- Байлыкъ болгъан джерде, тынчлыкъ джокъду.
- Накъырда – кертини келечиси.
- Эшекге миннген – биринчи айыб, андан джыгъылгъан – экинчи айыб.
- Эски джаугъа ышанма.
- Сакъ юйюне сау барыр.
- Гырджын – тепсини тамадасы.
- Аууз сакълагъан – джан сакълар.
- Ашыкъгъанны этеги бутуна чырмалыр.
- Кёб джашагъан – кёб билир.
- Ишленмеген джаш – джюгенсиз ат, ишленмеген къыз – тузсуз хант.
- Ёзденликни джайгъан – джокълукъ.
- Агъач халкъгъа алтынды, иссиликге салкъынды.
- Билеги кючлю, бирни джыгъар, билими кючлю, мингни джыгъар.
- Окъуу – билимни ачхычы, окъуу – дунияны бачхычы.
- Этни бети бла шорпасы.
- Бозанг болмагъан джерге, къалагъынгы сукъма.
- Кесине оноу эте билмеген, халкъына да эте билмез.
- Къызбайны юйюне дери сюрсенг, батыр болур.
- Къалгъан ишге къар джауар.
- Чыбыкълыкъда бюгюлмеген, къазыкълыкъда бюгюлмей эди.
- Ана кёлю – балада, бала кёлю – талада.
- Сибиртки да сыйлы болду, кюрек да кюнлю болду.
- Къарнынг тойгъунчу аша да, белинг талгъынчы ишле.
- Байны къызы баймакъ болса да, юйде къалмаз!
- Акъыл бла адеб эгизледиле.
- Билим насыб берир, билим джолну керир.
- Тойгъанлыкъ къойгъа джарашады.
- Адамны сыфатына къарама, сёзюне къара.
- Ёлген аслан – сау чычхан.
- Тёзгеннге, джабылгъан эшик ачылыр.
- Тин – байлыгъынг, терен саулугъунг.
- Душманны тышы – акъ, ичи – къара.
- Чарсда алчыны эл кёреди.
- Ашатыргъа иш – ашхы, ишлетирге аш – ашхы.
- Ачны эсинде – аш.
- Аджал соруб келмез, келсе, къайтыб кетмез.
- Ишни ахырын ойламай, аллын башлама.
- Бет бетге къараса, бет да джерге къарар.
- Ишлемеген – тишлемез.
- Джылыгъа джылан илешир.
- «Ёгюз, джаргъа джууукъ барма, меннге джюк боллукъса», - дегенди эшек.
- Кёл ашады да, кеси ашады.
- Адеби болмагъан къыз – тузсуз хант.
- Кёзню ачылгъаны – иги, ауузну джабылгъаны – иги.
- Зар адамны насыбы болмаз.
- Мухар, кеси тойса да, кёзю тоймаз.
- Кимни – тили, тиши онглу, кимни – къолу, иши онглу.
- Ойнаб айтсанг да, эслеб айт.
- Ёксюзню къалачы уллу кёрюнюр.
- Билим ат болуб да чабар, къуш болуб да учар.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 3)