- Тюзню ётмеги тюзде къалса да, тас болмаз.
- Таукел адам тау тешер.
- Минг тенг да азды, бир джау да кёбдю.
- Адамны сабийин сюйген джюреги, бычакъча, джитиди.
- Ичимден чыкъды хата, къайры барайым сата?
- Кёб къычыргъандан – къоркъма, тынч олтургъандан – къоркъ.
- Элге къуллукъ этмеген, элге ие болмаз.
- Арбаз къынгырды да, ийнек сауалмайма.
- Билген билмегенни юретген адетди.
- Иги адамны бир сёзю эки болмаз.
- Элде адам къалмаса, ит тахтагъа минер.
- Суу кетер, таш къалыр.
- Сангырау къулакъ эл бузар.
- Мухарны эси – ашарыкъда.
- Рысхы джалгъанды: келген да этер, кетген да этер.
- Чакъырылмай келген къонакъ сыйланмай кетер.
- Адеб базарда сатылмаз.
- Суугъа – таянма, джаугъа – ийнанма.
- Адам туугъан джеринде, ит тойгъан джеринде.
- Магъанасыз сёз – тауушсуз сыбызгъы.
- Тай асырагъан, атха минер.
- Тамчы таш тешер.
- Къарнынг бла ёч алма.
- Къууут – джелге, берне – бошха.
- Эрни эр этерик да, къара джер этерик да, тиширыуду.
- Чакъырылгъанны аты, чакъырылмагъанны багъасы болур.
- Къонагъынгы артмагъын алма да, алгъышын ал.
- Эли джокъну – кёлю джокъ.
- Ашатыргъа иш – ашхы, ишлетирге аш – ашхы.
- Суугъа – чабакъ, къаягъа – ыргъакъ.
- Эркишини аманы тиширыуну джылатыр.
- Ариу сёз – джаннга азыкъ, аман сёз – башха къазыкъ.
- Шекер бла туз – бир болмаз, ушамагъан – юй болмаз.
- Байлыкъ болгъан джерде, тынчлыкъ джокъду.
- Ургъан суудан башынгы сакъла.
- Ариу сёз джыланны орнундан чыгъарыр.
- Кюн кёрмеген, кюн кёрсе, кюндюз чыракъ джандырыр.
- Эртде тургъан бла эртде юйленнген сокъуранмаз.
- Аз айтсам, кёб ангылагъыз.
- Аман адамны тепсинге олтуртсанг, къызынгы тилер.
- Терслик кетер, тюзлюк джетер.
- Урама да – ёледи, сатама да – келеди.
- Джылар джаш, атасыны сакъалы бла ойнар.
- Кеси юйюмде мен да ханма.
- Бастасын ашагъан, хантусун да ичер.
- Уруну арты – къуру.
- Ишлегенде эринме, ишде чолакъ кёрюнме.
- Дженгил джетерикме деб, узун джолну къоюб, къысхасын барма.
- Чомарт къолда мал къалмаз.
- Ёлген эшек бёрюден къоркъмайды.
Къарачай-малкъар халкъны нарт сёзлери
|
ма бу нарт сёзню бусагъатда окъуб. бир бек джаратдым
Aruv söz canga- azık, Aman söz başha- kazık |
|
|
|
|
|
ТЕРСЛИГИНЕ ийлгенге ийилгенге къаза джокъ.
ТЕРСЛИКНИ ур- тюзлюкню къур. ТЕНЪЕРЕГЕН ташха тюк чыкъмаз. |
|
|
|
|
|
Къаллай салам берсенг,
Аллай джууаб алырса. Ата Джуртуму башы болмасам да, Босагъасында ташы болайым. - аламат сёзле  Джангызны оту джарыкъ джанмаз!  |
|
|
|
|
|
ДЖамагъат, уялмагъыз ,келигиз ичкери.
Бир- эки акъыллы сез джазыгъыз, къоркъмагъыз сиз уялыр адам джокъду былайда.   |
|
|
|
|
|
Девушка Гор
КЕБ болсунла бизни аллай уланчыкъларыбыз. Бизни сабийлеге ишлерин сюйген устазла керекдиле. |
|
|
|
|
|
Сабий болмагъан джерде мелек болмаз.
Сабий джетгинчи джети тюрлю. Сабий кергенин унутмаз. |
|
|
|
|
|
Баланы адам этген анады.
Биреуню тёрюнден кесинги эшик артынг игиди. Келинни- келгинчи, бёркню-кийгинчи кёр. Эр киши-от. тиширыу-суу. Алма терегине кёре болур. |
|
|
|
|
|
ТЕРГЕ тюшсенъ,терден чыкъма.
ТЕРТ баш бир джастыкъга сыйынмаз. ТЕРЮМДЕН керюм джуукъ. ТЕРГЕ кириб тереден къутулмазса.  |
|
|
|
|
|
Тилчи 1 сагъатха аилыкъ хата этер.
Билгенни къолу къарны джандырыр. Къызны минг тилер. 1 алыр. Иесиз малны берю ашар. агъаргъан сакъал къара болмаз. Алтынга тот къонмаз. |
|
|
|
|
|
Байдан намыс излеме
Эл ауузу - элек. Эр абынмай-эл танымаз. |
|
|
|
|
|
АГЪАЧ джерни чырайы, кийим эрни чырайы.
АГЪАЧ халкъгъа алтынды, иссиликге салкъынды. АГЪАЧ ны чюйю кесин джарыр. АГЪАЧ ны узуну аркъау болур, адамны узуну джалкъау болур. |
|
|
|
|
|
Тезген теш ашар!
Таякъ тартзан егюзге тиеди. Таукел адам тау тешер. |
|
|
|
|
|
1 кишиге 2 кере алдатхан-тели,
1 уругъа 2 кере кетген-сокъур. Биреуге аманлыкъны тилеме да, кесинге ашхылыкъны тиле. Борчунг бар эсе, хурджунунга ойлаб узал |
|
|
|
|
|
Тас болгъан бычакъны сабы алтын.
Терде темир таякълы, къаяда чыпчыкъ аякълы. Тердеги кюлсе эшикдеги ышарыр. Терени джагъы джокъ |
|
|
|
|
|
Джыйын башчы осал болса. дырынны чиритир.
Сюрюучю кеб болса, къой харам елюр. Къалгъан ишге къар джауар. Болджал ишни бёрю ашар. Ишлегенде-эринме, Ишде чолакъ кёрюнме. |
|
|
|
|
Читают тему (гостей: 2)