Войти на сайт
3 Сентября 2026 года

 

  • Юреннген ауруу къалмаз.
  • Ат басханны джер билед.
  • Окъумагъан сокъурду, сокъур ташха абыныр!
  • Къартны бурнун сюрт да, оноугъа тут.
  • Ашатыргъа иш – ашхы, ишлетирге аш – ашхы.
  • Ашхылыкъ джерде джатмайды, аманлыкъ суугъа батмайды.
  • Кёл ашады да, кеси ашады.
  • Чомартха хар кюн да байрамды.
  • Бет бетге къараса, бет да джерге къарар.
  • Экеу тутушса, биреу джыгъылыр.
  • Мени джылытмагъан кюн, меннге тиймесин!
  • Иги сеники эсе да, сюйген кесимикин этеме.
  • Шекер бла туз – бир болмаз, ушамагъан – юй болмаз.
  • Джарашыу сюйген – джалынчакъ.
  • Аллахха ийнаннган кишини, Аллах онгдурур ишин.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Къая джолда джортма, ачыкъ сёзден къоркъма.
  • Ат да турмайды бир териде.
  • Ёпкелегенни ашы татлы болады.
  • Джол бла сёзню къыйыры джокъ.
  • Намыс болмагъан джерде, насыб болмаз.
  • Чомартха Тейри да борчлуду.
  • Башланнган иш битер, къымылдагъан тиш тюшер.
  • Бичгенде ашыкъма, тикгенде ашыкъ.
  • Айран ичген – къутулду, джугъусун джалагъан – тутулду.
  • Ишлемеген – тишлемез.
  • Ана къолу ачытмаз.
  • Ётген ёмюр – акъгъан суу.
  • Джюрек кёзден алгъа кёрюр.
  • Тойгъан джерден туугъан джер игиди.
  • Ариу сёз – джаннга азыкъ, аман сёз – башха къазыкъ.
  • Абынмазлыкъ аякъ джокъ, джангылмазлыкъ джаякъ джокъ.
  • Ашлыкъ – бюртюкден, джюн – тюкден.
  • Ач къарным, тынч къулагъым.
  • Сангырау къулакъ эл бузар.
  • Тюз сёз баргъан сууну тыяр.
  • Босагъа таш юйге кирмей эди, тыбыр таш эшикге чыкъмай эди.
  • Ашыкъгъан cуу, тенгизге джетмез.
  • Алгъанда – джууукъ, бергенде – джау.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Бал чибинни ургъаны – ачы, балы – татлы.
  • Баш болса, бёрк табылыр.
  • Ишни аллы бла къууанма да, арты бла къууан.
  • Чомарт джарлы болмаз.
  • Атынг аманнга чыкъгъандан эсе, джанынг тамагъынгдан чыкъсын.
  • Джашлыкъ этмеген, башлыкъ этмез.
  • Къонакъны къачан кетерин сорма, къачан келлигин сор.
  • Намысы джокъну – дуниясы джокъ.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Джашны джигитлиги сорулур, къызны джигерлиги сорулур.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 4 5 6 7 8 ... 18 След.
RSS
Къарачай-малкъар халкъны нарт сёзлери
 
#126
Джаратама0
15.03.2008 18:11:32
Хаммесейни тирменича сюеледи.
Ханны башын хан алыр.
Хансыз джомакъ болмаз.
Ханны къызы чемюч келтюрсе да къолу къалтырар.
Ханны эгери уугъа чыкъса асхар.
Ханлагъ- бийлеге да келеди хариблик.
 
 
 
#127
Джаратама0
16.03.2008 01:16:19
Эки итни арасына сюек атма,
Эки адамны арасында сёз чыгъарма.

Элден-элге барсанг.
ашхы хапар айт.

Хунаны тюбюн къазсанг. юсюнге ауар.

Къонагъынгы артмагъын алма да,
алгъышын ал.

Кесинг сынамагъан затны адамгъа буюрма.

