- Ашлыкъ – бюртюкден, джюн – тюкден.
- Ётюрюк хапар аякъ тюбю бла джюрюйдю.
- Хар адамгъа кеси миннген тау кибик.
- Айран ичген – къутулду, джугъусун джалагъан – тутулду.
- Мухарны эси – ашарыкъда.
- Къазанда болса, чолпугъа чыгъар.
- Къуллукъчума, деб махтанма, къуллукъ – хаух джамчыды!
- Чалманны аллы къалай башланса, арты да алай барады.
- Атадан ёксюз – бир ёксюз, анадан ёксюз – эки ёксюз.
- Суу кетер, таш къалыр.
- Кесине гебен этелмеген, биреуге черен эте эди.
- Тамчы таш тешер.
- Ач келгенни – тойдур, кеч келгенни – къондур.
- Сакъ юйюне сау барыр.
- Сибиртки да сыйлы болду, кюрек да кюнлю болду.
- Аууз сакълагъан – джан сакълар.
- Ашатыргъа иш – ашхы, ишлетирге аш – ашхы.
- Къатын байлыкъны сюер, эр саулукъну сюер.
- Къонакъ хазыр болгъанлыкъгъа, къонакъбай хазыр тюлдю.
- Ач, тоймам, дейди, тойгъан, ач болмам, дейди.
- Ариу сёзде ауруу джокъ.
- Игилик игилик бла сингдирилиучю затды.
- Ишге юренсин къоллары, халкъ бла болсун джоллары.
- Азыкъ аз болса, эртде орун сал.
- Къалгъан ишге къар джауар.
- Адамны аманы адамны бети бла ойнар.
- Чабакъсыз кёлге къармакъ салгъанлыкъгъа, чабакъ тутмазса.
- Тиширыусуз юй – отсуз от джагъа.
- Къаллай салам берсенг, аллай джууаб алырса.
- Акъыл къартда, джашда тюйюлдю – башдады.
- Къартны бурнун сюрт да, оноугъа тут.
- Ёлген ийнек сютлю болур.
- Эски джаугъа ышанма.
- Ауузу бла къуш тута айланады.
- Айраннга суу къош, телиге джол бош.
- Гитче джилтин уллу элни джандырыр.
- Ашха уста, юйюнде болсун
- Байдан умут эте, джарлыдан ёгюз багъасы къорады.
- Келлик заман – къартлыкъ келтирир, кетген заман – джашлыкъ ёлтюрюр.
- Тюзлюк тас болмайды.
- Кёб джат да, бек чаб.
- Башы ишлегенни, ауузу да ишлер.
- Ариу сёз – къылычдан джити.
- Эки элинги тыйсанг, джети элде махталырса.
- Джиби бир къат джетмей эди да, эки къат тарта эди.
- Джуртун къоругъан озар.
- Баланы адам этген анады.
- Джогъун бар этген, барын бал этген.
- Эллинг бла джау болсанг да, юйюнг бла джау болма.
- Айтылгъан сёз ызына къайтмаз.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 6)