къайнамаз.
  • Билимсиз иш бармаз.
  • Къартха ушагъан джаш – акъыллы, джашха ушагъан къарт – тели.
  • Алтыннга тот къонмаз.
  • Бал ашаргъа сюе эсенг, чибин ургъаннга тёз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 3 4 5 6 7 ... 18 След.
RSS
Къарачай-малкъар халкъны нарт сёзлери
 
#101
Джаратама0
25.02.2008 17:46:48
Келгинчи къонакъ уялыр.келгенден сора къонакъбай уялыр.
Къонакъ аз олтурур .кеб сынар.
Къонакъ аман болса. къонакъбай джунчур .къонакъбай аман болса къонакъ джунчур.
Къонакъ бир кюн къалса къут. эки кюн къалса джут.
Къонакъ болсанг. ийнакъ бол.
Къонагъы джокъну шоху джокъ.
Къонакъ кеб келюучю юйню .къазаны отдан тюшмез.
Къонакъны къчан кетерин сорма. къачан келлигин сор.
Къонакъ койдан джуаш.
Къонакъ хазыр болгъанлыкъгъа. къонакъбай хазыр тюлдю.
 
 
 
#102
Джаратама0
25.02.2008 17:52:54
Гугурук къычырмаса да,
Тангны атары къалмаз.

Джан джашаудан тоймаз.

Акъыл неден да кючлюдю.
 
 
 
#103
Джаратама0
25.02.2008 18:02:11
Къобан да къуру да къобханлай турмайды..адам да къуру да патчахлай турмайды.
Къошулгъан къойгъа тиймеген. негерге харамлыкъ билмеген.
Къоян къамишге.- тюлкю тешикге.
Къоянны къачханын кергенимде. шорпасындан тюнгюлген эдим.
Къая гюрюлдер.къамиш шуулдар.
Суугъа- чабакъ. къаягъа- ыргъакъ.
Къралынгы душмандан. башынгы от бла суудан сакъла.
 
 
 
#104
Джаратама0
25.02.2008 18:09:01
Къонагъы джокъну шоху джокъ.

Эринчекни ауруу кёб.

Аз сёлеш, кёб ишле.
 
 
 
#105
Джаратама0
25.02.2008 18:15:14
Кергелен
Къошулгъан къойгъа тиймеген. негерге харамлыкъ билмеген.

Бу сезлени "Аимушну" джырында эшитген эдим

Къаргъышны кесинг билмей эсенг
биреуден да юренме

Кесинге джетмегенн сорма

Керти сезге тёре джокъ

Кезню ачылгъаны иги
ауузну джабылгъаны иги

Иги бла джюрюсенг-джетерсе муратынга
аман бла джюрюсенг-къалырса уятха
 
 
 
#106
Джаратама0
25.02.2008 18:19:33
Ишни аллы бла къууанма да,
Арты бла къууан.

Ауузу озгъанга джууаб этмесенг,
Ауузу джокъгъа санар.

Акъырынны дженгил джетмез.
 
 
 
#107
Джаратама0
25.02.2008 18:38:51
Тоигъа алгъа да барма,
Тоида артха да къалма

атадан аиырылсанг да. тукъумдан аиырылма

Акъыллы башны тили къысха

аманны тукъумуна къарама
Игини тукъумун сорма
 
 
 
#108
Джаратама0
29.02.2008 15:28:26
Ай орнуна кюн чыкъмаз.

Окъумагъан сокъурду,
Сокъур ташха абыныр!

Ойнай билмеген оюн бузар.
 
 
 
#109
Джаратама0
01.03.2008 23:38:48
Махдау базарны къамчиси.
Мен къой сен къыпды.
Менден кетди . сенге джетди.


Биз чалкъы чала турабыз.къызла.илячинлеча тизилиб.
Ызыбыздан алай келигиз.кегюрчюнлеча сюзюлюб.
 
 
 
#110
Джаратама0
02.03.2008 14:37:49
Бёрю малдан тоймаз.
Тауна кере чегети
Билим ат болуб да чабар. къуш болуб да учар
 
 
 
#111
Джаратама0
02.03.2008 19:22:51
Ата Джуртча джер болмаз,
Туугъан элча эл болмаз.

Эли джокъну кёлю джокъ.

Бийге ийнанма,
суугъа таянма!
 
