- Окъдан джара эртде-кеч болса да бителир, сёз джара, ёмюрге къалыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сабий кёргенин унутмаз.
- Билимсиз иш бармаз.
- Къулакъдан эсе, кёзге ышан.
- Ат басханны джер билед.
- Берекет берсин деген джерде, берекет болур.
- Тилчи бир сагъатха айлыкъ хата этер.
- Атлыны кёрсе, джаяуну буту талыр.
- Нафысынгы айтханын этме, намысынгы айтханын эт.
- Ачыкъ джюрекге джол – ачыкъ.
- Чомарт джарлы болмаз.
- Ёксюзню тилеги къабыл болур.
- Эл бла кёргенинг эрелей.
- Адамны артындан къара сабан сюрме.
- Игиге айтсанг – билир, аманнга айтсанг – кюлюр.
- Ишлерге уял да, ашаргъа табма.
- Ариу сёзде ауруу джокъ.
- Кёзден кетген, кёлден да кетеди.
- Адам къыйынлыгъын кёлтюрюр, зауукълугъун кёлтюрмез.
- Айыбны суу бла джууалмазса.
- Тенгинг джокъ эсе – изле, бар эсе – сакъла!
- Рысхы – насыбха къор.
- Хар ишни да аллы къыйынды.
- Адамны адамлыгъы къыйынлыкъда айгъакъланады.
- Джашлыкъ этмеген, башлыкъ этмез.
- Джол бла сёзню къыйыры джокъ.
- Рысхы – сют юсюнде кёмюк кибикди.
- Этни бети бла шорпасы.
- Къумурсхала джыйылсала, пилни да джыгъадыла.
- Аджашханны ызындагъы кёреди, джангылгъанны джанындагъы биледи.
- Эр абынмай, эл танымаз.
- Зар адам ашынгы ашар, кесинги сатар.
- Чакъырылмагъан джерге барма, чакъырылгъан джерден къалма.
- Къарт бла баш аша, джаш бла аякъ аша.
- Эли джокъну – кёлю джокъ.
- Кёб ант этген, кёб ётюрюк айтыр.
- Акъыл бла адеб эгизледиле.
- Ёгюзню мюйюзюнден тутадыла, адамны сёзюнден тутадыла.
- Таугъа чыгъаллыкъ эсенг, тюзде къалма.
- Нёгер болсанг, тенг бол, тенг болмасанг, кенг бол.
- Къобан да къуру да къобханлай турмайды, адам да къуру да патчахлай турмайды.
- Башланнган иш битер, къымылдагъан тиш тюшер.
- Орну джокъну – сыйы джокъ.
- Адам боллукъ, атламындан белгили болур.
- Аш хазыр болса, иш харам болур.
- Эл ауузу – элек, анга ийнаннган – халек.
- Асхат ашлыкъ сата, юйдегиси ачдан къата.
- Къатыны харакетли болса, эри къымсыз болур.
- Сагъыш – къартлыкъгъа сюйюмчю.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 10)