- Ойнай билмеген, оюн бузар.
- Чомарт къонакъ юй иесин сыйлар.
- Аурууну келиую тынч, кетиую – къыйын.
- Аууздан келген, къолдан келсе, ким да патчах болур эди.
- Ёксюзню къалачы уллу кёрюнюр.
- Адамны бетине къарама, адетине къара.
- Хоншуну тауугъу къаз кёрюнюр, келини къыз кёрюнюр.
- Ётюрюкню башын керти кесер.
- Ачлыкъда тары гырджын халыуадан татлы.
- Юйлю уругъа ит чабмаз.
- Къызбайны юйюне дери сюрсенг, батыр болур.
- Эски джаугъа ышанма.
- Ариу джол аджал келтирмез.
- Ач къарынны, токъ билмез
- Джангыз терек къынгыр ёсер.
- Урунуу – насыбны анасы.
- Сютден ауузу кюйген, суугъа юфгюре эди.
- Иги болса, тамадама – махтау, аман болса, меннге – айыб.
- Эки итни арасына сюек атма, эки адамны арасында сёз чыгъарма.
- Уллу къашыкъ эрин джыртар.
- Ишин билген, аны сыйын чыгъарады.
- Экиндини кеч къылсанг, чабыб джетер ашхам.
- Биреуге кёлтюрген таягъынг, кесинги башынга урур.
- Джашны джигитлиги сорулур, къызны джигерлиги сорулур.
- Къайгъы тюбю – тенгиз.
- Ашыкъгъанны этеги бутуна чырмалыр.
- Башсыз урчукъ тюзюне айланмаз.
- Юреннген ауруу къалмаз.
- Махтаннган къыз, тойда джукълар.
- Тил джюрекге джол ишлейди.
- Джиби бир къат джетмей эди да, эки къат тарта эди.
- Эр сокъур болсун, къатын тилсиз болсун.
- Чакъырылмагъан джерге барма, чакъырылгъан джерден къалма.
- Кирсизни – саны таза, халалны – къаны таза.
- Билген билмегенни юретген адетди.
- Къулакъдан эсе, кёзге ышан.
- Суу да къайтады чыкъгъан джерине.
- Aдам боллукъ, сыфатындан белгили.
- Ашатыргъа иш – ашхы, ишлетирге аш – ашхы.
- «Ёгюз, джаргъа джууукъ барма, меннге джюк боллукъса», - дегенди эшек.
- Арыгъан къош чамчы болур.
- Окъумагъан сокъурду, сокъур ташха абыныр!
- Дуния аламаты сен эсенг да, игиме деб айтма.
- Билмегенинги, билгеннге сор.
- Адам туугъан джеринде, ит тойгъан джеринде.
- Аллахха ийнаннган кишини, Аллах онгдурур ишин.
- Уруну арты – къуру.
- Кесинге джетмегенни, кёб сёлешме.
- Окъуу – билимни ачхычы, окъуу – дунияны бачхычы.
- Адам сёзге тынгыла, акъыл сёзню ангыла.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 2)