- Къуллукъчума, деб махтанма, къуллукъ – хаух джамчыды!
- Гугурук къычырмаса да, тангны атары къалмаз.
- Хар зат кесини орнуна иги.
- Ашын ашагъанынгы, башын да сыйла.
- Кийимни бичсенг, кенг бич, тар этген къыйын тюлдю.
- Ишленмеген джаш – джюгенсиз ат, ишленмеген къыз – тузсуз хант.
- Ашха уста, юйюнде болсун
- Эм уллу байлыкъ – джан саулукъ.
- Aдам боллукъ, сыфатындан белгили.
- Сабийни джумушха джибер да, ызындан бар.
- Баш – акъыл ючюн, акъылман – халкъ ючюн.
- Джашда акъыл джокъ, къартда къарыу джокъ.
- Юйюнг бла джау болгъандан эсе, элинг бла джау бол.
- Сормай – алма, чакъырылмай – барма.
- Ётюрюкню башын керти кесер.
- Кийиминг бла танылма, адамлыкъ бла таныл.
- Экиндини кеч къылсанг, чабыб джетер ашхам.
- Хазыр ашха – терен къашыкъ.
- Чакъырылмагъан къонакъ къачан кетерин сормаз.
- Иги сеники эсе да, сюйген кесимикин этеме.
- Мал ёлсе, сюек къалыр, адам ёлсе, иши къалыр.
- Бети къызарыучу адамны, джюреги харам болмаз.
- Байлыкъ келсе, акъыл кетер.
- Этек чакъмакълары баш джаргъан, сёлешген сёзлери таш джаргъан.
- Игиге айтсанг – билир, аманнга айтсанг – кюлюр.
- Иги сёз – джаннга азыкъ, аман сёз башха – къазыкъ.
- Тилсиз миллет джокъ болур.
- Хар адамгъа кеси миннген тау кибик.
- Хаухну атма, ёнгкючню сатма.
- Малны кют, джерни тюрт.
- Намысы болмагъанны, сыйы болмаз.
- Къарнынг къанлынга кийирир.
- Эркиши – от, тиширыу – суу.
- Сютден ауузу кюйген, суугъа юфгюре эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чоюнну башы ачыкъ болса, итге уят керекди.
- Окъумагъан сокъурду, сокъур ташха абыныр!
- Чомартха хар кюн да байрамды.
- Къралынгы – душмандан, башынгы от бла суудан сакъла.
- Тёрде – темир таякълы, къаяда – чыпчыкъ аякълы.
- Эр абынмай, эл танымаз.
- Джыйырма къойну юч джыйырма эбзе кюте эди.
- Азыгъы аз, алгъа къабар, аты аман, алгъа чабар.
- Джарлы эскисин джамаса, къууаныр.
- Къарны аманнга къазан такъдырма, къолу аманнга от джакъдырма.
- Ёзденликни джайгъан – джокълукъ.
- Ачылгъан эт джабылыр, кёрген кёз унутмаз.
- Кёб къычыргъандан – къоркъма, тынч олтургъандан – къоркъ.
- Ёлмесенг да, къарт дамы болмазса?
- Танг атмайма десе да, кюн къоярыкъ тюйюлдю.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 8)