Дау айта билмей эсенг, тёреге барма
 
 
 
#128
Джаратама0
16.03.2008 14:09:09
ма бу нарт сёзню бусагъатда окъуб. бир бек джаратдым
Aruv söz canga- azık, Aman söz başha- kazık
 
 
 
#129
Джаратама0
16.03.2008 17:50:43
МЕЖГИТни къатында джашай эди да. намаз къылмай эди.
МЕЖГИТ къатынгда болгъанлыкъгъа,къыйнлыгъынъа болушмаз.
МЕЖГИТ уллу болса да, апенди билгенин айтыр.
АПЕНДИни этгенин этме да, айтханын эт.
 
 
 
#130
Джаратама0
16.03.2008 18:03:23
Адам ийнанмаз затны айтма.

Адамны аманы адамны бети бла ойнар.

Абыннганга кюлме.

Адепсиз адам-джюгенсиз ат.

Айырылмаз джуугъунга унутмаз сёзню айтма.

Акъыллы эркиши атын махтар,
Акъылсыз эркиши къатынын махтар.

Аманны тукъумуна къарама,
Игини тукъумумун сорма.

Балчыкъгъа таш атсанг,юсюнге чачылыр
 
 
 
#131
Джаратама0
17.03.2008 03:23:16
ТЕРСЛИГИНЕ ийлгенге ийилгенге къаза джокъ.
ТЕРСЛИКНИ ур- тюзлюкню къур.
ТЕНЪЕРЕГЕН ташха тюк чыкъмаз.
 
 
 
#132
Джаратама0
18.03.2008 00:49:43
Джауундан сора кюн кюидюрюр,
Ётюрюкден сора-аиыб кюидюрюр.

Джолда аягъынга сакъ бол,
ушакъда тилинге сакъ бол.

Дуния малгъа сатылма,
Кесингден телиге къатылма

Биреуню сезюн этген.
Сени сёзюнгю да этер
 
 
 
#133
Джаратама0
18.03.2008 13:59:59
Къаллай салам берсенг,
Аллай джууаб алырса.

Ата Джуртуму башы болмасам да,
Босагъасында ташы болайым. - аламат сёзле

Джангызны оту джарыкъ джанмаз!
 
 
 
#134
Джаратама0
20.03.2008 00:02:41
ДЖамагъат, уялмагъыз ,келигиз ичкери.

Бир- эки акъыллы сез джазыгъыз, къоркъмагъыз сиз уялыр адам джокъду былайда.
 
 
 
#135
Джаратама0
20.03.2008 15:38:55
Кергелен
Бир- эки акъыллы сез джазыгъыз, къоркъмагъыз сиз уялыр адам джокъду былайда
Тюнене бир школгъа къонакъгъа баргъан эдим да, анда гитче классдан бир сабийчик нарт сёзле айта эди, мен чырт эшитмегенле да бар эдиле тоба, орус тилге кёчюрюб бара эди кесида. Миллетибизде аллай сабийле, уллула да талай болсала, тилибизни, халкъыбызны да тамбласына къоркъмазча боллукъ эдик!

Урунуу - насыбны анасы

Хар ишни да аллы къыйынды


Суусуз джууар, джелсиз кебдирир.
 
 
 
#136
Джаратама0
20.03.2008 22:02:54
Девушка Гор
КЕБ болсунла бизни аллай уланчыкъларыбыз.
Бизни сабийлеге ишлерин сюйген устазла керекдиле.
 
 
 
#137
Джаратама0
20.03.2008 22:07:44
Сабий болмагъан джерде мелек болмаз.
Сабий джетгинчи джети тюрлю.
Сабий кергенин унутмаз.
 
 
 
#138
Джаратама0
21.03.2008 00:28:27
Баланы адам этген анады.

Биреуню тёрюнден кесинги эшик артынг игиди.

Келинни- келгинчи, бёркню-кийгинчи кёр.

Эр киши-от. тиширыу-суу.

Алма терегине кёре болур.
 