 
 
#112
Джаратама0
02.03.2008 19:59:12
Къобуз бла харс джарашханча.
ДЖетегейле -джети джулдуз .Темиркъзакъ джангыз джулдуз.
ДЖетегейле джети айланмай ким айтса да танг атмаз.--скороговока.
ДЖетегейле- Б. медведица. Темиркъазакъ- Полярная звезда.
 
 
 
#113
Джаратама0
02.03.2008 22:59:46
Акъылсызны джуукъгъа алма, акъыллыны кеннге салма
Тюзню ётмеги кенгде къалса да. тас болмаз
Аман хансны урлугъу кеб
 
 
 
#114
Джаратама0
03.03.2008 14:48:17
ДЖиби бир къат джитмей эди да.эки къат тартата эди.Г
Гитче джилтин уллу элни джандырыр.
Отну ышырсанг .джилтин чыгъар.
ДЖити бычакъ къынга еч. джалгъан сез джанга еч.
 
 
 
#115
Джаратама0
03.03.2008 22:49:22
ДЖетегейле -джети джулдуз .Темиркъзакъ джангыз джулдуз.
Кергелен
Бу да элберген джомакъмыды? Магъанасы неди?
ДЖетегейле джети айланмай ким айтса да танг атмаз.
Буну да чыртда ангылаялмадым - неди экен магъанасы?
 
 
 
#116
Джаратама0
05.03.2008 22:05:52
Сэстренка

ДА не затны ангыламайса. Это скороговорка.
 
 
 
#117
Джаратама0
05.03.2008 22:09:59
Яже предельно ясно объяснила. ма энт да бир санга.

Къара къаргъа къаргъа къарайд.----
--Черная ворона смотрит на снег.
 
 
 
#118
Джаратама0
06.03.2008 23:38:33
Притча:
Джашчыкъ ююне киргендида, атасына айтханды:
"Атам арбазгъа апенди келгенди, бачхагъада ийнек киргенди"
Атасыда Айтханды: "Апендини къыста, тана тойса кеси да кетерикди))"
 
 
 
#119
Джаратама0
14.03.2008 21:40:48
Иги сеники эсе да, сюйген кесимикин этеме.

Киштик юйде болмаса, чычханла той этерле.

Джиби бир къат джетмей эди да,
Эки къат тарта эди.

Зар адам ашынгы ашар.
Кесинги сатар.
 
 
 
#120
Джаратама0
15.03.2008 14:24:54
Терекни кессенг. джонгурчха тюшер
Биреуге аманлыкъ этиб. кесинге игилик табмазса
Джел келтирир, суу элтир
 
 
 
#121
Джаратама0
15.03.2008 15:28:19
АДЕБ джокъда намыс джокъ.
АДЕБ базарда сатылмаз.
АДЕБ этмеген адеб кермез.
АДЕБни адебсизден юрен.

АДЕБИ болмагъан къыз- тузсуз хант.
 
 
 
#122
Джаратама0
15.03.2008 15:43:52
Сабийликде юретмеснг,
Уллу болса-тюзелмез

Сабыр джетер муратха,
Сабырсыз къалыр уятха.

Сагъышы джокъ-джукъучу,
Акъылы джокъ-къаугъачы.

Сормай -алма, чакъырылмай -барма
 
 
 
#123
Джаратама0
15.03.2008 16:36:41
Накъырданы арты керти болур.
Накъырда -кертини келечиси.
Налат баш джармаз. тюкюрюк кез чыгъармаз.
Дуния намыс НУМУРУТНУ отундан кючлю.
НАФЫСЫНГ айтханны этме- намысынг айтханны эт.

Нумурут- джаханим - ад

Нафыс- страсть.
 
 
 
#124
Джаратама0
15.03.2008 16:39:29
Сабыр джетер муратха,
Сабырсыз къалыр уятха.
всезнайка
Сабырдан да ётюб мыт-мыт болгъанланы юсюнден джукъ билмеймисе?
 
 
 
#125
Джаратама0
15.03.2008 17:35:50
Сэстренка
всезнайка
Сабырдан да ётюб мыт-мыт болгъанланы юсюнден джукъ билмеймисе?

Ий, былай деб тюзетиб айталлыкъ тюлме
Бир аягъы бир аягъын баса-деидиле.
Бир аягъын ит ала. бир аягъын да не зат алгъанын унутханма
 
 
 
Страницы: Пред. 1 ... 3 4 5 6 7 ... 18 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.