 
 
#139
Джаратама0
21.03.2008 01:33:33
ТЕРГЕ тюшсенъ,терден чыкъма.
ТЕРТ баш бир джастыкъга сыйынмаз.
ТЕРЮМДЕН керюм джуукъ.
ТЕРГЕ кириб тереден къутулмазса.
 
 
 
#140
Джаратама0
21.03.2008 20:32:50
Тилчи 1 сагъатха аилыкъ хата этер.

Билгенни къолу къарны джандырыр.

Къызны минг тилер. 1 алыр.

Иесиз малны берю ашар.

агъаргъан сакъал къара болмаз.

Алтынга тот къонмаз.
 
 
 
#141
Джаратама0
24.03.2008 20:55:38
Байдан намыс излеме

Эл ауузу - элек.

Эр абынмай-эл танымаз.
 
 
 
#142
Джаратама0
25.03.2008 21:58:39
АГЪАЧ джерни чырайы, кийим эрни чырайы.
АГЪАЧ халкъгъа алтынды, иссиликге салкъынды.
АГЪАЧ ны чюйю кесин джарыр.
АГЪАЧ ны узуну аркъау болур, адамны узуну джалкъау болур.
 
 
 
#143
Джаратама0
27.03.2008 00:59:03
Окъугъан ---асыу, окъумагъан джарсыу.

Ауругъанъа--кийик саулукъ, джетген къызгъа чилле джаулукъ.
ДЖаш болсун,къыз болсун , акъылы саны тюз болсун.
ДЖашны къарнын табдыр да джумушха чабдыр.
ДЖаш къарыу бла кючлю, къарт акъыл бла кючлю.
 
 
 
#144
Джаратама0
27.03.2008 01:06:06
Тезген теш ашар!
Таякъ тартзан егюзге тиеди.
Таукел адам тау тешер.
 
 
 
#145
Джаратама0
27.03.2008 02:21:06
1 кишиге 2 кере алдатхан-тели,
1 уругъа 2 кере кетген-сокъур.

Биреуге аманлыкъны тилеме да,
кесинге ашхылыкъны тиле.

Борчунг бар эсе,
хурджунунга ойлаб узал
 
 
 
#146
Джаратама0
27.03.2008 21:52:12
Эшек билген арба джол.
Эшек джюклей билсе , эркишини аманы джокду.
Эшек ге мингенни аягъы солумаз.
Эшекге минген биринчи айыб, андан джыгъылгъан экинчи айыб.
Эшекни не къадар тюйсенъда , ат болмаз.
 
 
 
#147
Джаратама0
27.03.2008 23:05:01
Джукъу тёшек сайламайды.

Иги алгъыш этер,аман къаргъыш этер.

кёб къычыргъандан къоркъма,
Тынч олтургъандан къоркъ.

Джашда акъыл. къартда къарыу джокъ.

Джарлы алтын табса, салыр джер табмаз.
 
 
 
#148
Джаратама0
28.03.2008 00:35:02
Тас болгъан бычакъны сабы алтын.
Терде темир таякълы, къаяда чыпчыкъ аякълы.
Тердеги кюлсе эшикдеги ышарыр.
Терени джагъы джокъ
 
 
 
#149
Джаратама0
28.03.2008 00:41:16
Джыйын башчы осал болса. дырынны чиритир.

Сюрюучю кеб болса, къой харам елюр.

Къалгъан ишге къар джауар.

Болджал ишни бёрю ашар.

Ишлегенде-эринме, Ишде чолакъ кёрюнме.
 
 
 
#150
Джаратама0
28.03.2008 01:24:36
Тойчу джашха къарама,къойчу джашха къара.
Той кермеген ,тойдан къачар.
Тойну къарнашы харс, джырны къарнашы эжиу.
Тойну сылтау бла тон битди.
Той къыз бла джашны джармалыгъыды (ярмарка)
 
 
 
Страницы: Пред. 1 ... 4 5 6 7 8 ... 18 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.